यसैया 24:12 - लिम्बु12 ये़क्यक्कोग मे़क्मा पाःन्हाॽरक् याःक्ते़आङ् वाॽरो, हे़क्क्याङ् निङ्मिहाॽरे़ पयम् यम्बा लाम्धेःत्हाॽ मे़यन्छुआङ् कुघे़ल्ले़क् कुघे़ल्ले़क् मे़जोगुआङ् ने़रो॥ Gade chapit la |
यसैया 24:12
12 Referans Kwoze
यम्बा लाम्धेःत्हाॽ खाम्बाङ्ङो निमे़रो, खुने़ॽ खे़ल्ले़ कुए़प्माहाॽ यसुआङ् कुम्जिक्मा चोगुरो॥ हाङ्ङिन् नु लाम्लोबाहाॽ वेॽ मे़न्छाम् सुवाङ्हाॽरे़ खुन्छिॽ लुम्मो लाजेॽलाम् मे़लःत्तु मे़देॽरुसिआङ् मे़वाॽरो, हे़क्क्याङ् साम्योथिम् इङ्जाङ्ङिन् मे़न्हुॽरुन्सिन्लो॥ खे़ब्याङ् खे़ल्ले़ कुमाङ्निङ्वाॽपान् के़बाःप्पाहाॽरे़आङ् यहवे दाङ्बे़न्लाम् थे़माआङ् सुफो मे़ङ्घोसुन्लो॥
निःन्धो के़बोङ्बा तङ्नाम्हाॽओ आत्तिन्नाङ् मे़दाने़न्बाल्ले़ चोगुल्ले़ सियोन के़बेःक्पा लाम्हाॽ हाःप् चिङ्ल ने़रो, खे़ल्ले़ के़रे़क् मा कुलाम्धेःत्हाॽ चिजि खक्खक् पोःक्खे़आङ् ने़रो, खे़ल्ले़ कुनिङ्वाॽफुसाम्बाहाॽ सक्मारक् मे़सोःन्छिङ्लो॥ खे़प्मोबा सिसागे़न् मे़न्छ्याहाॽ निङ्वाॽ तुक्खे चामो मे़ध्ये़आङ् मे़वाॽरो, खे़ब्याङ् खे़न् के़साक्पा तुक्मा याःप्मो थ्ये़आङ् ने़रो॥
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
“पलिस्तिबा के़रे़क् ये़क्यक्हाॽओ के़युङ्बा मनासे, खे़निॽ कुभाॽरे़ लागि उःक्काङ् उक् हाबे़म्मे़ॽओ! खे़निॽ के़रे़क् किसाम्मे़ॽ यक्खाम्मे़ॽओ! थाङ्गे़त् पिसाङ्लाम् लत्छा किप्मा के़घुबा मिःक्खुधिक् युर पत्लो, थङ् चोःक्मारे़ लागि खे़ङ्हाॽरे़ खे़निॽ के़रे़क् थक्सुबाहाॽओ लत्छाआङ् के़गिबा के़यङ्बा मे़होप्लो॥
Piblisite