यसैया 24:20 - लिम्बु20 थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥ Gade chapit la |
यसैया 24:20
26 Referans Kwoze
“आङ्गाॽ आलायोहाॽ लत्छा खे़ःप्सिङ्ङो इघेःक्खुआङ् पत्लो, खुने़ॽ कुहुक्किल्ले़ खे़ङ्हाॽ इघेःक्खुरो, खे़न् आङ्गाॽ आभक्ताङ्ङो मे़भत्छुआङ् पत्लो, यहवे दाङ्बे़ल्ले़ आङ्गाॽ आधुम्मे़न् युम्सुआङ् वाॽरो॥ खुने़ॽ आनिङ्मिहाॽरे़ खुन्छिॽ हुक्को थासाङ्लो, खे़ङ्हाॽनु आङ्गाॽ थक्मा मे़सुक्कान्लो॥
खे़न् एगाङ् यहवे दाङ्बे़ल्ले़ आङ्गाॽ अक्खे मे़त्ते़से़ॽ मे़त्ताङ्, “मुक्साम्दाङ्बा यहवे दाङ्बा इस्राइलबा निङ्वाॽफुमाङ्ङिल्ले़ अक्खे पाःत्तुॽ, ‘आङ्गाॽ आसाक्के़न्निल्ले़ के़दिम्बा कन् खोर्यान् थुङे़म्मे़ॽ, मआसिम्मे़ॽ हे़क्क्याङ् पे़से़म्मे़ॽ॥ हे़क्क्याङ् आभे़ल्ले़आङ् पोःक्मा मे़न्छुक्के हाम्ब्रिक् चोःन्दे़म्मे़ॽ॥ आङ्गाॽ खिनिॽ लुम्मो पाङ्घुङ्बा थङ्ङिल्ले़ चोगुल्ले़ हे़क्के पोङ्ॽ॥’
पित् मे़ःन्दा चागे़राम्बाल्ले़ कुसाःङ्गाहिम् हे़क्के आङ्गाॽ आहिम्मे़न् मे़यसुआङ् मे़नाप्ताङ् मे़देॽराङ्लो॥ थाक् के़धाक्पे़ल्ले़ सिङ्ङो चिरिक्के़न् कित्तुबा हे़क्के आङ्गाॽ आहिङ्मने़न् कित्तुङ्ङाङ् पत्लो॥ हे़क्क्याङ् खुने़ॽ खे़न् थाक्कोलाम् आङ्गाॽ खक्ताङ्देसाङ्लो, ले़न्दिक् नु से़न्दिक् के़रे़क् आङ्गाॽ आधाःक्किन् के़नुप्सुरो॥
कन् माङ्निङ्वाॽपान् के़बाःप्पाहाॽ नु निङ्वाॽफुसाम्बाहाॽ चे़ल्ले़क्सेॽ थिःल्ले़ चोगुल्ले़ होॽदोन् होॽदोन् मे़लॽरो॥ थिःल्ले़ चोगुल्ले़ खे़ङ्हाॽरे़ खुन्छिॽ ले़सोत् मे़ले़ङ्ने़न्लो, खे़ङ्हाॽ थिःल्ले़ चोगुल्ले़ इजो इजो मे़लॽरो॥ चे़ल्ले़क्सेॽ थिःल्ले़ खे़ङ्हाॽ थःत्ता मे़बोःक्खे़आङ् मे़वाॽरो, खे़ङ्हाॽ थिःल्ले़ मयुसिआङ् इजो इजो पे़ःङ्गक् पे़ःङ्गक् मे़लॽरो॥ निङ्वाॽफुमाङ्ङिल्ले़ पिरुसिबा सुफोन् मे़निसुल्ले़ खुन्छिॽ थना ले़ङ्लो, हे़क्क्याङ् खे़ङ्हाॽरे़ चोःक्मा मे़गोःत्तुबा पाःन्निन् निःन्धो चोःक्मा मे़न्छुक्तुन्लो॥
“खे़ङ्हाॽ मे़लःन्नाङ् मे़बेःक्किल्ले़ आङ्गाॽ आदक्ले़ङ्वाओ पिफ्युङ् के़जोःक्पाहाॽरे़ खुन्छिॽ के़सिबा थक्हाॽ खे़ङ्हाॽरे़ मे़निसुरो॥ खे़न् के़सिबा थक्हाॽ के़जाबा फेॽबाःत्हाॽ आभे़ल्ले़आङ् मे़न्छिने़न्लो हे़क्क्याङ् खे़न् चेधक्हाॽ के़ओॽबा मिन् आभे़ल्ले़आङ् मे़सिने़न्लो, खे़न् निगे़दे़प्पे़न् के़रे़क् मे़न्छाम् सुवाङ्हाॽरे़ खुन्छिॽ लागि साॽरिक् सिक्के़ले़ःङ्बा पोङ्लो॥”
Piblisite