यसैया 27:4 - लिम्‍बु

⁴ आङ्‌गाॽ आल्‍ल आयाक् मे़ल्‍ले़ॽए वाॽआरो, सेर्दाःक्‍माहाॽ नु तिङ्‌हाॽ आङ्‌गाॽ आधेःक्‍से़ लिङे़बाने़भग्र खे़न् तिङ्‌हाॽ नु सेर्दाःक्‍माहाॽ ले़ःङ्‌मा से़प्‍मारे़ लागि थङ् चोःक्‍से़ आङ्‌गाॽ पेःक्‍कामे़न्‍लो, हे़क्‍क्‍याङ् आङ्‌गाॽ तिङ्‌हाॽ नु सेर्दाःक्‍हाॽ मिधिक्‍खुङ् से़रुङ्‌मे़न्‍लो॥

यसैया 27:4 Referans Kwoze

हिब्रु 6:8

कर खे़प्‍मो तिङ् नु सिध्राःक्‍पारक् लिङ्‌ने़ फाॽग्र खे़न् इक्‍ताप्‍पिन् इनाम् पोङ्‌ङाङ् इक् के़मबाल्‍ले़ साङ्‌ग्रा मे़त्तुआङ् फाःत्‍त्रा केःत्तुॽरो॥

यसैया 10:17

इस्राइलबा ओःत्तिःन् मि पोङ्‌लो, इस्राइलबा सेसेबा माङ्‌ङिन् मिधुङ्‌दिङ् मिराःक् पोङ्‌लो, हे़क्‍क्‍याङ् खे़न् मिःल्‍ले़ थिक्‌याःन्‍धिक्‍ले़ खे़ॽयोबा तिङ्‌लान् नु सेर्दाःक्‍माहाॽ मिदिक्‍काङ् खाप्‍पुथ्‍यःङ् चोगुरो॥

मत्ति 3:12

कुभॽएःत्तिल्‍ले़ सिन् आःम्‍मा फाॽआङ् खुने़ॽ यारिप् वाॽ, हे़क्‍क्‍याङ् खुने़ॽ तुगुर सुप्‍सुआङ् सिन् चाधोक्‍लाओ चिक्‍खुॽ हे़क्‍क्‍याङ् कुहक्‍हाॽ आप्‍फाल्‍ले़आङ् मे़न्‍छिःम्‍नाबा मिओ हाःन्‍दुदेसुॽरो॥”

निङ्‌वाॽफु साम्‍लोसुम् 85:3

खे़ने़ॽ खे़ङ्‌हाॽनु याःक्‍ले़ॽमा के़ले़रुरो, हे़क्‍क्‍याङ् के़सिक् पोःक्‍मा के़नाॽरे़आङ् वाॽरो॥

२ सामुए़ल 23:6

कर ताक्‍के़भे़ॽबा मनाहाॽग लाप्‍फेःम्‍नाबा तिङ् कुइसिक् मे़जोक्‍लो, खे़न् तिङ्‌हाॽग हुक्‍किल्‍ले़ सुम्‍माआङ् सुक्‍मे़दे़त्‍ने़न्‍लो॥

२ पत्रुस 2:9

हे़क्‍केलॽरिक् दाङ्‌बाल्‍ले़ साम्‌योबा मनाहाॽ इनोगे़न् तुक्‍खेहाॽलाम् से़ःप्‍मासिआङ् ले़स्‍सुॽरो॥ हे़क्‍क्‍याङ् लायोबा मनाहाॽ खुम्‍दिङ् पिरुसिर खासे़न् ये़न्‍नो थारिक् कप्‍मासिआङ् ले़स्‍सुरो॥

मलाकि 4:3

खम्‍भ्‍याङ् फे़न्‌याःम्‍बक् के़जोःक्‍पाहाॽ खे़निॽ लाङ्‌ङिल्‍ले़ के़दोॽरुम्‍सिम्‌ॽ॥ आङ्‌गाॽ खे़न् याःम्‍बक्‍किन् चोगुङ्‌बा ये़न्‍नो, खे़ङ्‌हाॽ खे़निॽ लाङ्‌दाप्‍पेॽ सिगाङ् खाप्‍पुथ्‍यःङ् मे़बोङ्‌लो,” मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥

