मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
यसैया 3:5 - लिम्बु5 थिक् मनाःल्ले़ वेॽसमा मनान् निङ्घुम् मे़त्तुरो थिक् मनान् वेॽसमा मनाःल्ले़ कुदक्ले़ङ्वाओ पोःक्लो॥ थिक् हिम्बेसाङ्बे़न् वेॽसमा हिम्बेसाङ्बे़ल्ले़ कुदक्ले़ङ्वाओ पोःक्लो, काप्पो तुम्साहाॽरे़ खुन्छिॽ तक्ले़ङ्वाओ चप्प्रक् थाङ्बे़न् के़गे़प्पाहाॽ मे़बोक्लो हे़क्क्याङ् मिङ्सो इङ्धाःङ्साबाहाॽरे़ खुन्छिॽ तक्ले़ङ्वाओ थेनाधेबा सुहि मनाहाॽ मे़बोक्लो॥ Gade chapit la |
यसैया 3:5
28 Referans Kwoze
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
सामरियाबा कोःक्माओ के़वाॽमा बासानबा पिप्मासे, सिम्बोसामा मे़न्छुमासे, कन् पाःन्निन् खे़प्से़म्मे़ॽओ, खिनिॽ याङ्गे़साॽबाहाॽ ताप्फे़ःल्लिक् के़मे़त्तुम्सिम्लो, थेआङ् मे़ङ्गप्मनाबाहाॽ खिनिॽ के़युक्तुम्सिम्लो, खे़ब्याङ् खिनिॽ ये़म्बाहाॽ अक्खे के़मे़त्तुम्सिम्लो, “थुङ्मारे़लागि आनिगे कुभा थे़माइ तारे़आबिरे़ॽओ॥”
खे़प्मो मना से़त्छे़ मे़इङुसिबाहाॽ, मे़साङुसिबा फाःन्दाहाॽ नु के़नाप्पाहाॽ आत्तिसाङ् मे़वाॽ॥ खे़ने़ॽ के़हिम्बेसाङ्बाहाॽ मे़न्वाॽमनाबा के़मे़त्तुसिआङ् खे़ने़ॽ साॽरिक् खिःक्ल याङ्ले़ कुस्सा के़जःॽ॥ हे़क्क्याङ् खे़ने़ॽ आङ्गाॽ निङ्वाॽ के़भेःत्छाङ्ङाङ् वाॽ, मुक्साम्दाङ्बा यहवे दाङ्बे़ल्ले़ पाःत्तुॽ॥
नाॽराङ्स्याङ्, लायोबा सुवाङ्, आप्तिक्साबा मनाहाॽ, ताप्फे़ःम्बा याःम्बक् के़जोःक्पाहाॽरे़ खुन्छिॽ साहाॽ, हे़क्क्याङ् स्वाःत्ताङ् सुरुत्याङ् के़जाबाहाॽरे़ खुन्छिॽ थिन्दाङ् सायोबोराहाॽ! खे़ङ्हाॽरे़ यहवे दाङ्बे़न् मे़नाॽरुआङ् वाॽरो, खे़ङ्हाॽरे़ इस्राइलबा सेसेबे़न् कुनामे़न्छाॽ मे़मे़त्तुरो हे़क्क्याङ् एःक्मे़मे़त्तुआङ् मे़वाॽरो॥
निस्सेसाङ् ताप्फे़ःम्बा याःम्बक् के़जोःक्पा मनाहाॽ मिःल्ले़ मिमे़दिक्लो, हे़क्क्याङ् खे़न् मिःल्ले़ सेर्दाःक्माहाॽ नु तिङ्हाॽ मिदिक्काङ् खाप्पुथ्यःङ् पोङ्लो॥ खे़न् मिःल्ले़ ताम्भुङ्ङोबा पोःक्लाहाॽ मिधिक्सुआङ् खे़ॽयोनु के़लःम्बा मिःक्खुॽइन् ताङ्साङ्बे़त्थाःङ् माक्स्दिःङ्ग्याःप्पा मिःक्खुन् हाःङ्गु हाःङ्गु लॽबेःक्लो॥
“आङ्गाॽ मिस्रबा मनाहाॽरे़ खुन्छिॽ तक्ले़ङ्वाओ मिस्रबा मनाहाॽए हुसुङ्सिङ् पक्सुङ्सिङ्लो॥ फुॽनुसाॽहाॽ खुन्छिॽ आबाङे फुॽनुसाॽहाॽनुए मे़घे मे़धक्लो, हिम्बेसाङ्बाहाॽ आबाङे खुन्छिॽ हिम्बेसाबाहाॽनुए मे़दन्छिङ्लो, ये़क्यक्को के़युङ्बाहाॽ आबाङे खुन्छिॽ ये़क्यक्को के़युङ्बाहाॽनु मे़घे मे़जुङ्लो, हे़क्क्याङ् हाङ्जुम्हाॽ हाङ्जुम्हाॽनुए मे़धक्लो॥
थेआङ्भे़ल्ले़ आल्लआङ्धो लाजेॽओबा मनाहाॽ आलुङ्माॽ स्याःत् मे़ल्लॽने़न्॥ से़क्खासाङ् आङ्गाॽ के़रे़क् खुन्छिॽ आप्फेक् हिम्बेसाङ्बाहाॽरे़ खुन्छिॽ हुक्को नु खुन्छिॽ आप्फेक् हाङ्ङिल्ले़ कुहुक्को थासुङ्सिङ्ॽ॥ खे़ङ्हाॽरे़ लाजेन् मे़युक्तुॽ, हे़क्क्याङ् खे़ङ्हाॽरे़ खुन्छिॽ हुक्कोलाम् आङ्गाॽ खे़ङ्हाॽ मे़से़ःप्तुङ्सिङ्ङिन्ॽ॥”
Piblisite