यसैया 30:1 - लिम्बु1 यहवे दाङ्बे़ल्ले़ उवा चोगु, “चिःत्ताङ्लक् स्ये़रो! खे़न् पान् मे़ङ्घे़म्मनाबा साएहाॽग, खे़ङ्हाॽरे़ याःम्बक्हाॽ चोःक्मा मे़गोःत्तुरो खे़न् आङ्गाॽइन् मेःन्, नादङ् मे़जोगुरो, कर आयाम्साम् कुइसिक् मे़न्जोगुन्लो, लायो सम्धाङ् लायो मे़जोगुरो॥ Gade chapit la |
यसैया 30:1
48 Referans Kwoze
“खे़ङ्हाॽग मे़जिःत्ते़ मे़स्ये़रो, थेआङ्भे़ल्ले़ खे़ङ्हाॽ आङ्गाॽलाम् माःङ्घा मे़घे़त्छिङ् मे़बेआङ् मे़वाॽरो! खे़ङ्हाॽ खाप्पुथ्यःङ् मे़बोङ्लरो, थेआङ्भे़ल्ले़ आङ्गाॽ आदक्ले़ङ्वाओ खे़ङ्हाॽ पिफ्युङ्बा मे़बोःक्खे़आङ् मे़वाॽरो॥ कुमे़ल्लुङ् हुङ्माआङ् खे़ङ्हाॽ थे़ॽमासि आनिङ्वाॽ वाॽरो, कर खे़ङ्हाॽरे़ आङ्गाॽ आदक्ले़ङ्वाओ इङ्ले़क् मे़बाःत्तुरो॥
खुने़ॽ आङ्गाॽ मे़त्ताङ्, “नासिगे़न् थक्ला के़गप्पा मे़न्छाम् याप्मिए, आङ्गाॽ आदक्ले़ङ्वाओ पिफ्युङ् के़जोःक्पाआङ् के़वाॽबा, इस्राइलि सुवाङ्हाॽओ आङ्गाॽ खे़ने़ॽ पाङ्ने़र पत्ता॥ खे़ङ्हाॽ नु खे़ङ्हाॽरे़ खुन्छिॽ थाःक्थे़बाहाॽरे़ आङ्गाॽ आदक्ले़ङ्वाओ आइन् थारिक् पिफ्युङ् मे़जोगुर मे़वाॽ॥
आल्ल हे़क्तङ्बा मनाःल्ले़ कन् माङ्हे़क्कोबा पाःन्जाःक्हाॽ खे़प्सुल्ले़ खे़न् आप्फेक् मुॽइसाम् पिसिङ् हे़क्क्याङ् अक्खेलॽरिक् निङ्वाॽ इःत्छिङ्ॽ, “आङ्गाॽ आप्फेक् आलाम्मो लाङ्घेःक्काआङ् पत्तासाङ् आङ्गाॽ ताप्थेक् याम्धेक् वाॽआ॥” कन् मनाःल्ले़ च्वाःत्तिल्ले़ वारक्खुबा लाजेॽ सम्धाङ्नु सोसोरिक् कुसे़ङ्ग्रा लाजेॽओआङ् तुक्खे लाक्खे तारुॽ॥
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
आल्ल खे़ङ्हाॽरे़ आल्लसाङ् यरिक् लायो मे़जोगुरो, खुन्छिॽ आप्फेक् लागि खुन्छिॽ युप्पाहाॽलाम् खे़ङ्हाॽरे़ योःम्मनाबा नावाइत्लाहाॽ मे़धगुसिरो, इग्र मिक्ले़ङ्मालाम् कुइत् लःप्मनाबा नावाइत्लाहाॽ खे़ङ्हाॽ के़रे़क् चोबेगुहाॽरे़ मे़जोगुबा याःम्बक्लो॥ कन् मनाहाॽरे़ खुन्छिॽ याःम्बेओ मे़बाःत्तुआङ् वाॽरो, “कन्हाॽ सिदुङ्जभा तोःन्दे़म्सिम्मे़ॽओ पित्सात् नावाइत्लाहाॽ चुप् मे़त्ते़म्सिम्मे़ॽओ!”
