यसैया 24:5 - लिम्बु5 इक्सादिङ् खाम्बेःक्मो के़युङ्बा मनाहाॽरे़ खुन्छिॽ लायोल्ले़ चोगुल्ले़ कन् इक्सादिङ् खाम्बेःक्मान् चिःन्जिःन् के़घुबा पोःक्खे़आङ् ने़रो॥ थेआङ्भे़ल्ले़ खे़ङ्हाॽरे़ निङ्वाॽफुमाङ्ङिल्ले़ कुइङ्जाङ्ङिन् मे़भेःन्दुआङ् वाॽरो, कुभाङ्हाॽ मे़भेःन्दुआङ् वाॽरो हे़क्क्याङ् सदादिङ्बा माङ्हुप्पिन् इःप्मा नाःप्मा मे़ले़रुआङ् वाॽरो॥ Gade chapit la |
यसैया 24:5
49 Referans Kwoze
“कर इस्राइलबा मनाहाॽरे़ आङ्गाॽ आदक्ले़ङ्वाओ पिफ्युङ् मे़जोगु, हे़क्क्याङ् मुरे़क् खारे़क् थेआङ् के़होप्पा एःक्सादे़न्नो आङ्गाॽ आधिम्हाॽ खुन्छिॽ इःप्मा नाःप्मा मे़न्दे़न्दे़न्॥ इङ्जाङ् के़घे़म्बा पोङ्मालाम् खे़ङ्हाॽरे़ हिङ्मन् मे़घोसुसाङ् आङ्गाॽ आधिम्हाॽ खे़ङ्हाॽरे़ मे़न्इःत्तुन् मे़न्नाःत्तुन्॥ आङ्गाॽ आसाबाथ नाःम्सिङ्मा ये़न्हाॽआङ् खे़ङ्हाॽरे़ मे़भेःन्दु॥ खे़ल्ले़चोगुल्ले़ आङ्गाॽ आसाक्के़न्निन् खे़ङ्हाॽरे़ खुन्छिॽ सम्धाङ् थामारे़ लागि यङ्मा से़रुङ्सिङ्, खम्भ्याङ् मुरे़क् खारे़क् थेआङ् के़होप्पा एःक्सादे़न्नो खे़ङ्हाॽ वरे़ङ्ले़ङ् खक्पे़त् मे़ङ्मासि निङ्सेक् चोगुङ्ङाङ् वये़॥
यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥
मे़नाप्तुसिबा चिगक्वाहाॽ नाप्मासि नु हिप्मासि थक्मासिआङ् मे़ङ्मासि फाॽआङ् माराम्मोबा ले़क्वान् कुइसिक् चिदोॽ चिदोॽ तोॽमासिरे़ लागि निङ्वाॽफुमाङ्ङिन् कुसिङ् मे़न्निःप्नाबा सुवाङ्ङिन् हे़क्क्याङ् आङ्गाॽ आसिक् के़भोङ्बाहाॽरे़ खुन्छिॽ तक्ले़ङ्वाओ खे़ङ्हाॽ हाराहारा पाङ्घुङ्सिङ्ङाङ् वाॽरो॥
हे़क्क्याङ् हे़क्केलॽरिक्के आङ्गाॽ आधाःक्हाॽ निङ्वाॽफुमाङ्ङिल्ले़ मुॽइसाम् पिरुसिरो, थेआङ्भे़ल्ले़ खुने़ॽए आङ्गाॽनु आभाल्ले़आङ् मे़न्नुप्नाबा माङ्हुप् चोगुरो, आभे़ल्ले़आङ् फे़त्मे़ल्लाॽमनाबा माङ्हुप्, आफाल्ले़आङ् मे़ल्ले़ङ्मना माङ्हुप्, खे़न्ने आङ्गाॽ आनिङ्वाॽ वाॽरो, खे़न्ने आङ्गाॽ थङ् आनाःम्मारो, हे़क्क्याङ् निङ्वाॽफुमाङ्ङिल्ले़ के़त्तुरो॥
