खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
यसैया 26:1 - लिम्बु1 यहुदा लाजेॽओ मनाहाॽरे़ कन् साम्लोन् साम्मे़प्मा ये़न्निन् तार पत्लो— आनिॽ ये़क्यक्किन् लुङ्धाक्किल्ले़ कब्रिङ् कबुबा लिमा सुक्मे़न्दे़प्मनाबा चोक्लो॥ आनिॽग निङ्वाॽफुमाङ्ङिल्ले़ कुसे़न्लप्पिल्ले़ कुलुङ्धाक्हाॽरे़ कब्रिङ् आगबे़आङ् वाॽरो॥ Gade chapit la |
यसैया 26:1
34 Referans Kwoze
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
खे़ङ्हाॽरे़ यहवे दाङ्बान् नोगे़न् मे़बिरु हे़क्क्याङ् से़वासाम्लोन् साम्मे़मे़त्तुर अक्खेलॽरिक् निले़ङ् साम्मे़लोरे़रो— “यहवे दाङ्बान् के़नुॽबा चोक्लो हे़क्क्याङ् इस्राइले़न् खुने़ॽ सदादिङ् लुङ्माॽ तुक्तुरो॥” के़रे़क् मनाहाॽ यम्बा इक्लाओ मे़अःक्ते़ हे़क्क्याङ् यहवे दाङ्बाल्ले़ कुनारा मे़भोसु थेआङ्भे़ल्ले़ माङ्हिम्मिल्ले़ कुबुङ् युङ्मा याःम्बक्किन् मे़हेःक्तुआङ् वये़॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
पुहाॽरे़ खुन्छिॽ हाप्पिन् से़ःप्मारे़ लागि कब्रिङ् मे़बे़आङ् मे़वाॽबा हे़क्केए आङ्गाॽ मुक्साम्दाङ्बा यहवे दाङ्बे़ल्ले़ यरुसले़म ये़क्यक्किन् कम्ब्राङ् मे़त्तुङ्लो॥ खे़न् ताङ्से़ःप्तुङ्, हे़क्क्याङ् खे़न् नाङुङ् थेःक्तुङ्लो, खे़न् लाम् पोङ्ङार पेःक्का खे़ब्याङ् खे़न् चोःक्युम्भो पिरुङ्लो॥”
खे़ङ्हाॽरे़ खुन्छिॽ हाङ्यक्किन् किमा यङ्मारे़ चोगुल्ले़ लुःन्लो, हे़क्क्याङ् खे़ङ्हाॽरे़ खुन्छिॽ थक्मोबाहाॽरे़ थङ्ङिल्ले़ निसान मे़निसुआङ् आल्ल आक्खेने चोःक्मा पाःप्मा मे़लॽरो॥” खे़न् मिन् सियोन कोःक्माओ नु मिधुङ्दिङ् मिराःक्किन् यरुसले़म ये़क्यक्को युङ् फाॽआङ् यहवे दाङ्बे़ल्ले़ पाःत्तुरो॥
“यरुसले़ःम्बा मनासे, ये़क्यक्कोलाम् लःन्दे़म्मे़ॽआङ् पेगे़म्मे़ॽओ हे़क्क्याङ् खे़निॽ के़नुःङ्बा के़दाबा आमनाहाॽरे़ लागि लत्छा लाम् चोगे़म्मे़ॽओ! लाम्धिक् यारिप् चोगे़म्मे़ॽओ, खे़म्मोबा लुङ्हाॽ खे़त्ताम्मे़ॽओ! लत्छा मिक्सेःन्धिक् लेःत्ताम्मे़ॽओ हे़क्क्याङ् के़रे़क् मे़न्छाम् सुवाङ्हाॽरे़ खे़न् मे़निसुररो॥
माङ्हिम् कब्रिङ् पिसाङ्बा ते़न्निन् किर्गप् के़गप्पा लुङ्धाक् थिक् आङ्गाॽ निसुङ्॥ खे़न् मनाःल्ले़ कुहुक्को कत्तुबा कुसिःक्मा अद्रान् हुक्सिक् तुक्सि यारिक् केःम्बा चोगे़, इग्र हुक्सिक् थिक्काङ् हुक्ताप्पेॽ थिक् कुजक् केःम्बा चोगे़॥ हे़क्क्याङ् खुने़ॽ लुङ्धाक्किन् सिःक्तु, खे़न् लुङ्धाक्किन् अद्राधिक् यारिक् के़धुङ्बा नु अद्राधिक् यारिक् कुलिङ्गे़न् केःम्बा चोगे़॥
Piblisite