यसैया 26:11 - लिम्बु11 यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥ Gade chapit la |
यसैया 26:11
42 Referans Kwoze
खे़ल्ले़चोगुल्ले़ मिःल्ले़ याॽलाङ्ङिन् हाॽरुआङ् खाप्पुथ्यःङ् चोगुबा नु के़हेबा याःन्निन् मिःल्ले़ हाॽरुआङ् खाप्पुथ्यःङ् पोङ्बा कुइसिक् खे़ङ्हाॽरे़ खुन्छिॽ साःप्पे़न् किबेःक्लो॥ खे़ब्याङ् खे़ङ्हाॽरे़ खुन्छिॽ फुङ्ङिन्नाङ् खाम्हिःक् पेबा कुइसिक् पे़बेःक्लो थेआङ्भे़ल्ले़ खे़ङ्हाॽरे़ मुक्साम्दाङ्बा यहवे दाङ्बे़ल्ले़ कुधिम्मे़न् इःप्मा नाःप्मा मे़ले़रुआङ् वाॽरो॥ हे़क्क्याङ् इस्राइलबा सेसेबा निङ्वाॽफुमाङ्ङिल्ले़ कुइङ्जाङ्ङिन् कुनामे़न्छाॽ मे़मे़त्तुआङ् वाॽरो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
थेआङ्भे़ल्ले़ कन् मनाहाॽरे़ खुनिॽ निङ्वाॽइन् के़धुङ्बा पोःक्खे़आङ् वाॽरो॥ खुनिॽ ने़क्खोॽहाॽ सुबे़आङ् पत्लो॥ खुनिॽ मिक्हाॽ सुबे़आङ् पत्लो॥ मेःन्ने फाॽग्र मे़निसु, मे़घे़प्सु, कुसिङ् मे़निःत्तुआङ् इङ्गाॽओ मे़नुःक्खे़बारो हे़क्क्याङ् वेःन्निङ्बा वये़रो लॽरिक् निङ्वाॽफुमाङ्ङिल्ले़ पाःत्तुरो॥’”
हे़क्क्याङ् हाङ्ङिल्ले़ कुभे़न्छाङ् ले़प्माङ्बाहाॽ मे़त्तुसि, ‘खिनिॽ निङ्वाॽफु साक्मुराःल्ले़ के़दे़त्तिबासे, खिनिॽ इङ्गाॽओलाम् पेगे़म्मे़ॽओ॥ खिनिॽग माफे़न्साम्मिन् नु खुने़ॽ कुमाङ्लाइङ्बाहाॽ केःप्मासि फाॽआङ् यारिप् चोगुबा आप्फाल्ले़आङ् मे़न्छिःम्ना मि के़दिःप्पा खे़मायङ्सङ्ङो पेगे़म्मे़ॽओ॥
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
खे़ङ्हाॽरे़ थेआङ् मे़ल्ले़सुन्लो, खे़ङ्हाॽरे़ थेआङ् कुसिङ् मे़न्निःत्तुन्लो॥ खे़ङ्हाॽरे़ खुन्छिॽ मिक्हाॽ इम् मे़मे़त्तुआङ् पत्लो, खे़ल्ले़चोगुल्ले़ खे़ङ्हाॽरे़ निमा मे़न्छुक्तुन्लो, खे़ङ्हाॽरे़ खुन्छिॽ निङ्वान् मे़साक्तुआङ् वाॽरो, हे़क्क्याङ् खे़ङ्हाॽरे़ कुसिङ् निःप्मा मे़न्छुक्तुन्लो॥
कर खे़ङ्हाॽ हाबा ओमे़त्ते़म् फत्छे़म्सिम्मे़ॽ॥ खे़ङ्हाॽरे़ आनिॽ लाजेॽबा इःन्दोन् काःक्सुआङ् बेथ-सेमेस ले़प्माङ् पित्छिने़फग्र आनिॽओ ये़त्तुक्खे के़दाःप्पे़न् यहवे दाङ्बान्नेरछ फाॽआङ् कुसिङ् आनिःत्तुम्॥ हे़क्क्याङ् खे़ङ्हाॽ खे़न् ले़प्माङ् मे़बित्छिन्ने़फग्र खे़न् ये़त्तुक्खेःन् यहवे दाङ्बालाम् त्ये़बा मे़ःन्लछ, कर आबाङे पोःक्खे़बारछ फाॽआङ् आनिॽ कुसिङ् आनिःत्तुम्लो॥”
खुने़ॽ युक् चोगुबा मुक्साम्मिन् हाबा चक्मे़ल्लॽए पोआङ् पत्लो, खुने़ॽ कुहाङ्जुम्मो आभे़ल्ले़साङ् सनारुङ् नु नुॽमादामा पोङ्लो॥ हे़क्क्याङ् खुने़ॽ कुधाःक् दाउदरे़ कुएगाङ् के़दाबा हाङ्ङिङ्ग खुने़ॽए पोङ्लो॥ खे़ब्याङ् कुदोःप्मा खासे़न् नु साम्योबान् सोरिक् चोगुआङ् हाङ्युक् चोगुरो॥ खे़न् ये़म्माङ्धो सदादिङ्ले़ लागि खुने़ॽ हाङ्युक् चोगुरो यहवे दाङ्बा मुक्साम्दाङ्बे़ल्ले़ कुसिक्सम्मे़ल्ले़ कन् पाःन्निन् कुलिङ्दो के़त्तुरो॥
निस्सेसाङ् ताप्फे़ःम्बा याःम्बक् के़जोःक्पा मनाहाॽ मिःल्ले़ मिमे़दिक्लो, हे़क्क्याङ् खे़न् मिःल्ले़ सेर्दाःक्माहाॽ नु तिङ्हाॽ मिदिक्काङ् खाप्पुथ्यःङ् पोङ्लो॥ खे़न् मिःल्ले़ ताम्भुङ्ङोबा पोःक्लाहाॽ मिधिक्सुआङ् खे़ॽयोनु के़लःम्बा मिःक्खुॽइन् ताङ्साङ्बे़त्थाःङ् माक्स्दिःङ्ग्याःप्पा मिःक्खुन् हाःङ्गु हाःङ्गु लॽबेःक्लो॥
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
यहवे दाङ्बे़ल्ले़ कुबाःन्नो के़गिबा के़यङ्बासे, खुने़ॽ कुबाःन्जाक्किन् खे़प्साम्मे़ॽओ, “आमिङ्ङिल्ले़ चोगुल्ले़ खिनिॽ आबाङे मनाहाॽरे़ के़म्जिःत्तिआङ् के़म्से़न्दिरो॥ खे़ब्याङ् किनाःन्दि मे़बाःत्ल खिनिॽ अक्खे के़म्मे़त्तिरो, ‘यहवे दाङ्बे़न् के़रे़क्नुःल्ले़ पयम् यम्बा चोःक्पे़न् खुने़ॽ आबाङे ओसेःन्धाङ् चोगुररो हे़क्क्याङ् खिनिॽ के़से़ःप्तिररो॥ हे़क्क्याङ् खिनिॽ के़सःत्तिबे़न् आनिगे ओमे़प्मा खोसुम्बे़ररो’ कर खे़ङ्हाॽरे़ खुन्छिॽ चाःत्थि पेःक्लो॥
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
Piblisite