कर यसुरुन मे़ॽरुआङ् लाङ्गे़धिक्पा पोःक्खे़रो, नुरिक् चामा मे़घोसुआङ् मनाहाॽ चाप्मे़ॽ मे़ॽरुसिरो हे़क्क्याङ् वरे़ङ्ले़ङ्बा मे़बोःक्खे़बारो॥ खे़ब्याङ् खे़ङ्हाॽरे़ खुनिॽ नावागे़न् चइःत् के़जोःक्पा आबाङे खुन्छिॽ निङ्वाॽफुमाङ्ङिन् मे़ले़रु मे़देसुरो, हे़क्क्याङ् खे़ङ्हाॽरे़ खुन्छिॽ से़न्लप्दाङ्बा याक्पेॽइन् हने़ मे़न्जोबा मे़मे़त्तुरो॥
आङ्गाॽ खे़ङ्हाॽनु सदादिङ् आभे़ल्ले़साङ् के़वाॽबा माङ्हुप्, सनारुङ् माङ्हुप् थिक् चोगुङ्ॽ॥ आङ्गाॽ खे़ङ्हाॽरे़ खुन्छिॽ लाजेन् पिरुङ्सिङ्ॽ हे़क्क्याङ् खे़ङ्हाॽ यरिक् खानिःत् चोगुङ्सिङ्ॽ, हे़क्क्याङ् आङ्गाॽ आसेसेदे़न्निन् खे़ङ्हाॽरे़ खुन्छिॽ लुम्मो सदादिङ् आभे़ल्ले़साङ् युक्खुङ्ॽ॥
खे़ल्ले़चोगुल्ले़ दाङ्बान् नालिगे़न् थाङ्बे़न्हाॽनु मे़सःत्ने़न्लो, हे़क्क्याङ् मेमेदुमाहाॽ नु चुङ्जिगे़न् ये़त्छाबा ये़त्छामाहाॽआङ् लुङ्माॽ मे़दुक्तुसिन्लो॥ थेआङ्भे़ल्ले़ खे़ङ्हाॽ के़रे़क् निङ्वाॽफुमाङ् कुसिङ् मे़न्निःप्मनाबा मे़जोक्लो, खे़ब्याङ् ताप्फे़ःम्बा पान् नु इङ्ले़क्के पान् मे़बाःत्लो॥ आल्लसाङ् यहवे दाङ्बे़ल्ले़ कुसिक्के़न् मे़न्जिप्पे वाॽबाल्ले़ चोगुल्ले़ खे़ङ्हाॽ खुम्दिङ् पिमासिरे़ लागि खुने़ॽ कुहुक्किल्ले़ हाबा साःप्सुसिआङ् पत्लो॥
यहवे दाङ्बा खिनिॽ निङ्वाॽफुमाङ्ङिल्ले़ इङ्जाङ् के़बिरिबा पाःन्हाॽलाम् खिनिॽ थिक्नाहाङ् के़हिआसिआङ् वेॽ माङ्हाॽ से़वा के़मे़त्तुम्सिम्ॽ हे़क्क्याङ् खे़ङ्हाॽ माङ्से़वा के़मे़त्तुम्सिम्ने़भग्र, यहवे दाङ्बे़ल्ले़ मि हे़क्के के़दिःप्पा कुसाक्के़न्निन् खिनिॽ सम्धाङ् थारो, हे़क्क्याङ् खुने़ॽ खिनिॽ के़बिरिबा कन् नुबा लाजेॽओलाम् खिनिॽ खिमो वरे़ङ्ले़ङ् के़मे़गिरो॥”
आङ्गाॽ आबाःन्जाःक्हाॽ खे़म्मा मे़न्दे़म्मनाबा खे़ङ्हाॽरे़ खुन्छिॽ आबाङे पाधे़बाहाॽरे़ खुन्छिॽ लायो लासोत् ले़प्माङ् खे़ङ्हाॽ मे़लासे़आङ् मे़वाॽ॥ खे़ङ्हाॽरे़ कुसिङ् मे़न्निःत्तुन्छिन्बा एयाङ्बा साम्माङ्हाॽ माङ्से़वा मे़मे़त्तुसिआङ् मे़वाॽ॥ इस्राइल नु यहुदा ने़प्माङ्बा मनाहाॽरे़ खे़ङ्हाॽरे़ खुन्छिॽ पाधे़बाहाॽरे़ मे़जोगुबा माङ्हुप्पिन् मे़ङ्गे़त्ते मे़भेःन्दुआङ् वाॽ॥
Piblisite