यसैया 25:2 - लिम्बु2 ये़क्यक्किन् आदाङ्बारे़ लुङ् के़लुम्सिङ्बाङ् के़ने़बा के़जोगुरो॥ से़ःप्सिङ्मादे़न् ये़क्यक्किन् खाप्पुथ्यःङ् के़जोगुरो॥ वेॽ लाजेॽबा मनाहाॽरे़ खुन्छिॽ हाङ्यक्किल्ले़ कुधिम् के़बोङ्बा ये़क्यक्किन् आल्ल ये़क्यक् मे़ने़ने़ल्लो, खे़न् याम्मो आभे़ल्ले़आङ् ये़क्यक् मे़न्जोगुन्लो॥ Gade chapit la |
यसैया 25:2
24 Referans Kwoze
हे़क्क्याङ् खे़ङ्हाॽरे़ खाम्हिःक्किन् खुनिॽ थे़गेक् सम्दाङ् मे़जुःत्छिङ्ङाङ् मे़हाःप्ल, मे़भिःक्ल, मे़रिङ् थक्नु अक्खे मे़बाःत्तुॽरो, “आयाक्को, आयाक्को! कन् पयम् यम्बा ये़क्यक्कोग, यरिक् वालाधा दाङ्बाहाॽरे़ खे़ल्ले़ कुयाङ्साकुन्धेलाम् याङ्साकुन्धेसाबा मे़बोःक्खे़रो॥ कर सप्फारे़सा खे़न् ये़क्यक्किन् काक् मे़गे़रो॥
बेबिलोनबा लाजेन् ओमे़त्ताम्मे़ॽओ, खे़न् लाजेॽओ के़युङ्बा सुवाङ्हाॽ आल्ल मे़होप्लो॥ अस्सुरबा मनाहाॽरे़ खे़न् लाजेन् मुरे़क् खारे़क्पा ये़ःङ्घादे़न्नो के़याक्पा थक्सापुसा याक्नादे़न् मे़जोगु मे़बिरुसिआङ् वाॽरो॥ खे़ङ्हाॽरे़ थङ् थक्मा चङ्हिम्हाॽ मे़भोःक्खुरो, हे़क्क्याङ् खे़ङ्हाॽरे़ हाङ्यक्हाॽ मे़लुःन्दुआङ् मे़लुप्सु मे़ने़स्सुरो॥
ओमे़त्ते़म्मे़ॽ, कुगाप्थिक् अन्ले़ उःङ्सुबा लत्छा लाधासम्धाङ् लत्छा मनाधिक् फे़न्ल पत्लो॥ हे़क्क्याङ् नुगप् पिरुसिर पाःत्तुरो, ‘बेबिलोन ये़क्यक्किन् खाप्पुथ्यःङ् पोःक्खे़रो, खाप्पुथ्यःङ् पोःक्खे़रो, खे़ब्याङ् खे़ॽयो मे़लक्तु मे़घोःन्दुआङ् मे़जोगुसिबा के़रे़क् माङ् नावाइत्लाहाॽ फल्लक् वरक् मे़ए़क्खुसिआङ् खाम्बाङ्ङो मे़गे़ङे़आङ् मे़ने़रो॥’”
मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥”
खे़प्मोबा के़रे़क् सामापुमाहाॽआङ् ये़क्यक्किल्ले़ कुलुम्मो फुक्खे़म्मे़ॽआङ् खे़न् ये़क्यक्किन् नु सामापुमाहाॽ सोसोरिक् खाप्पुथ्यःङ् मिधिक्खे़म्देसे़म्मे़ॽ॥ यहवे दाङ्बा खिनिॽ निङ्वाॽफुमाङ्ङिल्ले़ कुलागि खे़न् मिधिङ्मनादेमनाबा सिदुङ्जभा कुइसिक् पोङ्ॽ॥ खे़न् सदादिङ्ले़ लागि खाप्पुथ्यःङ् पोङ्ल हे़क्क्याङ् खे़न् याम्मो मे़न्जोगुन्ल॥
लुङ्धाक्किल्ले़ कब्रिङ् मे़गबुबा इस्राइलबा ये़क्यक्हाॽ खाप्पुथ्यःङ् पोङ्लो, हे़क्क्याङ् दमस्कसबा हाङ्युक् चोःक्मा मुक्साम्मिन् मे़क्लो॥ सिरियाबा के़दाङ्बा के़याःक्पा के़रे़क्ले़ खुन्छिॽ इङ्नाम्मिन् इस्राइलरे़ के़बेःक्पा कुइङ्नाम् कुइसिक् पोङ् फाॽआङ् आङ्गाॽ मुक्साम्दाङ्बे़ल्ले़ पाःत्तुङ्ङाङ् वाॽरो॥”
यहवे दाङ्बे़ल्ले़ आङ्दिङ् के़लॽबाआङ् यम्बा के़ले़ङ्सिङ्बाहाॽ मे़नःम्सिङ्ल याःन्दुसिरो॥ चन्जम्बादे़न्नो के़ने़बा ये़क्यक्हाॽ खुने़ॽ यो मे़धार याःन्दुसिरो, कोःक्माओ के़ने़बा खे़न् ये़क्यक्हाॽ खुने़ॽ यो खाम्बेःक्किन्नु तङ्ङाङ् ने़र मक्थाःन्दुसिरो हे़क्क्याङ् खुने़ॽ खे़ङ्हाॽ खाम्हिःक्को लाप्फुसुसिरो॥
कम्ब्राङ् मे़मे़त्तुसिबा ये़क्यक्हाॽ मुरे़क् खारे़क् नु चिजि खक्खक् पोःक्खे़रो, हे़क्क्याङ् मनाहाॽरे़ मे़ले़रुबा नु याङ्धोःक्मा मे़नाॽरुबा एःक्सादे़न् कुइसिक् पोःक्खे़रो॥ खे़ॽयो पित्साःत्हाॽ चामे़राम्लो, खे़न् पित्हाॽ खे़ॽयो मे़नाःम्सिङ्लो हे़क्क्याङ् खे़न् पित्हाॽरे़ खे़ॽयो के़युङ्बा सिङ्ङिल्ले़ कुबोराःक्हाॽ मे़ले़न्दुरो, खे़ब्याङ् कुभे़क्वान् मे़जआङ् मुरे़क् खारे़क् मे़जोगुरो॥
Piblisite