यसैया 29:1 - लिम्बु1 दाउदे़न् युङे़बा अरियल ये़क्यक्के, दाउदे़न् युङे़बा अरियल ये़क्यक्के, के़जिःत्ते़आङ् के़स्ये़रो! तङ्बेॽ सम्धाङ् तङ्बेॽ योॽसिङ्ल पेःक्लो, हे़क्क्याङ् तङ्नाम्हाॽआङ् तङ्बेॽ, तङ्बेधक्मा इदारो॥ Gade chapit la |
यसैया 29:1
17 Referans Kwoze
यहवे दाङ्बे़ल्ले़ कुदगि खिनिॽ चे़ल्ले़क्सेॽ थि सिदुङ्जभा कुसिङ्बा चे़ल्ले़क्सेॽ थिन् मे़न्हुक्खुन्लो, खिनिॽ सिदुङ्जभाहाॽरे़ खुने़ॽ कुनिङ्वाॽआङ् मे़दाने़न्लो॥ अक्तङ्बा सिदुङ्जभाहाॽग के़सिबाहाॽरे़ लागि ने़त्के़युक्पाहाॽरे़ खुन्छिॽ खरे़ःङ् हे़क्के पोङ्लो खे़न् के़जाबाहाॽ के़रे़क् आसुत्थो मे़बोङ्लो॥ अक्तङ्बा कुजाःङ्ग खे़ङ्हाॽरे़ खुन्छिॽ लागिरक् पोङ्लो, यहवे दाङ्बे़ल्ले़ कुहिम्मो खे़न् मे़न्दारुन्लो॥
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
कर खे़ङ्हाॽरे़ आबाङे खुन्छिॽ लाम्मिन् मे़सेगुआङ् मे़वाॽरो खे़ब्याङ् खे़ङ्हाॽरे़ खुन्छिॽ याम्साम्मिन् आबाङे खुन्छिॽ सिक्के़ले़ःङ्बा याःम्बक्हाॽओ सःत्लो॥ कुम्बाबा पित् वयागे़न् सिदुङ्जभा के़जोःक्पे़ङ्ग मना के़से़प्पा हे़क्तङ्बारो॥ थुःम्बा वयागे़न् सिदुङ्जभा के़जोःक्पे़ङ्ग कोःत्चोःल्ले़ कुनिःङ्मा के़ए़ङ्बा कुइसिःक्लो॥ हाःत्ले़ कुजा सिदुङ्जभा तोःन्दुॽ, खे़ङ्ग फाक्किल्ले़ कुमाक्खिॽ के़दोम्बा कुइसिःक्लो॥ आत्तिल्ले़ साङ्सिङ् सुक्पा हाःन्दु, खे़ङ्ग नावाइत्ला से़वा के़मे़प्पा हे़क्तङ्बारो॥
मोसारे़ कुसाम्योथिम्मिङ्ग ताःन्दि के़दाबार के़बप्पा नुबा पाःन्हाॽ ओसेःन्के़धाक्पा साम्ब्रिःप्पा कुइसिःक्लक्लो, से़क्खाबा पान् मेःन्लो॥ थेआङ्भे़ल्ले़ साम्योथिम्मिल्ले़ नाःक्तुबा तङ्बे थप्मे ए़त्ले़ङ् तोःम्मनाबा सिदुङ्जभाःल्ले़ खे़न् सेसे माङ्गे़घबाहाॽ आप्फाल्ले़आङ् कुलिङ्दो मे़गे़त्तुन्छिन्लो॥
खे़ङ्हाॽरे़ खुन्छिॽ हाङ्यक्किन् किमा यङ्मारे़ चोगुल्ले़ लुःन्लो, हे़क्क्याङ् खे़ङ्हाॽरे़ खुन्छिॽ थक्मोबाहाॽरे़ थङ्ङिल्ले़ निसान मे़निसुआङ् आल्ल आक्खेने चोःक्मा पाःप्मा मे़लॽरो॥” खे़न् मिन् सियोन कोःक्माओ नु मिधुङ्दिङ् मिराःक्किन् यरुसले़म ये़क्यक्को युङ् फाॽआङ् यहवे दाङ्बे़ल्ले़ पाःत्तुरो॥
खे़ङ्हाॽरे़ खुन्छिॽ साभःङ्जाहाॽओ अन्मे खिङ्मनाबा तुङ्ना नु तुःङ्गे, के नु मुफ्रामा हे़क्क्याङ् सेजःङ्वा वाॽरो, कर खे़ङ्हाॽरे़ यहवे दाङ्बे़ल्ले़ कुयाःम्बक्किन् खे़म्घे़म् निनिआङ् मे़ल्लाप्तुन्लो॥ खे़ङ्हाॽरे़ खुने़ॽ कुहुक्किल्ले़ चोगुबा याःम्बक्किन् मिङ्सो इङ्धाङ्ङे मे़म्बिरुन्लो॥
दाङ्बे़ल्ले़ अक्खे पाःत्तुरो, “कन् मनाहाॽ खुन्छिॽ नारा ओसेःन्धाक्से़ आङ्गाॽ आबेसाङ् मे़दारो हे़क्क्याङ् खुन्छिॽ मुराःल्ले़रक् आङ्गाॽ मिङ्सो इङ्धाङ् मे़बिआरो, कर खुन्छिॽ निङ्वान् आङ्गाॽलाम् माःङ्घा वाॽरो॥ खे़ङ्हाॽरे़ आङ्गाॽ से़वा मे़मे़त्ताबाङ्ग हने़ मनाहाॽरे़ मे़हुॽरुसिबा चोःक्थिम्लक्लो॥
Piblisite