यसैया 28:5 - लिम्‍बु

⁵ खे़न् ये़न्‍नो मुक्‍साम्‍दाङ्‌बा यहवे दाङ्‌बे़न्‍ने इस्राइलरे़ कुघे़म्‍सिङ्‌मा तिच पोङ्‌लो॥ खुने़ॽए के़हिङ्‌बा के़याःक्‍पा कुमनाहाॽरे़ खुन्‍छिॽ लागि मिमिदिङ्‌गे़न् पोङ्‌लो॥

यसैया 28:5 Referans Kwoze

१ पत्रुस 5:4

हे़क्‍क्‍याङ् तुम् मे़ल्‍लुक्‍कम्‍बान् युःल्‍ले़ आप्‍फाल्‍ले़आङ् इमे़ल्‍ले़म्‍मनाबा मिमिदिङ् नु इङ्‌धाङ्‌ङिल्‍ले़न् तिचः के़घोसुम्‍लो॥

यसैया 62:3

खे़ने़ॽ यहवे दाङ्‌बे़ल्‍ले़ कुहुक्‍को मिमिदिङ्‌ले़ तिच नु खे़ने़ॽ के़निङ्‌वाॽफुमाङ्‌ङिल्‍ले़ कुहुक्‍को लत्‍छा हाङ् तिवाजो के़बोङ्‌लो॥

यसैया 60:19

“आल्‍लआङ्‌धो ले़न्‍दिक् नाम्‍मिल्‍ले़ खे़ने़ॽ थोॽमा मे़बोङ्‌ने़न्‍लो, हे़क्‍क्‍याङ् से़न्‍दिक् लाबे़ल्‍ले़ खे़ने़ॽ थोॽमा मे़बोङ्‌ने़ल्‍लो॥ आङ्‌गाॽ यहवे दाङ्‌बान् सदादिङ्‌बा खे़ने़ॽ के़लागि ओःत्ति पोङ्‌ङारो, आङ्‌गाॽ आमिमिदिङ्‌ङिल्‍ले़ कुओःत्तिःल्‍ले़ के़धोॽरो॥

यसैया 45:25

कर यहवे दाङ्‌बाओए इस्राइलबा के़रे़क् थाःक्‍हाॽ साम्‌योबा खोमे़दे़त्‍लो, हे़क्‍क्‍याङ् खे़ङ्‌हाॽ मे़सःत्ताङ् मिमिदिङ् मे़बिआरो॥

यसैया 41:16

खे़ने़ॽ खे़ङ्‌हाॽ के़आःप्‍सुसिरो, हे़क्‍क्‍याङ् सुरिःत्तिल्‍ले़ खे़न् पक्‍खु तेॽरुरो, खे़ब्‍याङ् सुरित् केजङ्‌ङिल्‍ले़ फे़सु तेॽरुसिरो॥ कर खे़ने़ॽग यहवे दाङ्‌बाओ के़सःत्‍लो, खे़ने़ॽ इस्राइलबा सेसे निङ्‌वाॽफुमाङ्‌ङिन् मिमिदिङ् के़बिरुरो॥

अयुब 29:14

आङ्‌गाॽ साम्‌योबा पाःन्‍निन् चाङ्‌देःत् हे़क्‍के चाक्‍खुङ्‌लो हे़क्‍क्‍याङ् खासे़न्‍निन् पागरि कुइसिक् आङ्‌गाॽ खुःक्‍खुङ्‌लो॥

२ कोरन्‍थि 4:17

थेआङ्‌भे़ल्‍ले़ आनिॽ आदुमुम्‍बा चुक्‍सा नु सप्‍फाधिक्‍पा इनोगे़न् तुक्‍खेहाॽरे़ग मे़न्‍नुप्‍मनाबा मिमिदिङ् के़घोबा आजोःक्‍लो॥ हे़क्‍क्‍याङ् मिमिदिङ्‌ङिन्‍नु तङ्‌माल्‍ले़ खे़ङ्‌ग थेआङ् मेःन्‍लो॥

लुका 2:32

खुने़ॽ थिम्‍मे़न्‍दङ् सुवाङ्‌हाॽरे़ लागि ओःत्ति ओसेःन्‍गे़धाक्‍पा हे़क्‍क्‍याङ् खुने़ॽग के़रे़क् इस्राइलिहाॽरे़ खुनिॽ मिमिदिङ् पोङ्‌लो॥”

यसैया 11:16

मिस्र लाजेॽलाम् इस्राइलिहाॽ मे़नुःक्‍से़ल्‍ले़ पोःक्‍खे़बा कुइसिक् के़हिङ्‌बा के़याःक्‍पा खुने़ॽ कुमनाहाॽ अस्‍सुरलाम् लःम्‍माभे़म्‍मारे़ लागि माराम्‍धिक् पोङ्‌लो॥

यसैया 4:3

सियोःन्‍नो के़दाङ्‌बा के़याःक्‍पा के़रे़क् सेसेबा मना मे़बोङ्‌ॽ—यरुसले़ःम्‍मो मे़क्‍मालाम् के़हिङ्‌बा के़याःक्‍पा हे़क्‍क्‍याङ् कुहिङ्‌वे़त् के़वाॽबासिरो फाॽआङ् खुन्‍छिॽ मिङ् मे़साप्‍तुबा मनाहाॽ सेसेबा मे़मे़त्तुसिॽ॥

यसैया 24:16

इक्‍सादिङ् खाम्‍बेःक्‍माल्‍ले़ नासमा कुसुक्‍पोलाम् “साम्‌योबाल्‍ले़ कुमिमिदिङ् पोङ्‌लो” के़लॽबा साम्‍लोन् साम्‍मे़मे़त्तुबा आनिगे खे़प्‍सुम्‍बे़रो॥ कर आङ्‌गाॽ मे़त्तुङ्‌सिङ्‌लो, “आङ्‌गाॽ हेआ चप्‍पार पत्तारो, आङ्‌गाॽ हेआ चप्‍पार पत्तारो आङ्‌गाॽ कुसुम् मे़दन्‍नान् चिःत्ताङ्‌लक् स्‍ये़रो! इङ्‌गे़ले़क्‍सिङ्‌बा मनाहाॽ इङ्‌मे़ले़क्‍सिङ्‌लो! इङ्‌मे़ले़क्‍सिङाङ्‌ङे इङ्‌ले़क् याःम्‍बक् के़जोःक्‍पा मनाहाॽ नसान् मे़ले़ङ्‌सिङ् मे़बिसिङ्‌लो!”

इजकिएल 16:12

खे़ने़ॽ के़न्‍बोओ मुन्‍द्रि, के़ने़क्‍खोॽओ कुन्‍दुल्‍लो वाःत्‍ने़ हे़क्‍क्‍याङ् के़धेगेःक्‍को सिराॽगे़धाङ्‌बा तिच खुःक्‍ने़॥

जकरिया 12:5

खे़ब्‍याङ् यहुदाबा लाम्‍लोबाहाॽरे़ खुन्‍छिॽ आप्‍फेक् निङ्‌वाॽओ अक्‍खे मे़बाःत्तुॽ, ‘यरुसले़ःम्‍मोबा मनाहाॽ के़धुम्‍बा मे़जोक्, थेआङ्‌भे़ल्‍ले़ मुक्‍साम्‍दाङ्‌बा यहवे दाङ्‌बे़न् खे़ङ्‌हाॽरे़ खुन्‍छिॽ निङ्‌वाॽफुमाङ्‌लो॥’”