फे़न्जेॽ के़धक्पे़ल्ले़ लत्छा सार्दाम्धिक् याङ्सिङ्लो हे़क्क्याङ् मिदःत्तो याःम्बक् चोक्लो, खुने़ॽ थवाःल्ले़ थगुआङ् नावाइत्लाःल्ले़ कुजइःत् लःत्तुरो॥ खुने़ॽ के़धुम्बा कुहुक्किल्ले़ खे़न् याःम्बक्किन् चोगुरो, खुने़ॽ कुसिक्लाःक्, हे़क्क्याङ् खुने़ॽ मे़न्धुम्मनाबा पोङ्लो खे़ल्ले़ च्वाःत् मे़धुङुन् हे़क्क्याङ् खुने़ॽ कुधना ले़ङ्लो॥
यसैया 29:8 - लिम्बु8 कुसिक्के़लाःक्पा मनाःल्ले़ से़प्माङ्मो कुजा चबा निसुरो, कर कुमिक्सोःल्ले़ साक्मे़न्जाए वाॽरो, इग्र कुवागे़मिःक्पा मनाःल्ले़ से़प्माङ्मो च्वाःत् थुङुबा निसुरो, कर कुमिक्सोःल्ले़ कुवामिआङ् कुजाबोःप्मे़न् हेआङ् पत्लो॥ सियोन कोःक्माल्ले़ कुदक्ले़ङ्वाओ थङ् के़जोःक्पा मे़न्छाम् सुवाङ्लुप्हाॽरे़ खुन्छिॽ मे़क्मा सिमे़न्नाङ् हाबा हे़क्तङ्बाए पोङ्लो॥ Gade chapit la |
यसैया 29:8
10 Referans Kwoze
खम्भ्याङ् यहवे दाङ्बे़ल्ले़ माङ्लाइङ्बाधिक् पाङ्घुयुसुआङ् खे़ल्ले़ अस्सुरबा हाङ्ङिल्ले़ कुसाःङ्गाहिम्हाॽओ के़वाॽबा के़रे़क्, मुक्के़गुबा थङ्गे़जोःक्पाहाॽ, लाम्लोबाहाॽ नु सुहाङ्युक्पाहाॽ वरे़ङ्ले़ङ् युम्रे़क् मे़क्खुसि॥ खे़ब्याङ् सनहेरिबे़न् कुनाध्ये़आङ् आबाङे कुलाजेॽओ नुःक्खे़आङ् पे॥ हे़क्क्याङ् खुने़ॽ कुमाङ्ङिल्ले़न् माङ्हिम्मो लासे़ल्ले़ खुने़ॽ कुस्साहाॽओबा कुभारे़ ताभेःल्ले़ खुने़ॽ मे़ज्ये़प्तु मे़स्ये़रु॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
ओमे़त्ते़म्मे़ॽ, सुनाइङ् के़दाःप्पा नु नुॽमादामा इङ्घङ् उवा के़जोःक्पाहाॽरे़ खुन्छिॽ लाङ्हाॽ कोःक्मा फाङ्जङ् थे़गु माङ्वाहाॽओ फे़न्ल पत्लो॥ यहुदाए, खे़ने़ॽ के़दङ्नाम्हाॽ तोसे़ॽओ खे़ने़ॽ माङ्हे़क् के़जोगुबा पाःन्हाॽ के़त्ते़ॽओ॥ आल्लआङ्धो कुॽइगे़भे़म्बाहाॽरे़ खे़ने़ॽ के़मे़म्भत्ने़न्लो, खे़ङ्हाॽ वरे़ङ्ले़ङ् युम्रे़क् मे़मे़क्लो॥
Piblisite