यसैया 28:13 - लिम्‍बु

¹³ खे़ल्‍ले़चोगुल्‍ले़ यहवे दाङ्‌बे़ल्‍ले़ कुबाःन्‍जाःक्‍किन् इस्राइल लाजेॽओबा मनाहाॽरे़ खुन्‍छिॽ लागि अक्‍खे के़बोङ्‌बा वाॽरो— चोगाम्‍मे़ॽआङ् युङे़म्‍मे़ॽ, चोगाम्‍मे़ॽआङ् युङे़म्‍मे़ॽओ, खासे़न् लोःन्‍दाम्‍मे़ॽ, खासे़न् लोःन्‍दाम्‍मे़ॽओ, आजे़ःत्‍छिक् खे़ॽयो, आजे़ःत्‍छिक् कॽयो॥ अक्‍खेलॽरिक् खे़ङ्‌हाॽ तगि लाम्‍मे़लोररो हे़क्‍क्‍याङ् मे़गे़ङ्‌ङाङ् मे़भत्‍छिङ्‌लरो, मे़गाःन्‍नाङ् चे़न्‍नो मे़धार खे़ब्‍याङ् मे़दे़म्‍सु मे़देॽरुसिररो॥

यसैया 28:13 Referans Kwoze

मत्ति 13:14

माङ्‌निङ्‌वाॽपान् के़बाःप्‍पा यसैयाःल्‍ले़ अक्‍खेलॽरिक् पाःत्तुबान् कन् मनाहाॽओ के़रे़बारो— “‘खिनिॽ के़घे़प्‍सुम्‍साङ् कुसिङ् के़न्‍निःत्तुम्‍मिन्, ओगे़मे़त्तुम्‍साङ् के़न्‍निसुम्‍मिन्‍लो॥

२ पत्रुस 3:16

कन् पाःन्‍निल्‍ले़ कुयाःम्‍बेओग पावलरे़ बा अक्‍खेलॽरिक्‍के कुसक्‍इङ्‌घङ्‌हाॽओ साप्‍तुआङ् वये़॥ खुने़ॽ साप्‍तुबा कुभा पाःन्‍हाॽ कुसिङ् निःप्‍मा साक्‍लो॥ थेआङ् मे़ल्‍ले़मनाबा नु हिल्‍लिक्‍लिक्‍पा मनाहाॽरे़ग खे़न् पाःन्‍निल्‍ले़ कुबेन् मे़ले़क्‍खुआङ् मे़वाॽरो॥ खे़ङ्‌हाॽरे़ वेॽ साम्‌योसाप्‍लाओ के़बप्‍पा पाःन्‍हाॽरे़ कुबेन्‍नाङ् बा हे़क्‍केलॽरिक्‍के मे़ले़क्‍खुआङ् मे़वाॽ॥ हे़क्‍के मे़जोगुबाल्‍ले़ चोगुल्‍ले़ खे़ङ्‌हाॽरे़ खुनिॽ मे़क्‍मान् आबाङे मे़दारुरो॥

मत्ति 21:44

‘आत्तिन्‍हाॽ खे़न् लुङ् सम्‍दाङ् मक्‍मे़धाःॽ, खे़ङ्‌हाॽ मे़भक् मे़सिरो॥ हे़क्‍क्‍याङ् आत्तिन्‍हाॽ सम्‍दाङ् खे़न् लुङ्‌ङिन् मक्‍थाःॽ, खे़ङ्‌हाॽ मे़भे़क् मे़सिरो॥’”

यसैया 28:10

थेआङ्‌भे़ल्‍ले़ खुने़ॽ आनिॽ आमे़त्‍लो— चोगे़म्‍मे़ॽआङ् युङे़म्‍मे़ॽ, चोगे़म्‍मे़ॽआङ् युङे़म्‍मे़ॽओ, हे़क्‍क्‍याङ् कॽयो चबे़ःत्‍छिक्, खे़ॽयो चबे़ःत्‍छिक् खासे़न् लोःन्‍दाम्‍मे़ॽ, खासे़न् लोःन्‍दाम्‍मे़ॽओ!”

निङ्‌वाॽफु साम्‍लोसुम् 69:22

खे़ङ्‌हाॽरे़ खुनिॽ तगि थाप्‍मना ने़मनाबा चामा थुङ्‌माहाॽ इस्रुप्‍पा चे़न् पोङ्‌लरो, हे़क्‍क्‍याङ् हाबा कन्‍ने खे़ङ्‌हाॽरे़ खोमा के़बोङ्‌बा तुम्‍घो नु चे़ङ्‌घ्रङ्‌बा पोङ्‌लरो॥

२ कोरन्‍थि 2:16

के़मे़क्‍पार के़बप्‍पाहाॽरे़ लागि कङ्‌ग सिमे़ल्‍ले़ कुनाम् कुइसिक् पोङ्, कर से़न्‍लप् के़घोबार के़बप्‍पाहाॽरे़ लागि कन् ने़त्तिगे़न् हिङ्‌मन् के़बिबा फुङ्‌नाम् कुइसिक् पोङ्‌लो॥ अक्‍तङ्‌बा यम्‍बा याःम्‍बक् चोःक्‍मारे़ लागि हात् लाॽरुबे?

रोमि 11:9

दाउद हाङ्‌ङिल्‍ले़ बा हे़क्‍केलॽरिक्‍के पाःत्तुआङ् पत्, “हाराॽ खे़ङ्‌हाॽरे़ आबाङे खुनिॽ साभाङ्‌जाःल्‍ले़ इजोओ थासुसिर, खुनिॽ साभःङ्‌जान् आघघबा पान् नु खुम्‍दिङ् के़दाःप्‍पा पान् पोङ्‌लरो॥

होसे 6:5

कल्‍ले़चोगुल्‍ले़ आमाङ्‌निङ्‌वाॽपान् के़बाःप्‍पाहाॽलाम् आङ्‌गाॽ खिनिॽ कुम्‍जिक्‍मा चोःक्‍निङ्‌ङाङ् वाॽरो, आङ्‌गाॽ खिनिॽ आम्‍ब्राओबा पाःन्‍जाःक्‍किल्‍ले़ से़त्‍निङ्‌ङाङ् वाॽरो आङ्‌गाॽ आघासे़न्‍निन् खिनिॽओ साःम्‍भे हे़क्‍के ले़क्‍ते़आङ् वाॽरो॥

होसे 8:12

आङ्‌गाॽ खे़ङ्‌हाॽरे़ खुन्‍छिॽ लागि यरिक् थिम्‍हाॽ आङ्‌गाॽ आसाम्‌योथिम् इङ्‌जाङ्‌ङो साप्‍तुङ्‌लो, कर खे़ङ्‌हाॽरे़ खे़न् कुभा वेॽ लाजेॽबा थिम् हे़क्‍तङ्‌बा मे़लेःत्तुरो॥

यसैया 59:10

मिक्‍फःम्‍बा मनान् कुसिङ् लुङ्‌धाक्‍किन् आसप्‍सुम्‍लो, कुमिक् के़होप्‍पा मनाहाॽ हे़क्‍के आबाङे लाम्‍मिन् आनिॽ ससप् ससप् लॽरिक् आसप्‍सुम्‍लो॥ युःन्‍छिक् कुसिङ् ले़न्‍दिक् मसेरा आनिॽ आदोक्‍लो, के़धुम्‍बाहाॽरे़ खुन्‍छिॽ लुम्‍मो कुसिवे़त् हे़क्‍के आलॽरो॥