यसैया 26:4 - लिम्बु4 आफाल्ले़साङ् यहवे दाङ्बाओ खे़ने़ॽ के़निङ्वान् युक्खे़ॽओ, थेआङ्भे़ल्ले़ यहवे दाङ्बा, यहवे दाङ्बे़न्ने उनाहुरि उनाहुरिआङ्धोबा लुङ्याक्पेॽरो॥ Gade chapit la |
यसैया 26:4
32 Referans Kwoze
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
खे़ब्याङ् खे़ङ्हाॽ तानाम् आन्देन् मे़बोगे़आङ् तकोबा मुरे़क् खारे़क् थेआङ् के़होप्पा ये़ःङ्घादे़न्नो मे़बे॥ खे़ङ्हाॽ मे़लःन्दे़ मे़बेःल्ले़ ये़म्सिङ्ङाङ् यहोसापातरे़ मे़त्तुसि, “यहुदाबा नु यरुसले़मबा यक्युङ्बासे, आङ्गाॽ आबाःन्निन् खे़प्से़म्मे़ॽ! यहवे दाङ्बा खिनिॽ निङ्वाॽफुमाङ्ङिन् नसान् के़जोगुम्बाओ खिनिॽ थधप् मे़ल्लॽए पत्छे़म्मे़ॽ, हे़क्क्याङ् खुने़ॽ खिनिॽ के़दक्ति के़भत्छिॽ॥ खुने़ॽ कुमाङ्निङ्वाॽपान् के़बाःप्पाहाॽ नसान् चोगे़म्सिम्मे़ॽ, खम्भ्याङ् खिनिॽ कुलिङ्दो के़गे़प्पा के़बोक्खिरो॥”
एदोमबा बोज्रा ये़क्यक्लाम् हे़ःक्कङ्गङ्बा चाःम्मनाबा चाङ् के़जाङ्बाआङ् के़भे़म्बे़न् हाःत्निबे? हाङ्वा माङ्वा के़याक्पा तेत् नु खुने़ॽ कुमुक्साम्मो तगाङ् के़भे़म्बार के़बप्पे़न् हाःत्पे? “के़से़न्लप्पिन् उवा के़जोःक्पा यहवे दाङ्बान् आङ्गाॽएरो! ताङ्से़ःप्मा मुक्साम् के़गप्पा यहवे दाङ्बे़ङ्ग आङ्गाॽएरो!”
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
कर यसुरुन मे़ॽरुआङ् लाङ्गे़धिक्पा पोःक्खे़रो, नुरिक् चामा मे़घोसुआङ् मनाहाॽ चाप्मे़ॽ मे़ॽरुसिरो हे़क्क्याङ् वरे़ङ्ले़ङ्बा मे़बोःक्खे़बारो॥ खे़ब्याङ् खे़ङ्हाॽरे़ खुनिॽ नावागे़न् चइःत् के़जोःक्पा आबाङे खुन्छिॽ निङ्वाॽफुमाङ्ङिन् मे़ले़रु मे़देसुरो, हे़क्क्याङ् खे़ङ्हाॽरे़ खुन्छिॽ से़न्लप्दाङ्बा याक्पेॽइन् हने़ मे़न्जोबा मे़मे़त्तुरो॥
आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥
खे़न् एगाङ् नबुकदनेसररे़ मे़त्तुसि, “सद्रक, मेसक नु अबेद्नगोरे़ खुन्छिॽ निङ्वाॽफुमाङ्ङिल्ले़ कुनारा पोररो, खुने़ॽ कुमाङ्लाइङ्बे़न् पाङ्घुआङ् कुसे़वारोबाहाॽ ताङ्से़ःप्तुसि॥ खे़ङ्हाॽरे़ खुने़ॽ नसान् मे़जोगु, खे़ङ्हाॽ आङ्गाॽ आइङ्जाङ्ङिन् खे़म्मा मे़न्दे़न्दे़न् हे़क्क्याङ् खुन्छिॽ हिङ्मे़न् आप्फेक् के़साक्पो मे़धासु॥ खे़ङ्हाॽरे़ खुन्छिॽ आप्फेक् निङ्वाॽफुमाङ्ङिन्नाङ्धो वेॽ आत्तिन् माङ्ङिन्नाङ् साबन् मे़भन्छिङ्ङाङ् माङ्से़वा मे़म्मे़त्तुन्॥
Piblisite