यसैया 29:21 - लिम्बु21 आत्तिन्हाॽरे़ मनाहाॽ पाःन्नो मे़धासुसिआङ् आप्तिक्साबा मे़जोगुसिरो, हे़क्क्याङ् खासे़न् लोःम्मादे़न्नो तुःन्देॽ मे़गुःत्तुसिआङ् चे़न्नो मे़धासुसिरो॥ खे़ब्याङ् कुदोःप्मा मनाहाॽ मे़न्वाॽमनाबा पान् मे़धिक्तुसिआङ् खासे़न्लोम्मा मे़ङ्घोम्नाबा मे़जोगुसिरो हे़क्तङ्बा मनाहाॽ यहवे दाङ्बे़ल्ले़ मे़क्खुसिरो॥ Gade chapit la |
यसैया 29:21
22 Referans Kwoze
मुक्साम्दाङ्बा यहवे दाङ्बे़ल्ले़ पाःत्तुॽ, “कर हे़क्के पोङ्मानुःल्ले़ तगि आङ्गाॽ खासे़न् लोःन्छे़ खे़निॽ पेसाङ् ताआ॥ साम्माङ्च्याःङ् मुरा के़मे़प्पा मनाहाॽ, इप्ना लोःम्भेत् के़बोःप्पा मनाहाॽ हे़क्क्याङ् इङ्ले़क्के तोःन्दि के़बिबाहाॽ, याःम्बक् के़जोःक्पाहाॽरे़ खुन्छिॽ नाम्याक् नुरिक् मे़म्बिमनाहाॽ कुये़म्बा के़सिमा मे़न्छुमाहाॽ नु ये़त्छा होॽदोःक्हाॽ निङ्वाॽ तादा के़जोःक्पा नु ताप्फे़ःल्लिक् के़मे़प्पाहाॽ वेॽ लाजेॽबा मनाहाॽरे़ खुनिॽ ले़प्माङ् कुदोःप्मा खासे़न् मे़ल्लोःम्मना मे़म्बिमनाबाहाॽ, हे़क्क्याङ् आङ्गाॽनु मे़ङ्गिमनाबा कन् के़रे़क् मनाहाॽ आङ्गाॽ हक्चघत् आप्तिक् कुःत्तुङ्सिङ्ॽ॥”
हुक्पक् थिक्ने़त्छि हःक्सि इग्र कुघे़ःक् थिक्ने़त्छि खरे़ःङ्ले़ लागि आङ्गाॽ आमनाहाॽरे़ खुन्छिॽ लुम्मो खिनिॽ आङ्गाॽ आजाःत्थि के़देसुम्॥ इङ्ले़क्पा पाःन्हाॽ खे़म्मा कुसिराॽ के़धाङ्बा आमनाहाॽ खिनिॽ इङ्गे़ले़क्तुम्सिम्माङ् सिमा मे़म्बोङ्मनाबा आमनाहाॽ खिनिॽ के़से़रुम्सिम्ॽ, हे़क्क्याङ् हिङ्मा मे़न्याःप्मनाबा मनाहाॽनु हिङ्मारे़ लागि माङ्हुप् के़जोगुम्ॽ॥
हे़क्क्याङ् मनाहाॽरे़ मे़बाःत्तु, “फे़रे़म्मे़ॽ, यर्मियान् पाःत् मे़म्बाङ्मारे़ लागि आनिॽ थेइ चोगुम्॥ आनिॽ लागि निसाम् के़हुॽबा निङ्वाॽफुसाम्बा, सुजा के़बिबा सिक्कुम्निबा ये़म्बित्छा नु निङ्वाॽफुमाङ्ङिल्ले़ कुइङ्घङ् के़बाःप्पा माङ्निङ्वाॽपान् के़बाःप्पाहाॽ आप्फाल्ले़आङ् मे़न्छुःन्ने़न्॥ आनिॽ खुने़ॽ कुजाःत्थि तेसुम् पिरुम् हे़क्क्याङ् खुने़ॽ कुबाःन्नाङ् खे़प्सुम् मेःन्॥”
खे़ब्याङ् खे़ने़ॽ यहुदाबा हाङ् यहोयाकिमे़न् अक्खे मे़त्ते़ॽ, ‘यहवे दाङ्बे़ल्ले़ अक्खे पाःत्तुॽ, खे़ने़ॽ खे़न् साप्लाथःङ्मे़न् के़हाःन्दु के़देसु, हे़क्क्याङ् के़बाःत्तु, “बेबिलोनबा हाङ्ङिन् फे़न्नाङ् कन् लाजेन् खाप्पुथ्यःङ् चोगुॽ, हे़क्क्याङ् खे़ल्ले़ थक्साहाॽ नु मनाहाॽ से़रुसिॽ फाॽआङ् खे़ने़ॽ थेआङ् खे़प्मो के़साप्तु?”
Piblisite