यहवे दाङ्बे़ल्ले़ खिनिॽ चक्मे़ल्लॽए लाम्गे़लोसिरो, हे़क्क्याङ् साॽरिक् नाम्गे़लाःङ्बा ते़न्हाॽओआङ् नुबा पाःन्हाॽरे़ खे़निॽ निङ्वाॽ तार चोगुरो॥ खे़म्ब्याङ् खे़निॽ ये़प्पा लुङ्सिहाॽ के़धुम्बा चोगु के़बिरिरो, च्वाःत्तिल्ले़ पयो योरुर वारङ्मनाबा सिङ्सेॽइक् कुइसिक् हे़क्क्याङ् मे़न्जप्मनाबा वाबुन्दाक्वा हे़क्तङ्बा के़बोक्खिरो॥
यसैया 27:3 - लिम्बु3 आङ्गाॽ, यहवे दाङ्बे़ल्ले़ खे़न् चे़ल्ले़क्सेॽ इक्किन् साःक्तुङ्लो, आङ्गाॽ खे़ॽयो थिक्याःन्धक् च्वाःत् केःत्तुङ्लो॥ आङ्गाॽ खे़न् चे़ल्ले़क्सेॽ इक्के़न् से़न्दिक् ले़न्दिक् कोसुङ्लो, मेःन्ने़भग्र मनाहाॽरे़ खे़न् इक्ताप्पिन् मे़दोॽरु मे़लाःक्तुरो॥ Gade chapit la |
यसैया 27:3
26 Referans Kwoze
आङ्गाॽ आयाम्साम्मिन् खिनिॽओ केःत्तुङ्ॽ, हे़क्क्याङ् खिनिॽ कुहिङ्वे़त् के़बोःक्खिआङ् खिनिॽ आप्फेक् लाजेॽबा हिम्मो के़नुःक्खिॽ॥ खे़ब्याङ् आङ्गाॽ यहवे दाङ्बान् पाराङ्ङाङ् वाॽआ फाॽआङ् खिनिॽ निङ्वाॽ के़घोसुम्ॽ, खम्भ्याङ् आङ्गाॽ पाःत्तुङ्बान् चोगुङ्ङाङ् वाॽ॥ ओरो, यहवे दाङ्बे़न् पारे़आङ् वाॽरो!’”
हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
पुहाॽरे़ खुन्छिॽ हाप्पिन् से़ःप्मारे़ लागि कब्रिङ् मे़बे़आङ् मे़वाॽबा हे़क्केए आङ्गाॽ मुक्साम्दाङ्बा यहवे दाङ्बे़ल्ले़ यरुसले़म ये़क्यक्किन् कम्ब्राङ् मे़त्तुङ्लो॥ खे़न् ताङ्से़ःप्तुङ्, हे़क्क्याङ् खे़न् नाङुङ् थेःक्तुङ्लो, खे़न् लाम् पोङ्ङार पेःक्का खे़ब्याङ् खे़न् चोःक्युम्भो पिरुङ्लो॥”
“आङ्गाॽ, यहवे दाङ्बे़ल्ले़ आसाम्योबा आयाःम्बक् कुइसिक् खे़निॽ उःत्निङ्ङाङ् वाॽरो॥ आङ्गाॽ खे़ने़ॽ के़हुक्किन् ते़म्सुङ्, हे़क्क्याङ् से़ःप्ने़रो, खे़ने़ॽए इक्सादिङ् खाम्बेःक्कोबा मे़न्छाम् सुवाङ्हाॽरे़ लागि माङ्हे़क् चोःक्ने़रो खम्ब्याङ् थिम्मे़न्दङ् सुवाङ्हाॽरे़ खुनिॽ लागि ओःत्ति चोःक्ने़रो॥
यहवे दाङ्बे़ल्ले़ अक्खे पाःत्तुरो— “सुये़म्मो आङ्गाॽ खे़ने़ॽ नुगप् पिने़रो, हे़क्क्याङ् से़न्लप् पिमा ये़न्नो आङ्गाॽ खे़ने़ॽ फाॽने़रो॥ चिजि खक्खक् के़बोङ्बा इस्राइलबा लाजेन् याम्मो फोङ्मारे़ लागि हे़क्क्याङ् खे़न् लाजेःल्ले़ आबाङे कुन्दाङ्बाहाॽ याम्मो नुःक्मा पिमासिरे़ लागि आङ्गाॽ खे़ने़ॽ से़ःप्ने़ कत्ने़रो खे़ब्याङ् मनारे़ लागि आङ्गाॽ खे़ने़ॽ माङ्हुप् चोःक्ने़रो,
Piblisite