यसैया 30:13 - लिम्बु13 कल्ले़चोगुल्ले़ कन् लायोन् खे़निॽ लागि ना चम्बे़त् के़लःम्बाआङ् मक्थामा पेःक्मा के़जोःक्पा लत्छा केःम्बा लुङ्धाक् हे़क्तङ्बा चोक्लो, खे़न् सप्फाधिक्ले़सा थिक्ले़ङ्ले़ हर्जुॽ चोःन्लो॥ Gade chapit la |
यसैया 30:13
19 Referans Kwoze
हे़क्क्याङ् आबान् के़घे़म्बाआङ् पाःत्तुङ्बा पान् कुइसिक् मे़न्जोःक्मनाबा मनान् आक्तङ्बा चोक् फाॽआङ् मे़त्निङ्लो—खे़ल्ले़आङ् हिम् चोःक्मा फाॽआङ् पाङ्यक् तयु, कर नुबा पाङ्यक् नेम्भो मे़न्ने़ए लुङ्धाक् से़त्तुआङ् हिम् चोगु॥ हे़क्क्याङ् यम्बा वाहिप्मान् थ्ये़, वाकुक्खु ये़आङ् च्वाःत्तिल्ले़ खे़न् हिम्मिन् लक्तु, हे़क्क्याङ् लुःन्दुदेसुरो॥ हे़क्क्याङ् खे़न् हिम्मिन् चोःन्दे़बेआङ् यम्बा मे़म्भै पोःक्खे़रो॥”
ओमे़त्ताम्मे़ॽ! इक्सादिङ् खाम्बेःक्कोबा मनाहाॽरे़ खुन्छिॽ लायोल्ले़ चोगुल्ले़ खे़ङ्हाॽ खुम्दिङ् पिमासिरे़ लागि यहवे दाङ्बान् साङ्ग्राम्पेदाङ्लाम् युर पत्लो॥ इक्सादिङ् खाम्बेःक्मोबा मनाहाॽरे़ मे़से़सुबा माक्खिन् ओसेःन्धाङ् मे़जोगुरो, हे़क्क्याङ् मे़स्ये़रुसिबाहाॽ आल्ल याम्मो इक्सादिङ् खाम्बेःक्माल्ले़ चिङ्मा मे़सुक्तुसिन्लो॥
खे़न्नुःल्ले़ वेॽ यहवे दाङ्बे़ल्ले़ आबाङे कुमनाहाॽरे़ खुन्छिॽ याङ्घेःक्हाॽ इभुत्तु पिरुसि, हे़क्क्याङ् खुने़ॽ खाःन्दुसिबा खे़ङ्हाॽरे़ खुन्छिॽ याङ्घेःक्हाॽ वेःत्ल याःन्दु खे़न् ये़न्नो लाबे़न् नाम् कुसिङ् ओःत् हे़क्क्याङ् नाम्मिन् वेॽ ये़न्नुःल्ले़ नुसिले़ङ् यारिक् साॽरिक् ओःत्लो॥
के़साक्पा तुक्खे लाक्खेहाॽ खे़ने़ॽ के़सम्धाङ् इदारो, खे़न् तुक्खेहाॽ आक्तङ्बा कित्चाक्किल्ले़ के़घे़त्तुबे? हान्ति पोङ्मा पाःन्हाॽ खे़ने़ॽ के़दुमुरो, खे़ल्ले़ कुमे़न् के़हुङुसाङ् खे़न् तुक्खेन् खे़प्मा के़न्छुक्तुन्लो॥ खे़ने़ॽ तगि आभे़ल्ले़आङ् मे़न्दुम्मे के़वये़बा मे़क्मासिमे़न् आल्लोघोरो के़दुमुरो॥
खे़ङ्हाॽरे़ खुन्छिॽ लायोल्ले़ लागि हे़क्क्याङ् खे़ङ्हाॽरे़ खुन्छिॽ थाःक्थे़बाहाॽरे़ खुन्छिॽ लायोल्ले़ लागि कुले़क्वा हुङुङ्लो॥ खे़ङ्हाॽरे़ कोःक्माओबा नावाइत्ला से़वा के़मे़प्पाहाॽरे़ खुन्छिॽ ले़त्ति तोःम्मादे़न्हाॽओ सुक्पा मे़हाःन्दुआङ् वाॽरो खे़ब्याङ् आङ्गाॽ आदक्ले़ङ्वाओ मे़बारे़आङ् वाॽरो॥ के़बेःक्पा ये़न्नो खे़ङ्हाॽरे़ मे़जोगुबा लायोन् कुइसिक् आङ्गाॽ खे़ङ्हाॽ खुम्दिङ् पिरुङ्सिङ्लो॥”
Piblisite