निनबे ये़क्यक्किन् मे़नाप्तुआङ् खाप्पुथ्यःङ् मे़जोगुरो, हे़क्क्याङ् मुरे़क् खारे़क् मे़जोगुआङ् ने़रो॥ खे़ङ्हाॽरे़ खुन्छिॽ साःङ्गो सक्मा पुॽरो खे़ङ्हाॽरे़ खुन्छिॽ थुङ्बोहाॽ थे़गक्कक्ना यङ्लो॥ हे़क्क्याङ् के़रे़क् नासिङ्गे़न् थक्लाओ तुक्मा याक्लो, के़रे़क् चित्लि नाराहाॽ सअम्याःप्पा पोङ्लो॥
यसैया 24:1 - लिम्बु1 ओमे़त्ते़म्मे़ॽओ! यहवे दाङ्बे़ल्ले़ इक्सादिङ् खाम्बेःक्मान् मे़ङ्मा चोगुरो॥ खुने़ॽ कन् इक्सादिङ् खाम्बेःक्मान् मे़क्खुआङ् खे़प्मो के़युङ्बा मे़न्छाम् याप्मिहाॽ फुत्छिङ्छाःङ् मे़से़ मे़बेःक्ल याःन्दुसिरो॥ Gade chapit la |
यसैया 24:1
45 Referans Kwoze
इक्सादिङ् खाम्बेःक्मान् किप्मा के़घुबा चोःक्मारे़ लागि यहवे दाङ्बान् पोःक्किल्ले़ खुने़ॽ कुगिप्माघुमो नु मिमिदिङ्गे़न् कुओःप्माल्ले़ चोगुल्ले़ मनाहाॽ मे़घे़त्छिङ्लो हे़क्क्याङ् सियाक्पे-थे़याक्पे़ओ के़ने़बा लुङ्फुक्कोहाॽओ नु खाम्बाङ्ङो के़ने़बा हङ्गारिङ्बा सिगाङ् मे़लाःत्लो॥
थिःल्ले़ के़मबा मनान् होॽदोन् होॽदोन् लॽबा कुइसिक् इक्सादिङ् खाम्बेःक्मान् मुन्जिङ् मुन्जिङ् लॽरो॥ ते़हे़ॽहे़ॽबा याक्माहिम्मिन् सुरिःत्तिल्ले़ वाःन्दुबा हे़क्के इक्सादिङ् खाम्बेःक्मान् ना नु कत्ना मुन्लो॥ खुन्छिॽ आबाङे पिफ्युङ्ङिन् खे़न् इक्सा खाम्बेक् सम्धाङ् साॽरिक् लिःप्पाङ् पत्लो खे़ल्ले़चोगुल्ले़ खे़न् आफाल्ले़आङ् पोःक्मा मे़न्छुक्के चोःन्लो॥
खिनिॽ आत्ति आत्ति के़युङिॽ खे़प्मो चिजि खक्खक् पोङ्ॽ, हे़क्क्याङ् कुसिङ् निःत्मे़न्दे़प्मनाबा खिनिॽ माङ्से़वा चोःक्मादे़न्हाॽ खाप्पुथ्यःङ् चोगुङ्ॽ॥ खिनिॽ ले़त्ति तोःम्मादे़न्हाॽ मे़लुःन्दुॽ, खिनिॽ नावाइत्लाहाॽ फयःप्फयःप् मे़यःप्सुॽ, खिनिॽ सुक्पा हाःम्मादे़न्हाॽ मे़धुप्सुॽ, हे़क्क्याङ् खिनिॽ के़जोगुम्बा के़रे़क् साम्योबा इत्हाॽ खाप्पुथ्यःङ् पोङ्ॽ॥
