किप्मा के़घुबा लत्छा सुफोधिक् आङ्गाॽ ओसेःन्मे़धाक्ताङ्लो— इङ्ले़क् के़जोःक्पे़ल्ले़ इङ्ले़क्के चोगुरो, हे़क्क्याङ् के़मे़ङ्बे़ल्ले़ मे़क्खुरो॥ एलामबा थक्सुबासे, ते़न्धङ् चोगे़म्मे़ॽओ, मादिबा थक्सुबासे, ये़क्यक्हाॽ कब्रिङ् कबाम्सिम्मे़ॽओ बेबिलोनबाहाॽरे़ मे़याःत्ल मे़याःन्दुसिबान् आङ्गाॽ नुप्सुङ् पिरुङ्सिङ्लो॥
यसैया 24:16 - लिम्बु16 इक्सादिङ् खाम्बेःक्माल्ले़ नासमा कुसुक्पोलाम् “साम्योबाल्ले़ कुमिमिदिङ् पोङ्लो” के़लॽबा साम्लोन् साम्मे़मे़त्तुबा आनिगे खे़प्सुम्बे़रो॥ कर आङ्गाॽ मे़त्तुङ्सिङ्लो, “आङ्गाॽ हेआ चप्पार पत्तारो, आङ्गाॽ हेआ चप्पार पत्तारो आङ्गाॽ कुसुम् मे़दन्नान् चिःत्ताङ्लक् स्ये़रो! इङ्गे़ले़क्सिङ्बा मनाहाॽ इङ्मे़ले़क्सिङ्लो! इङ्मे़ले़क्सिङाङ्ङे इङ्ले़क् याःम्बक् के़जोःक्पा मनाहाॽ नसान् मे़ले़ङ्सिङ् मे़बिसिङ्लो!” Gade chapit la |
यसैया 24:16
41 Referans Kwoze
मना के़से़प्पा खिनिॽ अस्सेरियाहाॽ, के़जिःत्ति के़स्ये़ॽइरो! कर खे़निॽग हाःत्ले़आङ् मे़न्छे़त्ते के़वयिॽ! चिःत्ते़स्ये़रो, खिनिॽ इङ्ले़क्स्वाबाहाॽ, खिनिॽग हाःत्ले़आङ् इङ्मे़ल्ले़क्के के़वयिरो! मनाहाॽ खे़निॽ मे़ङ्मा के़ले़रुम्सिम्मिल्ले़, खे़निॽआङ् के़म्मे़क्खिरो॥ मनाहाॽ खे़निॽ इङ्ले़क्मा के़ले़रुम्सिम्ॽ, खिनिॽआङ् इङ्ले़क्को के़ध्ये़ॽइरो॥
हे़क्क्याङ् खे़ङ्हाॽरे़ निङ्वाॽफुमाङ्ङिल्ले़ कुसे़वारोबा मोसारे़ कुसाम्लो नु मे़ल्लुक्साःल्ले़ कुसाम्लोन् अक्खेलॽरिक् साम्मे़मे़त्तु, “मुक्साम्दाङ्बा निङ्वाॽफुमाङ्ङे, खे़ने़ॽ के़याःम्बक्हाॽग पयम् यम्बा नु निङ्वाॽ के़माबा चोक्लो॥ काक् मे़न्छाम् सुवाङ्हाॽरे़ खुनिॽ हाङ्ङे, खे़ने़ॽ के़लाम्हाॽग नुबा नु से़क्खाबा चोक्लो॥
से़न्दिक् नाम्दाःत्तात् खे़न् उःक्काङ् उःक् हाःप्लो, खे़ल्ले़ कुने़दे़ङ्बो मिक्वा चक् चक् थाआङ् पत्लो॥ खे़ल्ले़ लुङ्माॽ हिःप्तुसिबाहाॽओलाम्, खे़न् आःन्छिङ्मा के़बिबा हाःत्ताङ् होप्लो॥ खे़ल्ले़ के़रे़क् कुन्जुम्हाॽरे़ खुने़ॽ इङ्ले़क्को मे़धासुआङ् ने़रो, हे़क्क्याङ् खे़ङ्हाॽ खे़ल्ले़ कुनिङ्मि मे़बोःक्खे़आङ् मे़वाॽरो॥
खे़ङ्हाॽग खे़ने़ॽए के़म्भुॽ के़न्साॽ नु आबाङे के़हिम्सयङ्बा मनासिरो खे़ङ्हाॽरे़ए खे़ने़ॽ लासाक् के़म्मे़त्ते़आङ् वाॽरो॥ खे़ने़ॽ के़दक्ले़ङ्वाओ के़भत्छे़ खे़ङ्हाॽ मे़द्ये़आङ् मे़वाॽरो॥ खे़ङ्हाॽरे़ खे़ने़ॽनु कुजागे़नुॽबा पान् मे़बाःत्तुसाङ् खे़ङ्हाॽरे़ खुन्छिॽ पाःन्निन् नामे़साॽरे़न्ने़ॽओ॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
खे़ने़ॽ के़मिक्सान् साॽरिक् सुत्थो चोक्लो, खे़ने़ॽ ताप्फे़ःम्बा पाःन्निन् ओमे़प्मा के़न्छुक्तुन्लो॥ मे़न्वाॽमना पाःन्निन् खे़ने़ॽ नासिथःप्मा के़न्छुक्तुन्लो कर इङ्ले़क्पा मनाहाॽ थेआङ् नासिथःप्मा के़सुक्तुसिबाबे? कुॽइगे़भे़म्बा मनाहाॽरे़ खुन्छिॽनुःल्ले़ कुदोःप्मा मनाहाॽ मे़मे़क्खुसिल्ले़ खे़ने़ॽ थेआङ् स्वाःत् के़वाॽ के़गम्बाबे?
आङ्गाॽ पाःत्तुङ्, “आङ्गाॽग चिःत्ताङ्लक् स्याङ्लो! हे़क्क्याङ् आल्ल आङ्गाॽग मे़गाङ्बा पोःक्खे़ लॽरिक् अःक्ताङ्! थेआङ्भे़ल्ले़ आङ्गाॽग आम्ब्राःल्ले़ आसुत्थो पाःन्हाॽ पाःत्तुङ्, खे़ब्याङ् आसुत्थो पान् के़बाःप्पा मनाहाॽरे़ खुन्छिॽलुम्मो वाॽआ, हे़क्केसाङ् आङ्गाॽ हाङ्हाॽरे़आङ् खुन्छिॽ हाङ् मुक्साम्दाङ्बा यहवे दाङ्बान् आङ्गाॽ निसुङ्ङाङ् वाॽ॥”
Piblisite