खे़निॽ अक्खे के़बाःत्तुम्माङ् आङ्दिङ् के़लॽरिरो, “सिमे़न्नु आनिगे माङ्हे़क् चोगुम्बे़आङ् वयिगे़रो, खे़ब्याङ् खे़मा यङ्सङ्ङिन्नु माङ्हे़क् चोगुम्बे़आङ् वयिगे़रो॥ साॽरिक् यम्बा तुक्खेलाक्खे नु सिमे़न् आनिगे सम्धाङ् तासाङ् खे़न् तुक्खे लाक्खेःल्ले़ आनिगे मे़सुसिगे़न्लो॥ थेआङ्भे़ल्ले़ आनिगे इङ्ले़क्के से़ःप्सिङ्मादे़न्निन् इःम्सिङ्मादे़न् चोगुम्बे़आङ् वयिगे़रो हे़क्क्याङ् से़क्खा मेःम्बे़न् आनिगे चिङ्सिङ्मादे़न् चोगुम्बे़आङ् वयिगे़रो॥”
मुरे़क् खारे़क् थेआङ् के़होप्पादे़न्नो आक्खेलॽरिक् यहवे दाङ्बा खिनिॽ निङ्वाॽफुमाङ्ङिन् कुसाक्के़न् के़भोःक्खुम्, कन् पाःन्निन् खिनिॽ निङ्वाॽ इःत्ते़म्मे़ॽ, हे़क्क्याङ् आप्फाल्ले़आङ् निङ्वाॽ मे़भेःत्छे़म्मिन्ने़ॽ॥ मिस्रलाम् के़लःन्दिबा ये़न्नाङ्धो कन् ते़न्नो के़गे़रि के़भे़रिबा थारिक्ले़ खिनिॽ यहवे दाङ्बे़न् हाबा के़अत्तुम्माङ्ङे के़बत्छिॽ॥
खे़ने़ॽ के़युक्साबाहाॽ पिफ्युङ्बा नु खुःन्द्रिक्पाहाॽरे़ खुन्छिॽ चुम्देङ् मे़बोःक्खे़आङ् मे़वाॽरो॥ खे़ङ्हाॽ के़रे़क्ले़ स्वाःत् सुरुत्याङ् चामा खुन्छिॽ सिराॽथाङ्लो, हे़क्क्याङ् खे़ङ्हाॽ चे़सुङ् मिक्तोक् खोमा खिःम्यक् मे़जोक्लो॥ खे़ङ्हाॽरे़ ये़त्छाबा ये़त्छामाहाॽ खासे़न् मे़ल्लोःन्दुन् मे़म्बिरुसिन्लो॥ हे़क्क्याङ् कुये़म्बा के़सिमा मेमेदुमाहाॽरे़ खुन्छिॽ ये़क्पेलिन् खे़ङ्हाॽरे़ मे़ङ्घे़प्सुन् मे़म्बिरुसिन्लो॥
“यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, थे़मा पोङ्मा चोक् खे़न् पाःन्निन् आङ्गाॽ सेःन्दोमारे़ लागि यहुदाबा हाङ्ङिल्ले़ खे़ने़ॽ के़बाङ्घे़॥ खुने़ॽ अक्खे मे़त्ते़ॽ, ‘फारोल्ले़ कुधक्सुबाहाॽ खे़ने़ॽ के़भाॽसे़ मे़धाङे़र मे़बत्छे़साङ् खे़ङ्हाॽ मिस्र नुःङ्मा पेःक्मा मे़जोक्॥
“खे़ब्याङ् याम्मो आभे़ल्ले़आङ् कुभाॽ नाःक्मारे़ लागि इस्राइलरे़ मिस्रःन् कुनामे़साॽरुन्ॽ॥ के़बेःक्पा ये़न्हाॽओ मिस्रःन् नासाॽरुबा पाःन्निन् आक्ख्यारिक् लायोबा चोगे़ फाॽआङ् मिस्ररे़ तुमुबा कुमे़क्मा याक्नाम्मिल्ले़ इस्राइले़न् निङ्वाॽसुम् तारुपिरुॽ॥ खे़ब्याङ् आङ्गाॽए मुक्साम्दाङ्बा यहवे दाङ्बाआ फाॽआङ् इस्राइलरे़ निङ्वाॽ खोसुरो॥”
आल्ल ओमे़त्ते़ॽ, खे़ने़ॽ मिस्रओ के़घे़ःम्सिङ्ल के़वाॽ॥ खे़ङ्ग लत्छा के़ए़क्पा मिक्ला तक्कात् हे़क्तङ्बा चोक्, कुभा मनाहाॽ खे़प्मो मे़दक्सिङ्ने़भग्र खे़ल्ले़ मनाहाॽरे़ खुन्छिॽ हुक्हाॽ लक्तुआङ् मे़गान्॥ खे़प्मो के़घे़ःम्सिङ्बा के़रे़क्ले़ खुन्छिॽ लागि मिस्र लाजेॽबा फारो हाङ्ङिन् हाबा हे़क्तङ्बाए चोक्॥
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
आभाॽरे़ फाॽआङ् मिस्र लाजेॽओ के़बेःक्पाहाॽग मे़जिःत्ते़ मे़स्ये़रो! खे़ङ्हाॽरे़ मिस्र लाजेॽओबा यरिक् अन्हाॽ, अन्लाधाहाॽ हे़क्क्याङ् थक्सुबाहाॽरे़ ताङ्मे़से़ःप्तिगे़ फाॽआङ् मे़इःत्तुरो॥ कर इस्राइलबा सेसेबा निङ्वाॽफुमाङ्ङिल्लो निङ्वाॽ मे़न्युक्खुन्लो, हे़क्क्याङ् खुने़ॽओ कुभाॽआङ् मे़ङ्गोःत्तुन्लो॥
Piblisite