हे़क्क्याङ् खे़ङ्हाॽरे़ अक्खेलॽरिक् कुसङ् साम्लोधिक् साम्मे़मे़त्तुरो, “खे़ने़ॽग साप्कित्तिन् पङ्माआङ् खे़प्मो के़बप्पा कुएःप्साप्हाॽ अङ्मा सुम्बोधासाबा के़जोःक्लो, थेआङ्भे़ल्ले़ खे़ने़ॽग के़म्से़रे़ हे़क्क्याङ् निङ्वाॽफुमाङ्ङिल्ले़ कुलागि के़रे़क् मे़न्छाम् सुवाङ्हाॽ, के़रे़क् पाःन्दाङ्हाॽ, हे़क्क्याङ् के़रे़क् लाजेहाॽलाम् मनाहाॽ खे़ने़ॽ के़माक्खिॽइल्ले़ के़धे़ॽरुसिरो,
यसैया 26:2 - लिम्बु2 ये़क्यक्कोबा यम्बा लाम्धेःत्हाॽ हन्दे़ॽओ हे़क्क्याङ् साम्योबा मे़न्छाम् सुवाङ्, इग्र नसाःन्साबाहाॽ लाःप्मा मे़सुक्लरो॥ Gade chapit la |
यसैया 26:2
25 Referans Kwoze
कर खिनिॽग निङ्वाॽफुमाङ्ङिल्ले़ के़सेगिबा मना, हाङ् निङ्वाॽफुसाम्बा, सेसे सुवाङ् हे़क्क्याङ् निङ्वाॽफुमाङ्ङिल्ले़ कुमनानिङ्लो॥ खिनिॽग निङ्वाॽफुमाङ्ङिल्ले़ चोगुबा निङ्वाॽ के़माबा याःम्बक्हाॽ इङ्गे़भोसुम्ल फाॽआङ् माक्चिगे़न् खादाम्मोलाम् निङ्वाॽ के़माबा से़न्दाङ्गे़न् ओःत्तिओ खिनिॽ के़उःत्तिआङ् के़वयिॽरो॥
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
आमिःम् आन्जुम्से, आनिॽ के़रे़क्ले़ आघोसुम्बा से़न्लप्रे़ कुयाःम्बेओ खिनिॽओ सक्इङ्घङ् हाङ्मा साॽरिक्के इङ्गाॽ आसिराॽ थाङे़आङ् वये़रो॥ कर खे़ल्ले़ कुले़क्वा निङ्वाॽफुमाङ्ङिल्ले़ सेसे कुमनाहाॽ सदादिङ्ले़ लागि हुक्सुप्तुसिबा नसाःन्निन् इङ्ले़क्के सिक्साम्बाहाॽलाम्बा ताङ्गे़से़ःप्तुम्ल फाॽआङ् कन् सक्इङ्घङ्ङिन् साप्माए के़बोङ्बा निसुङ्लो॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
सियोन ये़क्यक्को मे़रिङ् के़धक्पाहाॽ खाप्पुःल्ले़ कुले़क्वा पघे़म् के़घे़म्बा तिच खुने़ॽ पिरुसिरो, मे़रिङ् थक्मारे़ कुले़क्वा सःप्मा एःप्मारे़ हाङ्वामुॽइ पिरुसिरो, निङ्साङ् के़होप्पाहाॽ नाराफोमा साम्लो पिरुसिरो, खुन्छिॽ साम्योनिमाओ खे़ङ्हाॽग यहवे दाङ्बे़ल्ले़ आबाङे कुमिमिदिङ्ले़ लागि लेःत्तुसिआङ् वये़बा यम्बा यहिबा सिङ्बुङ् कुइसिक् मे़बोङ्लो॥
Piblisite