यसैया 27:11 - लिम्बु11 हे़क्केलॽरिक् खे़ॽयोबा चुजुक्सा सिङ्बोराःक्हाॽ हेआङ् मे़ए़क्खुरो, खे़ब्याङ् मे़न्छुमाहाॽ मे़दाआङ् मिओ सिङ् मे़हाःन्दुरो॥ थेआङ्भे़ल्ले़ कङ्हाॽग सिक्कुम् निङ्वाॽ के़होप्पा लत्छा सुवाङ्सिरो खे़ल्ले़चोगुल्ले़ खुन्छिॽ के़जोःक्पा निङ्वाॽफुमाङ्ङिल्ले़ खे़ङ्हाॽ लुङ्माॽ मे़दुक्तुसिन्लो खे़ब्याङ् खुन्छिॽ नावागे़न् चइःत् के़जोक्पे़न् खे़ङ्हाॽओ कुलुङ्मास्याःत् मे़लॽने़न्लो॥ Gade chapit la |
यसैया 27:11
39 Referans Kwoze
निङ्वाॽफुमाङ्ङिल्ले़ कुसुनाइङ्ङिन् थिम्मे़न्दङ् सुवाङ्हाॽरे़ मे़घे़प्सुआङ् से़न्लप् मे़ङ्घोसुन्ल फाॽआङ् खे़ङ्हाॽरे़ सुनाइङ् इङ्भन् चोःक्मा आनिगे याप्मि साक्मा तम्सिङ् मे़जोगुर मे़वाॽरो॥ अक्खेलॽरिक् निङ्वाॽफुमाङ्ङिल्ले़ कुनिमाओ खे़ङ्हाॽरे़ खुनिॽ लायोन् लुम्सिङ्ल पत्लो॥ कर आल्लग निङ्वाॽफुमाङ्ङिल्ले़ कुसिक्के़न् खे़ङ्हाॽओ चुक्ते़आङ् वाॽरो॥
थेआङ्भे़ल्ले़ कन् मनाहाॽरे़ खुनिॽ खासिङ्ङिन् के़धुङ्बा पोःक्खे़आङ् वाॽ॥ खे़ङ्हाॽरे़ खुनिॽ ने़क्खोॽबान् थाक्ते़आङ् वाॽ, हे़क्क्याङ् खुनिॽ मिक्किन् इम् मे़मे़त्तुआङ् वाॽ॥ मेःन्ने फाॽग्र खे़ङ्हाॽरे़ खुनिॽ ने़क्खोॽबाल्ले़ मे़घे़प्सुबा नु मिक्किल्ले़ मे़निसुबामे़न्, हे़क्क्याङ् खुनिॽ सिक्लुङ्माओ कुसिङ् मे़निःत्तुआङ् इङ्गाॽ ले़प्माङ् मे़नुःक्खे़बामे़न्, हे़क्क्याङ् इङ्गाॽ खे़ङ्हाॽ वेःन्दुङ्सिङ्मे़न् फाॽआङ् निङ्वाॽफुमाङ्ङिल्ले़ पाःत्तुरो॥’