इजकिएल 16:63

खे़ने़ॽ के़जोगुआङ् वाॽबा के़रे़क् पाःन्‍हाॽओ आङ्‌गाॽ खे़ने़ॽ ले़प्‍मि पिने़ल्‍ले़ खे़ने़ॽ के़लायोहाॽ निङ्‌वाॽ के़इःत्तुआङ् के़नुःन्‍नाङ् के़नाःन् के़दे़प्‍तुॽ॥ आङ्‌गाॽ मुक्‍साम्‍दाङ्‌बा यहवे दाङ्‌बान् पाराङ्‌ङाङ् वाॽरो!”

यसैया 12:1

खे़न् ये़न्‍नो खे़निॽ अक्‍खे के़बाःत्तुम्‍लो, “यहवे दाङ्‌बाए, खे़ने़ॽ नुगे़न् पिने़रो! खे़ने़ॽ आङ्‌गाॽनु के़याःक्‍ले़ॽरे़आङ् वये़रो, करसाङ् आल्‍लोग खे़ने़ॽ के़सिक्‍के़न् चिःक्‍तुरो, हे़क्‍क्‍याङ् आल्‍लो आङ्‌गाॽ हाङ्‌हाङ् के़मे़त्ताङ्‌ङाङ् वाॽरो॥

यसैया 9:18

निस्‍सेसाङ् ताप्‍फे़ःम्‍बा याःम्‍बक् के़जोःक्‍पा मनाहाॽ मिःल्‍ले़ मिमे़दिक्‍लो, हे़क्‍क्‍याङ् खे़न् मिःल्‍ले़ सेर्दाःक्‍माहाॽ नु तिङ्‌हाॽ मिदिक्‍काङ् खाप्‍पुथ्‍यःङ् पोङ्‌लो॥ खे़न् मिःल्‍ले़ ताम्‍भुङ्‌ङोबा पोःक्‍लाहाॽ मिधिक्‍सुआङ् खे़ॽयोनु के़लःम्‍बा मिःक्‍खुॽइन् ताङ्‌साङ्‌बे़त्‍थाःङ् माक्‍स्‍दिःङ्‌ग्‍याःप्‍पा मिःक्‍खुन् हाःङ्‌गु हाःङ्‌गु लॽबेःक्‍लो॥

निङ्‌वाॽफु साम्‍लोसुम् 103:9

खुने़ॽ आभे़ल्‍ले़साङ् पान् आन्‍धिक्‍ने़न्‍नाङ् मे़बत्‍ने़ल्‍लो, हे़क्‍क्‍याङ् सदादिङ् कुयाःक्‍काङ् मे़ले़ॽने़न्‍नाङ् मे़वाॽने़ल्‍लो॥

यसैया 33:12

मनाहाॽ चुनि लुङ् मिधिङ्‌मनादेमनाबा कुइसिक् मिमे़दिक्‍लो, हे़क्‍मना ने़मनाबा तिङ्‌ग्रेक् लाःन् लाप्‍मनाबा हे़क्‍के खे़ङ्‌हाॽ मे़लाबुसिरो॥

२ सामुए़ल 23:7

कर फे़न्‍जेॽ नु सिङ्‌ङिल्‍ले़रक् सुम्‍मा सुक्‍ते़त्‍लो॥ सुम्‍मनाबा तिङ्‌हाॽ मिओ हाःम्‍मा पोङ्‌लो॥

यर्मिया 29:11

थेआङ्‌भे़ल्‍ले़ आङ्‌गाॽ खिनिॽ लागि चोःक्‍मा कोःत्तुङ्‌बा निलाम्‍हाॽ आङ्‌गाॽ आबाङे कुसिङ् निःत्तुङ्‌ॽ॥ खे़न् निलाम्‍हाॽलाम्‍बा खिनिॽ नुॽमादामा पोङ्‌ॽ कर खिनिॽ हान्‍ति के़म्‍बोःक्‍खिन् हे़क्‍क्‍याङ् नुॽमादामारे़ लागि खिनिॽ निङ्‌साङ् के़जोगुम्‍बा के़दाबा ये़म्‍मिन् खिनिॽ पिनिङ्‌ॽ॥