यसैया 27:10 - लिम्बु10 कम्ब्राङ् मे़मे़त्तुसिबा ये़क्यक्हाॽ मुरे़क् खारे़क् नु चिजि खक्खक् पोःक्खे़रो, हे़क्क्याङ् मनाहाॽरे़ मे़ले़रुबा नु याङ्धोःक्मा मे़नाॽरुबा एःक्सादे़न् कुइसिक् पोःक्खे़रो॥ खे़ॽयो पित्साःत्हाॽ चामे़राम्लो, खे़न् पित्हाॽ खे़ॽयो मे़नाःम्सिङ्लो हे़क्क्याङ् खे़न् पित्हाॽरे़ खे़ॽयो के़युङ्बा सिङ्ङिल्ले़ कुबोराःक्हाॽ मे़ले़न्दुरो, खे़ब्याङ् कुभे़क्वान् मे़जआङ् मुरे़क् खारे़क् मे़जोगुरो॥ Gade chapit la |
यसैया 27:10
24 Referans Kwoze
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
खे़ल्ले़चोगुल्ले़, इस्राइलबा कोःक्मा फाङ्जङ् थे़गु माङ्वासे, मुक्साम्दाङ्बा यहवे दाङ्बे़ल्ले़ कुइङ्घङ्ङिन् खे़प्से़म्मे़ॽ॥ थे़गु माङ्वाहाॽ नु कोःक्मा फाङ्जङ्हाॽ, पाक्लुम्लुम्बादे़न्हाॽ नु ने़ने़बादे़न्हाॽ, हे़क्क्याङ् कब्रिङ् पिसाङ्बा मे़न्छाम् सुवाङ्हाॽरे़ खाप्पुथ्यःङ् मे़जोगुबा नु कुनामे़न्छाॽ मे़मे़त्तुआङ् के़ने़बा हे़क्क्याङ् मे़धुप्सु मे़लुःन्दुआङ् मे़नाॽरुबाहाॽ नु इरिक् थारिक् लाप्मे़देसु मे़ने़स्सुबा ये़क्यक्हाॽ खुने़ॽ मे़त्तुसि॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
खे़ब्याङ् खे़ने़ॽ के़निङ्वाॽओ अक्खे के़बाःत्तुरो, ‘कन्हाॽ आङ्गाॽ आलागि हाःत्ले़ सावाःन्दुसिबे? आङ्गाॽग के़से़मा, कुस्सा के़होःप्मा, वेॽ लाजेॽओ मे़लःत्ताङ् मे़देसाङ् हे़क्क्याङ् मे़नाॽराङ्ङाङ् वयाङ्लो॥ कन्हाॽ आङ्गाॽ आलागि हाःत्ले़ हिङ्घुसि पिराङ्बे? आङ्गाॽग ए़क्लेःक् मे़ले़राङ् मे़देसाङ्ङाङ् वयाङ्लो, कर कन्हाॽ आत्तिलाम् मे़द्ये़बे?’”
Piblisite