यसैया 24:11 - लिम्‍बु

¹¹ सेजःङ्‌वा होप्‍पाल्‍ले़ चोगुल्‍ले़ माराम्‍हाॽओ मनाहाॽ मे़अःक्‍लो, के़रे़क् सःप्‍मा एःप्‍मा पाःन्‍हाॽ निङ्‌साङ् के़बुक्‍पा पोःक्‍खे़आङ् वाॽरो॥ इक्‍सादिङ् खाम्‍बेःक्‍कोलाम् निङ्‌वाॽ के़दाबा पाःन्‍हाॽ मये़बेआङ् होप्‍लो॥

यसैया 24:11 Referans Kwoze

होसे 7:14

खे़ङ्‌हाॽरे़ खुन्‍छिॽ सिक्‍लुङ्‌मे़ल्‍ले़ आङ्‌गाॽ पेलि मे़म्‍भाक्‍कान्‍लो, कर खुन्‍छिॽ आप्‍फेक् ने़त्‍नाहाॽओ मे़रिङ् मे़धक्‍लो॥ कुजा नु कुबोक् चे़ल्‍ले़क्‍सेॽ सेजङ्‌वाःल्‍ले़ लागि खे़ङ्‌हाॽ मे़जुम्‍लो, कर आङ्‌गाॽनुग खुन्‍छिॽ नारान् मे़हिसु मे़देसुरो॥

लुका 16:25

कर अब्राहाम्‍मिल्‍ले़ खुने़ॽ मे़त्तु, ‘आस्‍साए, निङ्‌वाॽ इःत्ते़ साॽरे़, खे़ने़ॽ इक्‍सादिङ् खाम्‍बेःक्‍मो के़वये़ल्‍ले़ सुक्‍खेवाओ के़वये़, हे़क्‍क्‍याङ् कन् लाजरसे़न् तुक्‍खेवाओए वये़, कर आल्‍लो खुने़ॽ सुक्‍खेवाओ वाॽ, खे़ने़ॽ तुक्‍खे के़जर के़याक्‍लो॥

योएल 1:15

खे़न् ये़न्‍निल्‍ले़ लागिग, नाॽराङ्‌स्‍याङ्‌लो! थेआङ्‌भे़ल्‍ले़ यहवे दाङ्‌बे़ल्‍ले़ कुये़न्‍निन् निःत्ताङ् वाॽरो, मुक्‍साम्‍दाङ्‌बे़न् लाम्‍बा खे़न् खाप्‍पुथ्‍यःङ् पोङ्‌बा कुइसिक् तारो॥

यर्मिया 48:33

मोआबबा चागे़नुॽबादे़न्‍हाॽलाम् सःप्‍मा नु ये़ये़ लॽमे़न् मये़रो॥ चे़ल्‍ले़क्‍सेॽ एःम्‍मादे़न्‍हाॽलाम् कुवा मे़लःन्‍ने़न्‍लो॥ हाःत्‍ले़आङ् खे़न् अःक्‍ल सःत्‍ल मे़लाःक्‍तुन्‍लो ओवा, खे़प्‍मो के़अःक्‍पा इक्‍ला वाॽरो, कर सःप्‍मा इक्‍लाग मेःन्‍लो॥

यसैया 32:13

हे़क्‍क्‍याङ् आङ्‌गाॽ आमनाहाॽरे़ खुन्‍छिॽ तिङ्‌ग्रेक् नु सेर्दाःक्‍मा के़लिङ्‌बा इक्‍ताप्‍पिल्‍ले़ लागि हाबाम्‍मे़ॽओ॥ ओवा, सोसोत्‍लराङ् चोःक्‍मा हिम्‍हाॽरे़ लागि हे़क्‍क्‍याङ् निङ्‌वाॽ तादा निङ्‌वाॽ पाःप्‍पाःत् चोःक्‍मा पाङ्‌जुम्‍मिल्‍ले़ लागि मे़रिङ् थक्‍ते़म्‍मे़ॽओ॥

यसैया 16:10

आल्‍ल मनाहाॽरे़ खुन्‍छिॽ सःप्‍मा नु एःप्‍मे़न् पेरो, चे़ल्‍ले़क्‍सेॽ इक्‍ताप्‍पो हाःत्ताङ् साम्‍मे़लोने़न्‍लो, हाःत्ताङ् मे़अःक्‍ने़न्‍लो॥ चे़ल्‍ले़क्‍सेॽ एःम्‍मादे़न्‍नो हाःत्‍ले़आङ् चे़ल्‍ले़क्‍सेन् मे़एःप्‍सुन्‍लो॥ थेआङ्‌भे़ल्‍ले़ खे़ङ्‌हाॽरे़ खुन्‍छिॽ सःप्‍मा इक्‍लान् आङ्‌गाॽ साक्‍तुङ् पिरुङ्‌सिङ्‌ङाङ् वाॽरो॥