के़जइःत्साप् यरुसले़ःम्मिल्ले़ कुलुम्मो कल्ले़ कुलक् थिक् ने़स्से़ॽ॥ थङ्ङो किर्गप् कप्मा के़ले़ङ्सिङ्बा याःम्बक्किन् चुःत्ताङ् कुलक् थिक् खे़प्मो हाःन्दे़देसे़ॽ॥ वेॽ कुलक् थिक्के़न् खे़ने़ॽ के़साप्चइःत् के़रे़क् पिसाङ् से़से़देसे़ॽ हे़क्क्याङ् ताभेःल्ले़ चाक्खक् चाक्खक् खक्ते़ॽ॥ कुनुप्मा वेॽ कुलक् थिक्के़न् सुरित् केजङ्ङो फुत्लुम् थ्यःङ् से़से़देसे़ॽ, थेआङ्भे़ल्ले़ आङ्गाॽ आमनाहाॽ ताभेःल्ले़ फुत्छिङ्ज्याङ् से़सुङ्देसुङ्सिङ्ॽ॥
खाम्घु लाजेन् मे़रिङ् थक् हे़क्क्याङ् मुरे़क् खारे़क् पोङ्लो, ले़बनानबा मनाहाॽरे़ खुन्छिॽ नासाम् थाःॽ खे़म्ब्याङ् इमे़सुॽरो॥ सारोन लाजेॽओ चागे़नुॽबा ने़ने़बादे़न्हाॽ अराबा लाजेॽओ के़ने़बा ये़ःङ्घादे़न् हे़क्तङ्बा पोङ्लो, खे़ब्याङ् बासान लाजेॽओ नु कर्मेल कोःक्माओबा सिङ्बुङ्हाॽओनु ते़त्ले़फे़क्वाहाॽ लुःक्थारो॥
कम्ब्राङ् मे़मे़त्तुसिबा ये़क्यक्हाॽ मुरे़क् खारे़क् नु चिजि खक्खक् पोःक्खे़रो, हे़क्क्याङ् मनाहाॽरे़ मे़ले़रुबा नु याङ्धोःक्मा मे़नाॽरुबा एःक्सादे़न् कुइसिक् पोःक्खे़रो॥ खे़ॽयो पित्साःत्हाॽ चामे़राम्लो, खे़न् पित्हाॽ खे़ॽयो मे़नाःम्सिङ्लो हे़क्क्याङ् खे़न् पित्हाॽरे़ खे़ॽयो के़युङ्बा सिङ्ङिल्ले़ कुबोराःक्हाॽ मे़ले़न्दुरो, खे़ब्याङ् कुभे़क्वान् मे़जआङ् मुरे़क् खारे़क् मे़जोगुरो॥
आङ्गाॽ सामरियान् खुम्दिङ् पिरुङ्ङिल्ले़ याङुङ्बा वद्रान् नु आहाबरे़ कुहिम्सयङ्ङिन् खुम्दिङ् पिरुङ्ङिल्ले़ याङुङ्बा खिदोराःल्ले़ आङ्गाॽ यरुसले़ःम्मिन् खुम्दिङ् पिरुङ्ॽ॥ आक्खेलॽरिक् मनाःल्ले़ कुजे़त्थ्यान् इःक्खुआङ् साबन् फत्छुॽ, हे़क्केलॽरिक्के आङ्गाॽ यरुसले़ःम्मिन् वरे़ङ्ले़ङ् इःक्खुङ्ॽ॥
खे़ब्याङ् इक्सादिङ् खाम्बेःक्माल्ले़ लत्छा कुयाओनु वेॽसमा कुयाओ थारिक् वेॽ वेॽ मे़न्छाम् सुवाङ्हाॽरे़ खुन्छिॽ लुम्मो यहवे दाङ्बे़ल्ले़ खिनिॽ फुत्छिङ्ज्याङ् के़से़सिॽ॥ खे़प्मो खिनिॽआङ् कुसिङ् के़न्निःत्तुम्सिम्मिन्बा हे़क्क्याङ् खिनिॽ पाधे़बाहाॽरे़आङ् कुसिङ् मे़न्निःत्तुसिन्बा सिङ् नु लुङ्लाम् मे़जोगुसिबा वेॽ माङ्हाॽ खिनिॽ से़वा के़मे़त्तुम्सिम्ॽ॥
