यसैया 27:13 - लिम्बु13 हे़क्केलॽरिक् खे़न् ये़न्निन् ताःल्ले़ इस्राइलिहाॽ उःप्मासिरे़ लागि लत्छा यम्बा थुत्थुरिःप्पान् लाइक्॥ हे़क्क्याङ् अस्सुर नु मिस्र लाजेॽओ मे़लःत्तुसिआङ् के़वाॽबा इस्राइलि सुवाङ्हाॽ मे़दाआङ् यरुसले़ःम्बा सेसे सियोन कोःक्माओ यहवे दाङ्बान् से़वा मे़मे़त्तुरो॥ Gade chapit la |
यसैया 27:13
51 Referans Kwoze
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
थेआङ्भे़ल्ले़ तुम्माङ्लाइङ्बाल्ले़ कुइक्ला हे़क्क्याङ् निङ्वाॽफुमाङ्ङिल्ले़ कुधुत्तुरिःप्पाल्ले़ कुइक्लानु दाङ्बान्ने साङ्ग्राम्पेदाङ्लाम् यम्बा इक्लाओ अःक्ल युरो॥ हे़क्क्याङ् काक् ख्रिस्ते़न् नसान् के़जोःक्पाआङ् के़सिबाहाॽ सिमे़न्लाम् हिङ्मन्नो काक्नु तगि मे़हिङ्ङाङ् मे़बोक्लो॥
कर इस्राइलिहाॽरे़ सुनाइङ्ङिन् से़क्खाए मे़ङ्घे़म्मे मे़वाॽबि? से़क्खाए खे़ङ्हाॽरे़ मे़घे़प्सुआङ् वाॽरो॥ थेआङ्भे़ल्ले़, कन् सुनाइङ् के़से़बाहाॽरे़ खुनिॽ इङ्घङ्ङिन् खाम्बेःक्मो काक् पिसाङ् से़रे़आङ् वाॽरो, हे़क्क्याङ् खे़ङ्हाॽरे़ मे़बाःत्तुबा पाःन्निन् इक्सादिङ् खाम्बेःक्मोबा के़रे़क् ते़न्नो से़रे़आङ् वाॽ लॽरिक् साम्योसाप्लाओ साप्ते़आङ् पत्लो॥
“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
आङ्गाॽ मे़बिराङ्बा सिदुङ्जभाहाॽ खे़ङ्हाॽरे़ मे़दोन्दुरो हे़क्क्याङ् सिदुङ्जभा सान् खे़ङ्हाॽरे़ मे़जरो, कर यहवे दाङ्बे़न् खे़ङ्हाॽनु कुनिङ्वाॽ मे़दाने़न्लो॥ आल्ल खुने़ॽ खे़ङ्हाॽरे़ खुन्छिॽ फे़न्याःम्बक्किन् निङ्वाॽ इःत्तुरो हे़क्क्याङ् खुन्छिॽ लायोल्ले़ कुले़क्वा खुम्दिङ् पिरुसिरो, खम्भ्याङ् खे़ङ्हाॽ मिस्र लाजेॽ मे़नुःङ्ङाङ् मे़बेःक्लो॥
अक्खेलॽरिक् यहवे दाङ्बान् मिस्र लाजेॽबा मनाहाॽओ ओसेःन्धाक्सिङ्ॽ, हे़क्क्याङ् खे़न् ये़न्नाङ्धो खे़ङ्हाॽरे़ यहवे दाङ्बान् नसान् मे़जोगुॽ॥ खे़ङ्हाॽरे़ वयागे़न् सिदुङ्जभा नु चा मिधिङ्मनादेमनाबा सिदुङ्जभालाम् खुने़ॽ से़वा मे़मे़त्तुॽ, हे़क्क्याङ् खे़ङ्हाॽरे़ यहवे दाङ्बे़ल्ले़ कुलागि माङ्हे़क् मे़जोगुआङ् खे़न् पाःन्निन् मे़गे़त्तुॽ॥
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
यहवे दाङ्बे़ल्ले़ मिस्र लाजेॽओ पयम् यम्बा मिन्देॽ पोःक्ल याःन्दुॽ॥ खुने़ॽ खे़ॽयो के़युङ्बा मनाहाॽ मे़दुक्ल याःन्दुसिॽ, हे़क्क्याङ् खे़ङ्हाॽ याम्मो वेःन्दुसिॽ॥ खे़ब्याङ् खे़ङ्हाॽ यहवे दाङ्बान् ले़प्माङ् मे़नुःङ्ॽ॥ हे़क्क्याङ् खुने़ॽ खे़ङ्हाॽरे़ खुन्छिॽ पेलिन् खे़प्सुआङ् वेःन्दुसिॽ॥
युक्साबाहाॽरे़ खुन्छिॽ से़वारोबा, सुवाङ्हाॽरे़ साॽरिक् कुनामे़न्छाॽरुम्बा नु मे़जिःत्तुबान्, यहवे दाङ्बा, के़धे़ॽबा नु इस्राइलबा निङ्वाॽफुमाङ्ङिल्ले़ खे़न् मे़त्तुरो, “हाङ्हाॽरे़ खे़ने़ॽ के़म्नि हे़क्क्याङ् मे़बोःक्काङ् मे़ये़प्लो॥ हाङ्साहाॽरे़ खे़ने़ॽ के़म्निरो खे़ब्याङ् के़दगि साम्बोन् हबत् मे़भन्छिङ्लो॥ थेआङ्भे़ल्ले़ नसाःन्साबा यहवे दाङ्बा, इस्राइलबा सेसे निङ्वाॽफुमाङ्ङिल्ले़ खे़ने़ॽ के़सेगे़आङ् वाॽरो॥”
खिनिॽ के़म्दे़म्सि के़म्देॽरिबा मे़न्छाम् सुवाङ्हाॽलाम् हे़क्क्याङ् फुत्छिङ्ज्याङ् के़से़रि के़बेगिबालाम् सुम्निङ् ताःत्निङ्ङिल्ले़ आङ्गाॽ आनिङ्वाॽ के़दाबा सिदुङ्जभा कुइसिक् आङ्गाॽ ताःक्निङ्ॽ॥ हे़क्क्याङ् खिनिॽ लुम्मो आङ्गाॽ सेसेबा चोःक्काबा पाःन्निन् ओसेःन्धाङ् चोगुङ्ङिल्ले़ के़रे़क् मे़न्छाम् सुवाङ्हाॽरे़ मे़निसुॽ॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
आङ्गाॽ थाङ्गे़त् ले़प्साङ्ङिन् मे़त्तुङ्लो, ‘खे़ङ्हाॽ पेःक्मा फाःक्ते़से़ॽओ॥’ हे़क्क्याङ् लाङ्गे़त् ले़प्माङ्ङिन् मे़त्तुङ्लो, ‘खे़ङ्हाॽ मे़साक्ते़से़न्ने़ॽओ॥’ आङ्गाॽ आस्सा ये़म्बित्छाहाॽ माःङ्घालाम् नुःक्ते़से़ॽओ खे़ब्याङ् आस्सा मे़न्छुमाहाॽ इक्सादिङ् खाम्बेःक्माल्ले़ नासमा कुयाओनु फे़त्ते़से़ॽओ,
Piblisite