यसैया 24:8 - लिम्बु8 निङ्वाॽ के़दाबा खित्चिङ् खित्चिङ् के़लॽबा मुक्लाःन् मुक्मा नाॽरे़आङ् वाॽरो॥ के़सःप्पा मनाहाॽरे़ खुन्छिॽ इक्लाःन्नाङ् लःम्मा नाॽरे़आङ् वाॽरो॥ निङ्वाॽ ये़ये़ के़मे़प्पा अन्मे खिङ्मनाबा मुक्लाःन् मुक्मा नाॽरे़आङ् वाॽरो॥ Gade chapit la |
यसैया 24:8
16 Referans Kwoze
हे़क्क्याङ् साराङ्गि, मे़प्फ्रामा नु थुत्तुरिःप्पा मुक्पा इक्लान् हे़क्क्याङ् साम्गे़लोबाहाॽरे़ खुनिॽ साम्लोहाॽ खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥ हे़क्क्याङ् काक् परिक्पा साप्चोःक्गे़म्बाहाॽ खे़ने़ॽओ याम्मो आप्फाल्ले़आङ् खोमे़न्दे़त्ने़न्लो॥ याम्मो लुङ्सुम् युःप्मनाबाआङ् खे़ने़ॽओ याम्मो आप्फाल्ले़आङ् खे़म्मे़दे़त्ने़न्लो॥
थेआङ्भे़ल्ले़ आङ्गाॽ मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ थे पाःत्तुङ्ॽ, खे़प्से़ॽ॥ सःप्मा नु निङ्वाॽ तामा हयङ् किल्लिङ् नु ते़न्धाम् मेःक्खिम् साभःङ्जाःल्ले़ ससाङ्स्रोत्ते़न् आङ्गाॽ चिजि खक्खक् पोङ्ल चोगुङ्ॽ॥ कन् लाजेॽओबा मनाहाॽरे़ आप्फेक् खुन्छिॽ सिमानुःल्ले़ तगि खे़न् के़प्पा मे़निसुॽ॥
खे़ङ्हाॽरे़ खुन्छिॽ साभःङ्जाहाॽओ अन्मे खिङ्मनाबा तुङ्ना नु तुःङ्गे, के नु मुफ्रामा हे़क्क्याङ् सेजःङ्वा वाॽरो, कर खे़ङ्हाॽरे़ यहवे दाङ्बे़ल्ले़ कुयाःम्बक्किन् खे़म्घे़म् निनिआङ् मे़ल्लाप्तुन्लो॥ खे़ङ्हाॽरे़ खुने़ॽ कुहुक्किल्ले़ चोगुबा याःम्बक्किन् मिङ्सो इङ्धाङ्ङे मे़म्बिरुन्लो॥
कल्ले़चोगुल्ले़ खे़मायङ्सङ्ङिल्ले़ कुसिक्लाःक्मे़न् फोसुआङ् वाॽरो, हे़क्क्याङ् कुम्ब्राःन् आत्तातान्ने यम्बा हा मे़त्तुआङ् ने़रो॥ खे़ङ्हाॽरे़ खुन्छिॽ सुहाङ्युक्पाहाॽ खे़ब्याङ् मनालुप्हाॽ, खे़ङ्हाॽनु खे़माॽ के़जोःक्पा मनाहाॽ नु के़अःक्पा के़भिःक्पाआङ् निङ्धे़न्धे़न् के़मे़प्पाहाॽ खे़न् सिगाङ् मे़लाःत्लो॥
आल्ल मनाहाॽरे़ खुन्छिॽ सःप्मा नु एःप्मे़न् पेरो, चे़ल्ले़क्सेॽ इक्ताप्पो हाःत्ताङ् साम्मे़लोने़न्लो, हाःत्ताङ् मे़अःक्ने़न्लो॥ चे़ल्ले़क्सेॽ एःम्मादे़न्नो हाःत्ले़आङ् चे़ल्ले़क्सेन् मे़एःप्सुन्लो॥ थेआङ्भे़ल्ले़ खे़ङ्हाॽरे़ खुन्छिॽ सःप्मा इक्लान् आङ्गाॽ साक्तुङ् पिरुङ्सिङ्ङाङ् वाॽरो॥
खे़ने़ॽ निङ्वाॽफुमाङ्ङिल्ले़ कुसिङ्सेॽइक् अदनओ के़वये़रो॥ खे़ने़ॽ के़जाङ्हाॽ कुमे़न् के़घिःक्पा के़रे़क् मुधिङ्लुङ्हाॽरे़ काप्तुबा चोगे़रो, हे़ःक्कङ्गङ्बा मुधिङ्लुङ्, हिःक्यङ्यङ्बा माङ्लुङ्, फुःत्तक्तक्पा मुधिङ्लुङ्, हिःक्कोःम्कोःम्बा मुधिङ्लुङ्, माक्कुम्गुम्बा मुधिङ्लुङ्, लेःत्ताङ्बा मुधिङ्लुङ्, फिङ्दाङ्बा मुधिङ्लुङ्, हिःक्कोःम्कोःम्बा मुधिङ् नु हिःक्यङ्यङ्बा मुधिङ्हाॽ के़रे़क् के़लागि मे़जोगुरो हे़क्क्याङ् साम्म्याङ् इसेःङ्बो मे़दिःक्खुआङ् पत्छे़रो॥ खे़ने़ॽ नावागे़न् चइःत् के़बोःक्खे़बा ये़न्नोए खे़ङ्हाॽ खे़ने़ॽ के़लागि मे़जोगुआङ् वये़रो॥
Piblisite