यसैया 26:20 - लिम्बु20 आङ्गाॽ आमनासे, खे़निॽ पेगाम्मे़ॽओ हे़क्क्याङ् खे़निॽ लक्सिङ्हाॽओ लासाम्मे़ॽआङ् लाम्धेःत्हाॽ सुबाम्मे़ॽओ॥ खुने़ॽ कुसाक्के़न्निन् मे़न्जिःक्के थारिक् सप्मारे़ लागि चिङ्ङासिम्मे़ॽआङ् युङाम्मे़ॽओ॥ Gade chapit la |
यसैया 26:20
34 Referans Kwoze
“खे़ल्ले़चोगुल्ले़, लाजेॽलाम् मे़लःत्तु मे़देसुसिबाहाॽ मे़त्ते़ॽसे़ॽ, ‘मुक्साम्दाङ्बा यहवे दाङ्बे़ल्ले़ पाःत्तुॽ—इक्सादिङ् खाम्बेःक्मोबा लाजेॽहाॽओ खिनिॽ फुत्छिङ्ज्याङ् से़निङ्देनिङ्ङाङ् के़वयिसाङ्, खिनिॽ लाजेॽलाम् के़म्लःत्ति के़म्देसिआङ् के़वयिबा ये़म्मो आङ्गाॽए खिनिॽ सेसेदे़न्नारो॥’
आङ्गाॽ आबाःन्जाःक्किन् खे़ने़ॽ के़म्ब्राओ केःत्तुङ् पिने़आङ् वाॽरो आङ्गाॽ आहुक् साम्मिःक्खुङ्बाल्ले़ खे़ने़ॽ थेःक्ने़आङ् वाॽरो— आङ्गाॽ ताङ्साङ्बे़न् आबाङे कुबप्मादे़न्नो फत्छुङ्ङाङ् पत्लो, हे़क्क्याङ् इक्सादिङ् खाम्बेःक्मे़ल्ले़ कुबुङ् यक्खुङ्ङाङ् युङ्लो, खे़ब्याङ् सियोन ये़क्यक्किन् ‘आमनाने़’ मे़त्तुङ्ङाङ् वाॽरो॥”
“यरुसले़म्मोबा मनासे, यरुसले़म्मोबा मनासे, खिनिॽग माङ्निङ्वाॽपान् के़बाःप्पाहाॽ के़से़रुम्सिम्, निङ्वाॽफुमाङ्ङिल्ले़ खिनिॽओ पाङ्घुसिबा इङ्साबाहाॽ लुङ्ङिल्ले़ के़बःत्तुम्सिम्लो॥ आक्खे़न्ले़ङ् खिनिॽ मुॽइदाङ्साहाॽ वामाःप्माल्ले़ वाज्याःक्हाॽ कुप्तुसिबा कुइसिक् खिनिॽ साःहाॽ सुम्मासि निङ्वाॽ चोगुङ्, कर खिनिॽ के़न्दे़न्दिन्लो॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
“थाङ्गे़त् पिसाङ्बा हाङ्ङिल्ले़ थे चोःक्मा कुसिराॽथाङ् हाबा खे़न्ने चोगुॽ॥ खुने़ॽ आप्फेक् के़रे़क् माङ्हाॽनुःल्ले़ थो यम्बा चोःक्सिङ्ॽ हे़क्क्याङ् के़रे़क्नुःल्ले़ यम्बा निङ्वाॽफुमाङ्ङिल्ले़ कुदक्ले़ङ्वाओ आप्फाल्ले़आङ् मे़ङ्घे़म्मेबा पान् पाःत्तुॽ॥ निङ्वाॽफुमाङ्ङिल्ले़ कुसिक् पोःक्मा ये़म्मिन् मे़न्नुप्पे थारिक् खे़न् कुलिङ्दो के़गे़प्पा पोङ्ॽ, थेआङ्भे़ल्ले़ थे़मा पाःन्निन् निःन्धो पोःक्खे़आङ् वाॽ, खे़न् पाःन्निन् के़प्माए पोङ्ॽ॥
यहवे दाङ्बे़ल्ले़ कुइङ्जाङ् के़इःप्पा के़नाःप्पा कन् लाजेॽओबा चुङ्जिगे़न् नःम्नःम्बासे, खिनिॽ खुने़ॽ कोःत्ते़म् हक्से़म्मे़ॽओ॥ साम्योनिमान् खिनिॽ कोःत्ते़म्मे़ॽओ, चुङ्जिगे़न् नःम्नःम्बा पाःन्हाॽ हक्से़म्मे़ॽओ, यहवे दाङ्बे़ल्ले़ कुसाक्के़न् पोःक्मा ये़न्नो हाग खिनिॽ से़ःप्सिङ्मादे़न् के़घोसुम्बिरो॥
Piblisite