यसैया 27:9 - लिम्बु9 आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥ Gade chapit la |
यसैया 27:9
36 Referans Kwoze
आङ्गाॽ आदक्ले़ङ्वाओ पिफ्युङ् नु खे़माॽ के़जोःक्पा खे़न् के़रे़क्लाम् खिनिॽ सुत्थो चोःक्निङ्ॽ॥ मे़दे़म्सु मे़देॽरुसिआङ् मे़वाॽबा लाजेॽहाॽओलाम् आङ्गाॽ खे़ङ्हाॽ तारुङ्सिङ्ॽ, कर खे़ङ्हाॽ इस्राइल लाजेॽओ आप्फाल्ले़आङ् लाःप्मा मे़ङ्घोने़न्ॽ॥ खे़ब्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्ॽ॥
खे़ङ्हाॽरे़ यहवे दाङ्बे़ल्ले़ कुहिम्मे़न् फुत्लुम् मिमे़धिक्खु मे़देसु हे़क्क्याङ् यरुसले़म ये़क्यक्कोबा लुङ्धाक्किन् मे़लुःन्दु मे़देसु॥ खे़ङ्हाॽरे़ ये़क्यक्कोबा यम्बयम्बा हिम्हाॽ के़रे़क् मिमे़धिक्खु मे़देसु खम्भ्याङ् खे़प्मोबा के़रे़क् कुमे़न् के़घिःक्पा चिगक्वा सामाहाॽ खाप्पुथ्यःङ् मे़जोगु॥
बाल माङ्हाॽओबा ले़त्ति तोःम्मादे़न्हाॽ खुने़ॽ लुःम्मादेमा पाङ्घुसि, हे़क्क्याङ् खे़ङ्हाॽरे़ कुसम्धाङ्बा सुक्पा हाःम्मा साङ्ते़रे़ःङ्हाॽ कुम्जिक्मा मे़जोगु॥ खुने़ॽ असेरा माङ् सित्लाङ्हाॽ नु वेॽ के़रे़क् नावाइत्लाहाॽ हे़क्क्याङ् इत्हाॽ फयःप्फयःप् यःप्सुआङ् खाप्पुथ्यःङ् चोगु, हम्भ्याङ् खे़न् माङ्हाॽओ सिदुङ्जभा के़दोम्बा मनाहाॽरे़ खुन्छिॽ इपुङ्हाॽओ खे़न् कुम्जिक्माहाॽ से़सुदेसु॥
खे़ङ्हाॽरे़ खुन्छिॽ नावाइत्लाहाॽ हे़रे़म् पिरे़म्सिम्मे़ॽ॥ खे़ङ्हाॽरे़ खुन्छिॽ सुत्थोबा लुङ्हाॽ फयःप्फयःप् यःप्से़म् पिरे़म्सिम्मे़ॽ॥ खे़ङ्हाॽरे़ खुन्छिॽ असेरा माङ्ङिल्ले़ कुसित्लाङ्हाॽ मिओ हाःन्दाम्दे़से़म्मे़ॽ॥ खे़ङ्हाॽरे़ खुन्छिॽ माङ् नावाइत्लाहाॽ सोःन्दे़म् पिरे़म्सिम्मे़ॽ हे़क्क्याङ् खे़न् ते़न्हाॽलाम् खुन्छिॽ मिङ् मासे़म् पिरे़म्सिम्मे़ॽ॥
Piblisite