यसैया 3:13 - लिम्‍बु

¹³ यहवे दाङ्‌बान् कुघासे़न्‍लोःम्‍मा हिम्‍मो आबाङे कुयुक्‍नाओ युङ्‌लो, खुने़ॽ आबाङे कुमनाहाॽरे़ खुन्‍छिॽ तक्‍ले़ङ्‌वाओ खासे़न् चोःक्‍मारे़ लागि ये़म्‍सिङ्‌लो॥

यसैया 3:13 Referans Kwoze

मिका 6:2

“कोःक्‍मा फाङ्‌जङ्‌से, खाम्‍बेःक्‍मे़ल्‍ले़ नुप्‍मे़न्‍दिङ् कुबुङ्‌से, यहवे दाङ्‌बे़ल्‍ले़ कुआप्‍तिःक्‍किन् नुरिक् खे़प्‍से़म्‍मे़ॽओ॥ थेआङ्‌भे़ल्‍ले़ खुने़ॽ कुमनाहाॽनु लुङ्‌हान् पाःन्‍हाॽ कत्तुरो, खुने़ॽ इस्राइले़न् आप्‍तिक् पान् थिक्‍तुर पत्‍लो॥

निङ्‌वाॽफु साम्‍लोसुम् 12:5

यहवे दाङ्‌बे़ल्‍ले़ अक्‍खे मे़त्तुसिरो, “आल्‍ल आङ्‌गाॽ पोःक्‍कारो, थेआङ्‌भे़ल्‍ले़ मे़न्‍धुम्‍मनाबाहाॽ मे़युक्‍तुसिआङ् मे़वाॽरो, याङ्‌गे़साॽबाहाॽ उघुइ मे़लॽरो हे़क्‍क्‍याङ् तुक्‍खे के़जाःप्‍पाहाॽलाम् खे़ङ्‌हाॽ नाङुङ्‌सिङ्‌लो॥”

निङ्‌वाॽफु साम्‍लोसुम् 74:22

निङ्‌वाॽफुमाङ्‌ङे, पोगे़ॽओ, हे़क्‍क्‍याङ् खे़ने़ॽ से़क्‍खाबा चोःक्‍का फाॽआङ् निङ्‌मिहाॽ उसेःन्‍धाक्‍ते़से़ॽओ॥ अदङ् निङ्‌वाॽ के़गप्‍पा मनाहाॽरे़ ले़न्‍दिक् नाम्‍धाधा खे़ने़ॽ लासाक् के़म्‍बिबान् निङ्‌वाॽ इःत्ते़ॽओ॥

निङ्‌वाॽफु साम्‍लोसुम् 82:1

निङ्‌वाॽफुमाङ्‌ङिन् यम्‍बा ये़जुम्‍भोओ युङ्‌लो, माङ्‌साम्‍माङ्‌हाॽ खासे़न् लोःन्‍दुसिरो॥

यसैया 51:22

खिनिॽ ताङ्‌गे़से़ःप्‍पा यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ अक्‍खे पाःत्तुॽ, “आसाक्‍के़न् पोगे़आङ् थेआङ् मे़न्‍निबे़न्‍निल्‍ले़ खिनिॽ पिनिङ्‌बा चल्‍लाङ्‌ना खोर्‍यान् खे़त्तुङ्‌ल पत्तारो॥ खिनिॽ लाङ् ए़त्‍छिङ्‌ल के़याःम्‍बा चल्‍लाङ्‌ना खोर्‍यान् आल्‍लआङ्‌धो आफाल्‍ले़आङ् थुङ्‌मा मे़बोङ्‌ने़ल्‍लो॥

यसैया 66:16

थेआङ्‌भे़ल्‍ले़ मि नु ताभेलाम्‍बा यहवे दाङ्‌बे़ल्‍ले़ के़रे़क् मनाहाॽ खासे़न् चोगुसिरो, हे़क्‍क्‍याङ् यहवे दाङ्‌बालाम् के़सिबाहाॽ यरिक् मे़बोङ्‌लो॥

योएल 3:12

“मे़न्‍छाम् सुवाङ्‌हाॽ फे़जुम्‍भे़या मे़गाप्‍सिङ्‌ङाङ् मे़बोक्‍लरो हे़क्‍क्‍याङ् यहोसापातबा ने़ने़बादे़न्‍नो तगि मे़बोररो, थेआङ्‌भे़ल्‍ले़ हाबा खे़प्‍मोए के़रे़क् पिसाङ्‌बा मे़न्‍छाम् सुवाङ्‌हाॽ खासे़न् चोःक्‍मासिरे़ लागि आङ्‌गाॽ युङ्‌ङारो॥

यसैया 1:18

यहवे दाङ्‌बे़ल्‍ले़ पाःत्तु, “आल्‍ल त्‍ये़म्‍मे़ॽओ, आनिॽ सोरिक् युङिआङ् पाःन्‍धक्‍तिरो॥ खिनिॽ लायोहाॽ हे़ःत्ताङ्‌बा चोःक्‍साङ्, खे़ङ्‌हाॽ नाःङ् कुइसिक् फदाङ्‌बा पोङ्‌लो॥ हे़क्‍क्‍याङ् खे़निॽ लायोन् हे़ःक्‍कङ्‌गङ्‌बा चोःक्‍साङ् खे़न् फ के़लॽबा खि कुइसिक् पोङ्‌लो॥

मिका 6:1

यहवे दाङ्‌बे़ल्‍ले़ थे पाःत्तुॽ, खे़न् नुरिक् खे़प्‍से़म्‍मे़ॽओ— “खे़ने़ॽ इस्राइले़न् पोगे़ॽआङ् ये़बे़ॽओ, हे़क्‍क्‍याङ् कोःक्‍मा फाङ्‌जङ् तगि खे़ने़ॽ के़लुङ्‌हान् पाःन्‍हाॽ तोःन्‍दे़ॽओ, हे़क्‍क्‍याङ् के़बाःत्तुबान् थे़गु माङ्‌वाहाॽरे़ खे़प्‍सुररो॥