यहवे दाङ्बाए, खे़ने़ॽ खे़न् सुवाङ्ङिन् यरिक् मे़बोःन्दे़र के़याःन्दुआङ् वाॽरो हे़क्क्याङ् कन् इस्राइल लाजेॽओबा मनाहाॽ चासुम्मा ये़म्मो पसःत् मे़सःप्पा कुइसिक् खे़ङ्हाॽरे़ खुन्छिॽ सःप्मे़न् के़भोसु के़बिरुसिआङ् वाॽरो॥ थक्सुबाहाॽरे़ मे़नाप्तुसिबा याङ्साकुन्धेहाॽ मे़भःक्सुल्ले़ मे़सःप्पा कुइसिक् खे़ङ्हाॽ मे़अःक्ल मे़सःत्लो॥
यसैया 26:15 - लिम्बु15 खे़ने़ॽ मे़न्छाम् सुवाङ्हाॽ के़भोसुसिआङ् मे़वाॽरो, यहवे दाङ्बाए, आनिगे मे़न्छाम् सुवाङ्हाॽ के़भोसुसिआङ् मे़वाॽरो॥ हे़क्क्याङ् आनिगे लाजेःल्ले़न् इःन्दोहाॽ के़भोसुआङ् ने़रो, खे़ने़ॽ आबाङेए मिमिदिङ् के़घोसुआङ् के़वाॽरो, खे़ने़ॽ लाजेॽओबा के़रे़क् इःन्दोहाॽ के़भोसुआङ् ने़रो॥ Gade chapit la |
यसैया 26:15
33 Referans Kwoze
कुलक् सुम्सिओ कुलक् थिक् खिनिॽ मनाहाॽ ये़क्यक्को तुक्मा नु साक्वाःन्लाम् मे़सिरो॥ ये़क्यक्कोबा लुङ्धाक् लाःक्कात् निङ्मिहाॽरे़ कुलक् सुम्सिओ कुलक् थिक् खिनिॽ मनाहाॽ मे़हे़गु मे़से़रुसिॽ॥ हे़क्क्याङ् कुलक् सुम्सिओ कुलक् थिक् आङ्गाॽ ताभेःल्ले़ नाःत्तुङ्सिङ्ङाङ् सुरित् केजङ्ङो फुत्लुम् थ्यःङ् से़सुङ्देसुङ्सिङ्ॽ॥
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
ताङ्साङ्बे, सःत्ते़ॽआङ् साम्लोरे़ॽओ, थेआङ्भे़ल्ले़ यहवे दाङ्बे़ल्ले़ हे़क्के चोगुआङ् वाॽरो॥ इक्सादिङ् खाम्बेःक्माए, यम्बा इक्लाओ अःक्ते़ॽओ, थे़गुसे, ताम्भुङ् नु खे़ॽयोबा के़रे़क् सिङ्बुङ्से, खे़म्गे़दे़प्पा इक्लाओ साम्लोरे़म्मे़ॽओ, थेआङ्भे़ल्ले़ यहवे दाङ्बे़ल्ले़ कुमे़ल्लुङ् हुङुआङ् याकुबे़न् थे़ॽरुआङ् वाॽरो, खुने़ॽ आबाङे इस्राइलओ कुमिमिदिङ्ङिन् ओःन्धाक्तुसिॽरो॥
कल्ले़चोगुल्ले़ खुने़ॽ पाःत्तु—“आङ्गाॽ आक्खेलॽरिक् इस्राइले़न् लःत्तुङ्दे़सुङ्ङाङ् वये़, हे़क्केलॽरिक्के यहुदाःन्नाङ् आङ्गाॽ आदगिलाम् लःत्तुङ्देसुङ्ॽ॥ हे़क्क्याङ् आङ्गाॽ सेगुङ्बा यरुसले़म ये़क्यक्किन् नु आङ्गाॽ आमिङ्ङिन् खे़प्मो वाॽ फाॽआङ् पाःत्तुङ्ङाङ् वये़बा खे़न् माङ्हिम्मिन् आङ्गाॽ नाॽरुङ्लो॥”
पिप्मिरि कुसोःन्दिओ आक्खेलॽरिक् यहवे दाङ्बे़ल्ले़ कुसे़वारोबा माङ्निङ्वाॽपान् के़बाःप्पाहाॽलाम् साम्दिङ् पिरुसिआङ् वये़, हे़क्केलॽरिक्के खे़ङ्हाॽ खुने़ॽ कुदगिलाम् लाःत्लाःत् चोगुसि॥ कल्ले़चोगुल्ले़ इस्राइलबा मनाहाॽ मे़दे़म्सुसिआङ् खुन्छिॽ आप्फेक् लाजेॽ इस्राइललाम् अस्सुर मे़देॽरुसि॥ खे़ङ्हाॽ आइन् थारिक् खे़प्मोए मे़वाॽरो॥
“आल्ल के़मनाहाॽरे़ खे़ने़ॽ के़दक्ले़ङ्वाओ लायो मे़जोगुॽ—थेआङ्भे़ल्ले़ लायो मे़न्जोःक्मनाबा मना हाःत्ताङ् होप्—हे़क्क्याङ् खे़ने़ॽ खे़ङ्हाॽनु के़सिक् पोःक्काङ् खे़ङ्हाॽ निङ्मिहाॽरे़ खुन्छिॽ हुक्को के़धासुसिॽ हे़क्क्याङ् खे़न् निङ्मिहाॽरे़ खे़ङ्हाॽ माःङ्घा इग्र निःत्ताङ् खुन्छिॽ लाजेॽओ मे़दे़म्सु मे़देॽरुसिॽ,
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
Piblisite