“नाम्गे़त् पिसाङ् नु नाम्धा पिसाङ् थारिक् के़रे़क् मे़न्छाम् सुवाङ्लुम्मो आङ्गाॽ आमिङ्ङिन् पयम् यम्बा पोङ्ॽ॥ के़रे़क् ते़न्हाॽओ आङ्गाॽ आमिङ्ङो मे़न्छाम् सुवाङ्हाॽरे़ सुक्पा मे़हाःन्दुॽ हे़क्क्याङ् सुत्थो हुक्सोयाङ् मे़दारुॽ, थेआङ्भे़ल्ले़ के़रे़क् मे़न्छाम् सुवाङ्हाॽरे़ आङ्गाॽ मिङ्सो इङ्धाङ् मे़बिआरो,” मुक्साम्दाङ्बा यहवे दाङ्बे़ल्ले़ पाःत्तुॽ॥
यसैया 24:15 - लिम्बु15 खे़ल्ले़चोगुल्ले़ तइनाङ्गे़न् पिसाङ्बाहाॽरे़ यहवे दाङ्बान् मिमिदिङ्ङिन् पिरे़म्मे़ॽओ॥ वरःङ्ङो के़ने़बा वागप्खाम्हाॽओ के़युङ्बाहाॽरे़ इस्राइलबा निङ्वाॽफुमाङ् यहवे दाङ्बे़ल्ले़ कुमिङ्ङिन् थाःङ्धाःङ् फोःक्खाम्मे़ॽओ॥ Gade chapit la |
यसैया 24:15
26 Referans Kwoze
कुत्चाॽए वागप्खाम्मो के़युङ्बाहाॽरे़ खुने़ॽ ओमे़मे़त्तुरो, तगि ले़ङ्हङ् के़जोःक्पा यम्बा वालाधाहाॽ मे़ये़प्लो॥ यहवे दाङ्बा खे़ने़ॽ के़निङ्वाॽफुमाङ्ङिल्ले़ लागि, इग्र इस्राइलबा सेसे निङ्वाॽफुमाङ्ङिल्ले़ कुमिङ्सो इङ्धाङ्ले़ लागि खे़ङ्हाॽरे़ खे़ने़ॽ के़स्सा ये़म्बित्छा मे़न्छुमाहाॽ खुन्छिॽ साम्म्याङ् युप्पानु सोरिक् माःङ्घा माःङ्घालाम् मे़दारुसिरो॥ थेआङ्भे़ल्ले़ खुने़ॽ कुहाङ्वा कुमाङ्वारे़ के़गाप्ते़आङ् वाॽरो॥
आङ्गाॽ आसाम्योबा पाःन्हाॽ हारा निःत्ताङ् तारो, आङ्गाॽ आसे़न्लप्पिन् लाम्मोसा तार पत्लो, हे़क्क्याङ् आङ्गाॽ आमुक्साम्मिल्ले़ मे़न्छाम् सुवाङ्हाॽओ खासे़न् तारुङ्लो॥ वरःङ्ङिल्ले़ कुयाओ के़युङ्बाहाॽरे़ आङ्गाॽ ओमे़मे़त्तारो, खे़ब्याङ् आङ्गाॽ आमुक्साम्मो खे़ङ्हाॽरे़ लाम् ओमे़मे़त्तुरो॥
यहवे दाङ्बे़ल्ले़ कुलागि कुसङ् साम्लोधिक् साम्मे़त्ताम्मे़ॽओ, इक्सादिङ् खाम्बेःक्माल्ले़ नासमा कुयाओनु खुने़ॽ कुनारा फोसे़म्मे़ॽओ, तुङ्गोदिङ् वरःङ्ङो लाम्दिक् के़जोःक्पासे, हे़क्क्याङ् खे़ॽयो के़याक्पा के़रे़क् परिक्पा पाधुङ् ले़ःक्ङासे, वागप्खाम्हाॽ नु खे़ॽयो के़युङ्बासे साम्लोरे़म्मे़ॽओ!
मिःल्ले़ साम्म्याङ्ङिन् योःन्दुआङ् सुत्थो चोगुबा कुइसिक् खे़न् इनोगे़न् तुक्खेहाॽरे़ग खिनिॽ नसाःन्निन् साॽरुआङ् के़धुम्बा नु सुत्थो चोगुॽरो, कर खिनिॽ नसाःन्निन् खे़न् साम्म्याङ्ङिन्नुःल्ले़आङ् इमे़ल्लुङ्बा चोक्लो॥ हे़क्केलॽरिक् खे़न् इनोगे़न् तुक्खेहाॽ नासि के़धःत्तुम्ने़ फाॽग्र ये़सु ख्रिस्ते़न् युःल्ले़ ने़म्भोगे़न् नारा फोमान्, मिमिदिङ् नु मिङ्सो इङ्धाङ् के़घोसुम्लो॥
“हे़क्क्याङ् आङ्गाॽ खे़ङ्हाॽरे़ खुन्छिॽ लुम्मो लत्छा मिक्सेःन्धिक् पिरुङ्सिङ्ॽ॥ कर आङ्गाॽ खे़ङ्हाॽओ कुभा के़हिङ्बा के़याःक्पाहाॽ आङ्गाॽ आमिङ् तिःप्पा, चोगुङ्बा याःम्बक्हाॽ, आमुक्साम्मिन् हे़क्क्याङ् के़रे़क्नुःल्ले़ यम्बाआ फाॽआङ् मे़ङ्घे़म्मे के़वाॽबा मे़न्छाम् सुवाङ्हाॽओ नु माःङ्घा माःङ्घाबा लाजेॽहाॽओ पाङ्घुङ्सिङ्ॽ, इग्र तार्सिस, लिबिया नु तोङ् लि याङ्मा के़ले़बा मना के़युङ्बा लुद नु तुबल खे़म्ब्याङ् ग्रिस लाजेॽहाॽओ पाङ्घुङ्सिङ्ॽ॥ कन् लाजेॽहाॽओ आङ्गाॽ पयम् यम्बा चोःक्का फाॽआङ् खे़ङ्हाॽरे़ उवा मे़जोगुॽ॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
Piblisite