यसैया 24:18 - लिम्बु18 किमा यङ्मा इक्लान् के़घे़म्बाआङ् के़घे़त्छिङ्बा मनाहाॽ लुम्बाःत्तो मुप्मे़धारो, हे़क्क्याङ् लुम्बाःत्तोलाम् थाःङ् के़लःम्बा के़धाङ्बाहाॽ चे़न्नो मे़धारो॥ साङ्ग्राम्पेदाङ्ङोबा पेधाःप्हाॽ मे़हरे़आङ् मे़बत्लो, खे़ब्याङ् इक्सादिङ् खाम्बेःक्माल्ले़ कुयुक्नान् थुरुप्लुप्ना यङ्लो॥ Gade chapit la |
यसैया 24:18
26 Referans Kwoze
हाङ्ङिल्ले़ कत्तुबा सुहाङ्युक्पा से़वारोबे़ल्ले़ निङ्वाॽफुमाङ्ङिल्ले़ कुमनान् मे़त्तु, “ओमे़त्ते़ॽ, यहवे दाङ्बे़ल्ले़ साङ्ग्राम्पेदाङ्बा लाम्धेःत्हाॽ हन्दु आबिसाङ् अक्तङ्बा पोङ्मा थे सुक्काङ्बे?” एलिसाःल्ले़ नुगप् पिरु, “खे़ने़ॽ आप्फेक् के़मिक्किल्ले़ खे़न् के़निसुॽ, कर खे़ने़ॽ खे़प्मोलाम् थेआङ् चामा के़ङ्घोसुन्लो॥”
इक्सादिङ् खाम्बेःक्मान् किप्मा के़घुबा चोःक्मारे़ लागि यहवे दाङ्बान् पोःक्किल्ले़ खुने़ॽ कुगिप्माघुमो नु मिमिदिङ्गे़न् कुओःप्माल्ले़ चोगुल्ले़ मनाहाॽ मे़घे़त्छिङ्लो हे़क्क्याङ् सियाक्पे-थे़याक्पे़ओ के़ने़बा लुङ्फुक्कोहाॽओ नु खाम्बाङ्ङो के़ने़बा हङ्गारिङ्बा सिगाङ् मे़लाःत्लो॥
कर कन्हाॽग लत्छा अक्तङ्बा सुवाङ्सिरो, खे़ङ्हाॽ इङ्ले़क्को मे़ध्ये़आङ् मे़नाप्तुसिआङ् मे़वाॽरो॥ खे़ङ्हाॽ के़रे़क् लुम्बाःत्तो मे़ध्ये़आङ् मे़याक्लो इग्र पुङ्लाहिम्मो साक्पा मे़ध्ये़आङ् मे़याक्लो॥ खे़ङ्हाॽ मे़नाप्तुसिआङ् के़नाङ्बा के़धेःक्पा हाःत्ताङ् होप्लो, खे़ङ्हाॽ मे़नाप्तु मे़देॽरुसिबा याङ्साकुन्धेहाॽ नुःक्ताम् पिराम्सिम्मे़ॽ के़लॽबा हाःत्ताङ् होप्लो॥
“किमा यङ्माओ आत्तिन्हाॽ मे़घे़त्छिङ्ॽ खे़ङ्हाॽ चे़न्नो मे़धारो हे़क्क्याङ् आत्तिन्हाॽ चे़न्नोलाम् मे़भिःन्छिङ्ॽ खे़ङ्हाॽ इस्रुप्पा इजोओ मे़धारो॥ खिनिॽ पेःक्मा के़ङ्घोसिन्बान् आङ्गाॽ ओमे़त्तुङ्लो थेआङ्भे़ल्ले़ खिनिॽ खासे़न् चोःक्मा ये़म्मिन् त्ये़आङ् वाॽरो,” यहवे दाङ्बे़ल्ले़ पाःत्तुआङ् वाॽरो॥
Piblisite