सियोनरे़ कुस्सा मे़न्छुमाःल्ले़ कुलाम्लोबाहाॽ मे़म्बाःत्ते स्वाःत्ताङ् खाम्बाङ्ङो हर्जुॽ मे़युङ्लो॥ खे़ङ्हाॽरे़ खुन्छिॽ थे़गेःक्को खाम्हिःक्किन् मे़जुःत्तुआङ् याक्लो हे़क्क्याङ् खे़ङ्हाॽरे़ सगितेत् मे़जाक्खुआङ् मे़वाॽरो॥ यरुसले़ःम्बा मे़न्छ्याहाॽरे़ खुन्छिॽ थे़गेःक्हाॽ खाम्बाङ्ङो थारिक् अःक्खुम् मे़भत्छुआङ् वाॽरो॥
यसैया 3:26 - लिम्बु26 सियोन ये़क्यक्कोबा पयम् यम्बा लाम्धेःप्पाहाॽ मे़रिङ् मे़धक्ल मे़हाःप्लो॥ खाम्बाङ्ङो थेधिक्काङ् मेःन्ने के़युङ्मा मे़न्छुमा कुइसिक् खे़न् ये़क्यक्किन् ओसेःन्धाङ् पोङ्लो॥ Gade chapit la |
यसैया 3:26
19 Referans Kwoze
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
के़रे़क् वागप्खेःङ्हाॽओ नु वरःङ्ङिल्ले़ कुयाहाॽओबा के़रे़क् युक्साबाहाॽ खुन्छिॽ हाङ्युक्नाहाॽओलाम् यो मे़धासिङ् मे़युरो हे़क्क्याङ् खे़ङ्हाॽरे़ खुन्छिॽ हाङ्लगेःत्हाॽ नु चाङ्हाॽ मे़भे़न्दुरो॥ खे़ने़ॽ के़मे़क्किल्ले़ खे़ङ्हाॽ यङ्मा मे़सिआङ् थे़गक्कक्ना मे़यङ्ल खाम्बाङ्ङो मे़युङ्सिङ्ॽ॥
हे़क्क्याङ् आङ्गाॽ मे़त्तुङ्, “आदाङ्बाए, आक्खे़न् ये़म् थारिक् कन् याःम्बक्किन् आङ्गाॽ चोगुङ्बाबे!” हे़क्केःल्ले़ खुने़ॽ मे़त्ताङ्, “पाङ्जुम्हाॽ खाप्पुथ्यःङ् पोङ्ङाङ् मे़न्छाम् याप्मि मेःन्ने चिजि खक्खक् मे़म्बोङ्ङे थारिक् नु हिम्धाःङ्हाॽ मनामे़ःन्ने कुघाले़म् मे़म्बोङ्ङे थारिक्, हे़क्क्याङ् प्याङ्सिगे़न् इक्ताप्पोबा चाहाॽ खाप्पु थ्यःङ् पोङ्ङाङ् मे़म्मे़क्के थारिक्,
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
खाम्घु लाजेन् मे़रिङ् थक् हे़क्क्याङ् मुरे़क् खारे़क् पोङ्लो, ले़बनानबा मनाहाॽरे़ खुन्छिॽ नासाम् थाःॽ खे़म्ब्याङ् इमे़सुॽरो॥ सारोन लाजेॽओ चागे़नुॽबा ने़ने़बादे़न्हाॽ अराबा लाजेॽओ के़ने़बा ये़ःङ्घादे़न् हे़क्तङ्बा पोङ्लो, खे़ब्याङ् बासान लाजेॽओ नु कर्मेल कोःक्माओबा सिङ्बुङ्हाॽओनु ते़त्ले़फे़क्वाहाॽ लुःक्थारो॥
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
यहवे दाङ्बे़ल्ले़ सियोनरे़ कुस्सा मे़न्छुमाःल्ले़ कुलुङ्धाक्हाॽ लुःम्मादेमा निङ्वाॽ निःन्धो चोगुरो॥ खुने़ॽ खे़न् कुसिःक्मा खाॽनाम्मिल्ले़ सिःक्तुरो, खे़न् खाप्पुथ्यःङ् चोःक्मालाम् कुहुक्किन् मे़नुःक्तुन्लो॥ खुने़ॽ हाङ्यक् नु लुङ्धाक् ने़प्माङ् मे़रिङ् थक्ते़र याःन्दुरो, खे़ङ्हाॽ ने़प्माङ् थिक्ले़ङ्ले़ पुरुःङ् लुःन्दे़बेरो॥
Piblisite