आङ्गाॽ आमनाहाॽ सिक्कुम्दिङ् निङ्वाॽ सुःम्मारे़ चोगुल्ले़ मे़मे़गे़आङ् वाॽरो, सिक्कुम्दिङ् निङ्वान् खिनिॽ के़नाॽरुम्बाल्ले़ चोगुल्ले़ आङ्गाॽआङ् खिनिॽ निङ्वाॽफुसाम्बा पोङ्मा मे़बाङ्निङ्ङिन्लो॥ खिनिॽ आप्फेक् निङ्वाॽफुमाङ्ङिल्ले़ कुइङ्जाङ्ङिन् खिनिॽ निनि खे़म्घे़म् के़न्लाप्तुम्मिन्बाल्ले़ चोगुल्ले़, आङ्गाॽआङ् खिनिॽ साहाॽ निनि मे़लाप्पासिङ्ङिन्लो॥
लाङ्गे़त् ले़प्माङ्बा ताम्भुङ्ङिन् खे़ने़ॽ अक्खे मे़त्ते़ॽ—‘यहवे दाङ्बे़ल्ले़ कुइङ्घङ्ङिन् खे़प्से़ॽ॥ मुक्साम्दाङ्बा यहवे दाङ्बे़ल्ले़ अक्खे पाःत्तुॽ—आङ्गाॽ खे़ने़ॽ फाःत्त्रा केःत्ने़रो, हे़क्क्याङ् के़रे़क् सिङ्बुङ्हाॽ, सरेःक्याःप्पा नु के़हेबा ने़प्माङ् मिदिक्लो॥ किप्मा पघुगे़घुबा मिधुङ् मिराःक्हाॽ मे़न्छे़रुन्ॽ, हे़क्क्याङ् यो ते़मे़नलाम् थाङ्गे़त् ले़प्माङ् के़रे़क् पाःन्हाॽ ये़म्दुरो॥
यहवे दाङ्बे़ल्ले़ अक्खे पाःत्तुरो, “आङ्गाॽ आमनाहाॽ अदङ् मे़जोक्लो खे़ङ्हाॽरे़ आङ्गाॽ कुसिङ् मे़न्निःत्तान्लो॥ खे़ङ्हाॽ ने़हिनिङ्वाॽ मेःन्नेबा अङे़ःक्वाहाॽ हे़क्के मे़लॽरो, खे़ङ्हाॽरे़ खुन्छिॽ खासिङ्निःप्मा साम्मिन्ने होप्लो॥ खे़ङ्हाॽ ताक्के़भे़ॽबा याःम्बक् चोःक्मा के़ले़बा मे़जोक्लो, कर खे़ङ्हाॽरे़ नुबा याःम्बक् चोःक्मा मे़ल्ले़सुन्लो॥”
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
खिनिॽ खे़न् इङ्जाङ्हाॽओ ते़न्दे़म्मे़ॽ हे़क्क्याङ् इःत्ते़म् नाःत्ते़म्मे़ॽ, थेआङ्भे़ल्ले़ आम्भा कन्लाम् वेॽ सुवाङ्हाॽरे़ खुन्छिॽ तगि खिनिॽ सिक्कुम्दिङ् निङ्वान् नु खासिङ्निःप्मान् इङ्मे़भोसुॽ॥ कन् के़रे़क् थिम्हाॽ मे़घे़प्सुआङ् खे़ङ्हाॽरे़ अक्खे मे़बाःत्तुॽ, “से़क्खासाङ् कन् पयम् यम्बा सुवाङ्बा मनाहाॽ साॽरिक् सिक्कुम्साबा नु खासिङ् के़निःप्पासिरे़त्छ!”
