यसैया 28:7 - लिम्बु7 कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥ Gade chapit la |
यसैया 28:7
33 Referans Kwoze
मुक्साम्दाङ्बा यहवे दाङ्बे़ल्ले़ यरुसले़ःम्मोबा मनाहाॽ अक्खे मे़त्तुसिरो, “माङ्निङ्वाॽपान् के़बाःप्पाहाॽरे़ खुन्छिॽ पाःन्निन् खिनिॽ मे़घे़प्से़म्मिन्ने़ॽओ, खे़ङ्हाॽरे़ खिनिॽ इङ्ले़क् निङ्साङ् चोःक्मा के़म्बाङ्घिरो॥ खे़न् पाःन्हाॽ यहवे दाङ्बे़ल्ले़ पाःत्तुबा मेःन्लो कर खे़ङ्हाॽरे़ आबाङे मुरा नु निङ्वाॽओबा पाःन्हाॽ खिनिॽ के़म्जे़क्तिरो॥
कर यहवे दाङ्बे़ल्ले़ आङ्गाॽ नुगप् पिराङ्, “माङ्निङ्वाॽपान् के़बाःप्पाहाॽरे़ आमिङ्ङो इङ्ले़क् पान् मे़बाःत्तुर मे़बत्॥ खे़ङ्हाॽ आङ्गाॽ पाङ्घुङ्सिङ्बा मेःन्॥ खे़ङ्हाॽनु आङ्गाॽ लत्छा पाःन्नाङ् मे़म्बाःत्ते वाॽआ, हे़क्क्याङ् थेआङ् इङ्जाङ् पिरुङ्सिङ्बा होप्॥ खे़ङ्हाॽरे़ आङ्गाॽ मे़बिरुङ्सिङ्ङिम्बा इङ्ले़क् सुफो पाःन्हाॽरे़ कुयाःम्बेओ मे़बाःत्तुॽ॥ खे़ङ्हाॽरे़ खुन्छिॽ निङ्वाॽओबा हने़बा सुप्फो, नु खाइक्माहाॽरक् माङ्निङ्वाॽपान् मे़बाःत्तुॽ॥
निङ्मि कुइसिक् खुने़ॽ लिओ पे़रे़ःन्जोःन् फत्छुआङ् पत्लो, आअत्अप्पा कुइसिक् खुने़ॽ तक्पे़त् ये़म्सिङ्ङाङ् ये़प्लो॥ मिक्के़ल्ले़ निसुल्ले़ के़वाॽबा सिराॽगे़धाङ्बा पाःन्हाॽ खुने़ॽ निङ्मि हे़क्के के़रे़क् वरे़ङ्ले़ङ् मे़क्खुरो॥ सियोनरे़ कुस्सा मे़न्छुमाःल्ले़ कुसाःङ्गाहिम्मो खुने़ॽ कुसाक्के़न्निन् मि हे़क्के थासुआङ् वाॽरो॥
खे़निॽ लागि कन् के़रे़क् मिक् निमा सुफोहाॽग एःप्साप् युक्मनाआङ् सुप्मनाबा साप्कित्तो के़बप्पा पाःन्छेःक्वा हे़क्तङ्बारक्लो॥ हे़क्क्याङ् साप्कित्तिन् निःप्मा के़सुक्पा कुभा मनाधिक् “निरे़ आबिरे़ॽ” फाॽआङ् खे़निॽ के़मे़त्तुम्ने़भग्र खे़ल्ले़ खे़निॽ अक्खेलॽरिक् नुगप् के़बिरिरो, “आहाॽ, कन् एःप्साप् मे़युक्तुआङ् मे़सुबुबा साप्कित्तिन् आङ्गाॽ निःप्मा मे़सुक्कान्लो॥”
मनाहाॽरे़ मे़दुमुबा तुक्खे हे़क्तङ्बाए निङ्वाॽफुसाम्बाहाॽरे़आङ् मे़दुमुरो, से़वारोबाहाॽरे़ मे़दुमुबा कुइसिक् खुन्छिॽ दाङ्बाहाॽरे़आङ् मे़दुमुरो, सेवारोमाल्ले़ तुमुबा हे़क्केए कुन्दाङ्मे़ल्ले़आङ् तुमुरो, हे़क्क्याङ् चिगक्वा के़इङ्बाहाॽरे़ मे़दुमुबा हे़क्केए के़सङ्बाहाॽरे़आङ् मे़दुमुरो, थे़त्लङ् के़लक्पे़ल्ले़ तुमुबा कुइसिःक्के थे़त्लङ् के़बिबे़ल्ले़आङ् तुमुरो॥ सिङ्नात् के़देॽबाहाॽरे़ मे़दुमुबा हे़क्केए सिङ्नात् के़बिबाहाॽरे़आङ् तुक्खे मे़दुमुरो॥
थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥
चिःत्ते़आङ्लक् स्ये़रो, सामरिया ये़क्यक्पा आङ्दिङ् के़लॽबाहाॽरे़ आक्तङ्बा तुक्खेन् मे़दुमुइरो— इस्राइलबा थिमसाङ्हाॽरे़ खुन्छिॽ हाङ्वा माङ्वा तिचःन्॥ कङ्ग चा के़नुॽबा ने़ने़बा ते़न्निल्ले़ कुजङ्ओ ने़रो, कर खे़ल्ले़ नुमा कुघे़म्सिङ्मे़न् फुङ् हे़क्के इरे़म्बेःक्लो, कङ्ग सेजङ्वाःल्ले़ फे़त्लाःन्दुबा मनाःल्ले़ कुआङ्दिङ् लॽमारो॥
Piblisite