यसैया 29:5 - लिम्बु5 कर यरुसले़म ये़क्यक्को के़युङ्बा मनासे, वेॽ लाजेॽलाम् के़दाबा खे़निॽ यरिक् निङ्मिहाॽ खाम्हिःक् कुइसिक् मे़बोङ्लो, हे़क्क्याङ् खे़ङ्हाॽरे़ खुन्छिॽ थक्सुबाहाॽ याॽसिप् हे़क्के फुत्लुम् थ्यःङ् मे़से़ मे़बेःक्लो, हे़क्क्याङ् सप्फाधिक्ले़सा Gade chapit la |
“अस्सुरबा मनाहाॽ ताभेःल्ले़ मे़ज्ये़प्तु मे़स्ये़रुसिरो, कर मनारे़ मे़याङुबा ताभेलाम्बा मेःन्लो॥ हाबा ताभेःल्ले़ खे़ङ्हाॽ मे़मे़क्लो, कर मे़न्छाम् याप्मि नासिगे़न् थक्लाओ मेःन्लो॥ खे़न् ताभेन् मे़निसुआङ् खे़ङ्हाॽ मे़घे़त्छिङ् मे़बेःक्लो, हे़क्क्याङ् खे़ङ्हाॽरे़ खुन्छिॽ थाङ्बे़न् मे़न्छ्या साहाॽ योग्बा योःग्मा मे़जोगुसिरो॥
कर मिस्रिहाॽग मनासिरक् निङ्वाॽफुमाङ्सि मेःन्लो, खे़ङ्हाॽरे़ खुन्छिॽ अन्हाॽ नासिगे़न् थक्लासि, याम्साम्सि मेःन्लो, निङ्वाॽफुमाङ्ङिल्ले़ कुहुक्किन् सन्छुल्ले़ खे़ङ्हाॽ कुभाॽ के़बिबे़न् के़ङ्लो, हे़क्क्याङ् मे़भाॽरुबान्नाङ् हर्जुॽ चोःन्लो खे़ब्याङ् ने़प्माङ् थिक्ले़ङ्ले़ मे़क्सिरो॥
हे़क्क्याङ् मुरे़क् खारे़क्पा ये़ःङ्घादे़न्नो हाङ्वासे़ःक्पा कुइसिक् लॽरो॥ वेॽ लाजेॽ के़युङ्बा मनाहाॽरे़ मे़जोगुबा हयङ् किल्लिङ्ङिन् खे़ने़ॽ चिजि खक्खक् पोङ्ल के़जोगुरो॥ खाॽमिःत्ते़ल्ले़ नाम्मे़न् इःप्तुआङ् नाम्इःक्खङ् चोगुबा कुइसिक् कुनिङ्वाॽ के़जिःप्पाहाॽरे़ खुन्छिॽ साम्लोन् खे़ने़ॽ के़साक्तु के़बिरुसिरो॥
आङ्गाॽ यहवे दाङ्बे़ल्ले़ कन् इक्सा खाम्बेःक्के़न् कुभे़न् याःम्बक्के़ल्ले़ चोगुल्ले़ खुम्दिङ् पिरुङ्लो, हे़क्क्याङ् ताप्फे़ःम्बा याःम्बक् के़जोःक्पाहाॽ खुन्छिॽ लायोल्ले़ लागि साम्बान् कुःत्तुङ्सिङ्लो॥ खे़ब्याङ् यम्बा के़ले़ङ्सिङ्बाहाॽरे़ खुन्छिॽ आङ्दिङ् लॽमे़न् नुप्सुङ् पिरुङ्सिङ्लो, खे़ब्याङ् साॽरिक् कुॽइगे़भे़म्बाहाॽरे़ खुन्छिॽ हे़न्छिङ्मे़न् मार याःन्दुङ्लो॥
याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो,
के़साक्पा तुक्खे लाक्खेहाॽ खे़ने़ॽ के़सम्धाङ् इदारो, खे़न् तुक्खेहाॽ आक्तङ्बा कित्चाक्किल्ले़ के़घे़त्तुबे? हान्ति पोङ्मा पाःन्हाॽ खे़ने़ॽ के़दुमुरो, खे़ल्ले़ कुमे़न् के़हुङुसाङ् खे़न् तुक्खेन् खे़प्मा के़न्छुक्तुन्लो॥ खे़ने़ॽ तगि आभे़ल्ले़आङ् मे़न्दुम्मे के़वये़बा मे़क्मासिमे़न् आल्लोघोरो के़दुमुरो॥