यसैया 9:19

मुक्‍साम्‍दाङ्‌बा यहवे दाङ्‌बे़ल्‍ले़ कुसाक्‍के़न्‍निल्‍ले़ लाजेन् खाप्‍पुथ्‍यःङ् पोङ्‌लो, मनाहाॽ मि हाःम्‍मा तिङ्‌ग्रेक् हे़क्‍तङ्‌बा मे़बोःक्‍खे़आङ् मे़वाॽरो॥ हे़क्‍क्‍याङ् आत्तिन् मनाहाॽरे़आङ् आबाङे खुन्‍छिॽ फुॽनुसाॽहाॽ लुङ्‌माॽ मे़न्‍दुक्‍तुसिन्‍लो॥

यसैया 8:22

खे़ब्‍याङ् खे़ङ्‌हाॽरे़ इक्‍सादिङ् खाम्‍बेःक्‍मा पिसाङ् ओमे़मे़त्तुॽ, कर खे़ॽयो तुक्‍खे, खामाक्‍मा नु किप्‍मा के़घुबा निङ्‌साङ् पुक्‍मारक् मे़निसुॽ॥ हे़क्‍क्‍याङ् खे़ङ्‌हाॽ खामाक्‍लुम्‍बाःत्तो मे़हो मे़लाःत्‍लो॥

खाहुन् 31:6

के़मे़क्‍पार के़बप्‍पाहाॽरे़ थि मे़धुङुररो, मुदोखाम्‍दो के़बोङ्‌बाहाॽरे़ चे़ल्‍ले़क्‍सेॽ थि मे़धुङुररो॥

निङ्‌वाॽफु साम्‍लोसुम् 144:14

आनिगे पित्‍हाॽरे़ सामे़ल्‍ले़म्‍मे यरिक् मे़धाप्‍तुसिरो॥ आनिगे ये़क्‌यक्‍कोबा लुङ्‌धाक्‍हाॽ मे़धुप्‍ने़ल्‍लो, हे़क्‍क्‍याङ् आनिगे पुङ्‌लाधाबा पोङ्‌माआङ् पेःक्‍मा मे़बोङ्‌ने़ल्‍लो, आनिगे माराम्‍हाॽओ के़हाःप्‍पा के़जिङ्‌बाआङ् खे़म्‍मे़न्‍दे़त्‍ने़ल्‍लो॥

यर्मिया 14:2

“यहुदाबा मनाहाॽ मे़हाःप् मे़जिःङ्‌ल मे़वाॽरो, खे़न् ये़क्‌यक्‍हाॽओबा मनाहाॽ मे़मे़क्‍ल मे़बत्‍लो, खे़प्‍मो के़युङ्‌बाहाॽ खाम्‍मो मे़सॽसिङ्‌ल मे़रिङ् मे़धक्‍ल मे़युङ्‌लो हे़क्‍क्‍याङ् यरुसले़ःम्‍मोबा मनाहाॽ कुभाॽरे़ लागि मे़अःक् मे़भिःक्‍ल मे़याक्‍लो॥

यर्मिया 46:12

मे़न्‍छाम् सुवाङ्‌हाॽरे़ खे़ने़ॽ के़नाधामान् मे़घे़प्‍सुआङ् वाॽरो॥ खे़ने़ॽ के़यङ्‌मा के़प्‍मा हाःप्‍मा फिःक्‍मे़ल्‍ले़ इक्‍सादिङ् खाम्‍बेःक्‍मान् थिम्‍सुरो॥ खे़ने़ॽ साॽरिक् के़धुम्‍बा के़धक्‍सुबाहाॽ थिक्‍नु थिक् मे़लोःक्‍लो खे़म्‍ब्‍याङ् खे़ङ्‌हाॽ सोसोरिक् मे़जोन्‍लो॥”

योएल 1:12

चे़ल्‍ले़क्‍सेल्‍ले़ कुबुङ्‌ङिन् हेरे़बेआङ् युङ्‌लो, हे़क्‍क्‍याङ् पःत्‍छेल्‍ले़ कुबुङ्‌हाॽ इसुॽरुबेआङ् युङ्‌लो॥ फुॽले़सेॽ, यारुम्‍सेॽ नु नाङ्‌सेल्‍ले़ कुबुङ्‌हाॽ, इग्र इक्‍ताप्‍पोबा के़रे़क् सिङ्‌बुङ्‌हाॽ हेरे़बेआङ् युङ्‌लो॥ से़क्‍खासाङ् मे़न्‍छाम् सुवाङ्‌ङिल्‍ले़ कुसःप्‍मान् होप्‍लो॥

यसैया 32:10

आल्‍ल तङ्‌बेॽ थिक्‍नुःल्‍ले़ आजे़ःत्‍छिक् एगाङ् खे़निॽ निङ्‌वाॽ तुक्‍खे मे़न्‍जाए के़युङ्‌माहाॽ के़यक्‍खिरो॥ चे़ल्‍ले़क्‍सेॽ इक्‍ताप्‍पिन् सॽआङ् चे़ल्‍ले़क्‍सेॽइल्‍ले़ कुजाॽआङ् मे़धोःक्‍ने़न्‍लो॥