थेआङ्भे़ल्ले़ चासुम्मानुःल्ले़ तगि चाःल्ले़ कुभुङ् फे़क्मेःत्ते़न् फे़क्काङ् लुःक्पेःक्लो, हे़क्क्याङ् खे़न् कुभुङ् फे़क्मेःत्ते़न् के़दुम्बा चे़ल्ले़क्सेॽ पोङ्लो, खे़ब्याङ् यहवे दाङ्बे़ल्ले़ खे़न् चे़ल्ले़क्सेल्ले़ कुबोराःक्हाॽ वाभेःत्तिल्ले़ साःक्तुरो, हे़क्क्याङ् के़बोबा के़दाप्पा पोराःक्हाॽ आःत्तुदेसुरो॥
आङ्गाॽ यहवे दाङ्बे़ल्ले़ थिक् ये़म् खे़ङ्हाॽ नुबा सिङ्सेॽ के़धोःक्पा मे़त्तुङ्सिङ्लो लत्छा नुबा सरेःक्याःप्पा पे़ःङ्वालिःत्छेॽ सिङ्बुङ् लॽरिक् मिङ् वाःत्तुङ्सिङ्ङाङ् वये़रो॥ कर आल्ल साःम्भे ले़क्नामे़ःन्ने खे़ल्ले़ कुभे़क्वाओ फाःत्त्रा केःत्तुङ्लो हे़क्क्याङ् कुबोराक्हाॽ फल्लक् फल्लक् ए़क्खुङ्लो॥
हे़क्क्याङ् खे़न् एगाङ् आङ्गाॽ खे़ङ्हाॽ काप्पोबा तुम्भाक्साहाॽ खे़ब्याङ् थाङ्बे़न्हाॽ के़रे़क् लत्थिक् परिक्ले़ आबाङे खुन्छिॽ लुम्मो थक्खुङ्सिङ्ङाङ् फे़क्खुङ्सिङ्॥ चबे़ःत्छिक् लुङ्गुम्ले़, लुङ्माॽ स्याःत् लॽमारे़ इग्र लुङ्माॽ तुक्मासिरे़ चोगुल्ले़ आङ्गाॽ स्वाःत् मे़वाॽआन्लो॥’”
यहवे दाङ्बे़ल्ले़ अक्खे पाःत्तुॽ, “हाःम्लाक्वा के़बोःक्पा हिम्मो खे़ने़ॽ मे़लासे़न्ने़ॽ॥ आत्तिल्ले़ कुलागिआङ् मे़रिङ् मे़धक्ते़न्ने़ॽ॥ आल्लआङ्धो आप्फाल्ले़आङ् आङ्गाॽ आमनाहाॽरे़ खुन्छिॽ सम्धाङ् सनारुङ्ले़ हाङ्वागे़न् मुॽइसाम् मे़धासुङ्ङिन्, खे़ब्याङ् चक्मे़ल्लॽए लुङ्माॽ तुक्मासि नु लुङ्गुम् मे़प्मासि ओसेःन्धाङ् मे़जोक्कान्॥
कर साॽरिक् साक्के़न् पोःक्माओ खे़न् चे़ल्ले़क्सेःन् कुसाःप्नु हाॽयाक् मे़आःक्खुरो हे़क्क्याङ् खाम्बाङ्ङो लाप्पुङ् मे़देसुरो॥ नाङ्गे़न् पिसाङ्बा के़ये़म्बा सुरित् केजङ्ङिल्ले़ कल्ले़ कुजाॽहाॽ सर्गे़ङ् हेसुदेसुरो खे़म्ब्याङ् कल्ले़ के़धुम्बा कुबोराक्हाॽ ले़न्दु थासुरो, हे़क्केलॽरिक् खे़न् इसुॽरुआङ् मिःल्ले़ खाप्पुथ्यःङ् चोगुरो॥
खिनिॽ मे़न्छुमा साहाॽ के़त्निमा चोःक्मा ले़प्माङ् मे़लाःत्छाङ् आङ्गाॽ खिनिॽ मे़न्छुमा साहाॽ खुम्दिङ् मे़बिआसिङ्ङिन्लो, हे़क्क्याङ् खिनिॽ पाङ्लिमाहाॽरे़ याम्बोःप्मा याःम्बक् मे़जोगुल्ले़ आङ्गाॽ खे़ङ्हाॽ खुम्दिङ् मे़बिआसिङ्ङिन्लो॥ थेआङ्भे़ल्ले़ ये़म्बित्छाहाॽ आप्फेक्काङ् याम्बोःप्मा याःम्बक् चोःक्मा ले़प्माङ् मे़लासे़आङ् मे़वाॽरो, हे़क्क्याङ् माङ्धाःन्नोबा के़त्निमा से़वारोमाहाॽनु सिदुङ्जभा मे़दोन्दुरो, खासिङ्निःप्मा ने़हिनिङ्वाॽ मे़ङ्गप्मनाबा मनाहाॽ मे़मे़क्लो॥
Piblisite