यसैया 25:4 - लिम्बु4 याङ्गे़साॽबा मनाहाॽरे़ खुन्छिॽ लागि हे़क्क्याङ् ये़त्तुक्खे के़दुम्बा कुधेआङ् के़होःप्पाहाॽरे़ लागि खे़ने़ॽ से़ःप्सिङ्मादे़न् के़बोक्खे़आङ् के़वाॽरो, सुरित् केजङ् हुःल्ले़ वाइःप्सिङ्मादे़न् हे़क्क्याङ् नाम्से़ःक्किल्ले़ इःम्सिङ्मादे़न् नाम्जिःक्खोॽ के़बोक्खे़आङ् के़वाॽरो॥ थेआङ्भे़ल्ले़ कुनिङ्वाॽ के़जिःप्पाहाॽरे़ खुन्छिॽ सक्माःङ्ग लुङ्धाक्को के़दोःक्पा सुरित् केजङ् कुइसिःक्लक् लॽरो, Gade chapit la |
यसैया 25:4
37 Referans Kwoze
खे़ङ्हाॽ सुरित् केजङ्लाम् वइःम्सिङ्मा नु खइक् खइक् के़इक्सिङ्बा वहित् साम्मिःत्लाम् इःम्सिङ्मादे़न् कुसिङ्बा मे़बोङ्लो॥ खे़म्ब्याङ् थेआङ् के़होप्पा मुरे़क् खारे़क्पा ये़ःङ्घादे़न्नो च्वाःत् लाङ्गे़घेःक्पा वहःङ् हे़क्तङ्बा मे़बोङ्लो, च्वाःत् के़हेबा खाम्बाङ्ङो यम्बा याक्पेओबा नाम्इःक्खङ् हे़क्तङ्बा मे़बोङ्लो॥
कर यहवे दाङ्बे़ल्ले़ अक्खे पाःत्तुरो— “ओरो, थक्सुबाहाॽलाम् पुङ्लाहिम्मो साक्पा के़धाबाहाॽ हे़क्क्याङ् कुॽइगे़भे़म्बाहाॽलाम् मे़नाप्तुसिबा चिगक्वाहाॽ नाप्मा सुक्मे़दे़त्लो॥ आत्तिन्हाॽ खे़निॽनु खे़माॽ मे़जोक् आङ्गाॽ खे़ङ्हाॽनु खे़माॽ चोःक्कारो, खे़ब्याङ् आङ्गाॽ आस्सा आएहाॽ से़ःप्तुङ्सिङ्लो॥
इस्राइलबा मनासे, खे़निॽ के़से़ःप्पा निङ्वाॽफुमाङ्ङिन् खे़निॽ निङ्वाॽ के़मुःत्छुम्माङ् के़वयिरो, हे़क्क्याङ् सियाक्पेॽ थे़याक्पेॽ से़ःप्सिङ्मादे़न् नु खे़निॽ हाङ्यक्किन् निङ्वाॽ के़न्इःत्तुम्मिन्लो॥ कल्ले़चोगुल्ले़, खे़निॽ साॽरिक् नुबा फुङ्हाॽ के़लेःत्तुम्लो हे़क्क्याङ् वेॽ लाजेॽलाम् के़दारुम्बा चे़ल्ले़क्सेॽइल्ले़ कुबुङ्हाॽ के़लेःत्तुम्लो,
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
आसिक्लुङ्मोलाम् यहवे दाङ्बान् अक्खे मे़त्तुङ्लो, “यहवे दाङ्बाए, खे़ने़ॽ हे़क्तङ्बा हात् वाॽआङ्बे? के़धुम्बाहाॽरे़ मे़न्धुम्मनाबाहाॽ ताप्फे़ःल्लिक् मे़मे़त्तुसिल्ले़ खे़ने़ॽ मे़न्धुम्मनाबाहाॽ के़से़ःप्तुसिरो, हे़क्क्याङ् कुइगे़भे़म्बाहाॽरे़ याङ्गे़साॽबाहाॽ तुक्खे मे़जाःत्तुसिल्ले़ खे़ने़ॽ याङ्गे़साॽबाहाॽ के़नाङुसिरो॥”
खे़ङ्हाॽरे़ यहुदाबा मनाहाॽ मे़मे़त्तुसिरो, “आनिगे थे चोगुम्बे़बाबे? आनिगे याप्मि आमे़त्ते़ॽओ॥ ले़न्दिक् नाम्से़ःक्किल्ले़ सिङ्बुङ्ङिल्ले़ कुसिगाङ् सुसु के़लॽबा नाम्जिःक्खोॽ कुइसिक् आनिगे आइःप्ते़ॽओ॥ हे़क्केलॽरिक् खे़निॽ के़इःप्तुम्बा नाम्इःक्खङ्ङो आनिगे इःम्सिङ्मा खोसुम्बे़ररो॥ आनिगे वे़प्मिबासिगे़, हाःत्ले़आङ् मे़घोसिगे़न्बादे़न्नो आजिक्खे़ॽओ॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
Piblisite