याङ्सि योहानानरे़ गदल्याहन् स्वाःत्ताङ् तुमुआङ् मे़त्तु, “आङ्गाॽ आप्फेक् पेःक्काआङ् नतन्याहरे़ कुस्सा इस्माएल्ले़न् हाःत्ले़आङ् मे़न्निए से़रुङ्ॽ॥ थेआङ् खुने़ॽ ताआङ् खे़ने़ॽ के़से़त्ल याःम्माबे? हे़क्के पोङ्ङिल्ले़ग खे़ने़ॽ के़गब्रिङ् पिसाङ् के़दाबाआङ् के़वाॽबा यहुदा मनाहाॽ याम्मो फुत्छिङ्ज्याङ् मे़से़ मे़बेःक् हे़क्क्याङ् यहुदाओ के़दाङ्बा के़याःक्पा के़रे़क् मनाहाॽ मे़मे़क्॥”
कर खे़ङ्हाॽरे़ खे़प्मो पावल नु सिलासे़न् मे़न्दुमुन्सिन्, हे़क्केःल्ले़ ये़सोन नु वेॽ फुॽनुसाॽ नसानिबाहाॽ ये़क्यक्कोबा सुहाङ्युक्पाहाॽरो अक्खेलॽरिक् मे़अःक्ते़र मे़उःक्खु मे़दारुसि, “कन् मनाहाॽरे़ आत्तिसाङ् तुक्खे मे़दारुआङ् मे़वाॽरो॥ खे़ङ्हाॽग आल्लो आनिॽ ये़क्यक्कोआङ् मे़द्ये़आङ् मे़वाॽरो॥
कुघाओलाम्बा लत्छा खिरिङ्बाधिक् लःन्दे़आङ् वाॽरो इक्सादिङ् खाम्बेःक्मोबा मे़न्छाम् याप्मिहाॽ के़मे़ङ्बान् लःन्दे़आङ् वाॽरो॥ यहुदाबा ये़क्यक्हाॽ खाप्पुथ्यःङ् चोःक्से़ खे़न् तार पत्लो॥ खिनिॽ ये़क्यक्हाॽ थुप्पाङ् लुःम्बेःक्लो हे़क्क्याङ् खे़प्मो आत्तिन्हाॽआङ् वाॽमा मे़न्छुक्ने़न्लो॥
इक्सादिङ् खाम्बेःक्मोबा के़रे़क् मे़न्छाम् सुवाङ्हाॽ सम्धाङ् यहवे दाङ्बे़ल्ले़ कुसिक् पोगे़आङ् वाॽरो, खुने़ॽ कुसाक्के़न्निन् खे़ङ्हाॽरे़ खुन्छिॽ के़रे़क् थक्सुबाहाॽ सम्धाङ् चुक्ते़आङ् वाॽरो॥ खुने़ॽ खे़ङ्हाॽ थिक्काङ् मेःन्ने के़रे़क् मे़क्खुसिरो, मना के़से़प्पा मनाःल्ले़ कुहुक्को खे़ङ्हाॽ हुक्सुप्तुसिरो॥
खे़न् से़न्दिक् ले़न्दिक् आभे़ल्ले़आङ् मे़सिने़न्लो, खे़ॽयो के़लःम्बा मिःक्खुन् चक्मे़ल्लॽए सुःङ्गु सुःङ्गु लॽरिक् थाःङ् पोःक्काङ् पत्लो॥ थाःक्थाःक् थारिक् खे़न् मुरे़क् खारे़क् थेआङ् के़होप्पा लाजेॽ पोङ्ङाङ् ने़रो, आत्तिन्हाॽआङ् याम्मो खे़न् लाम्बा मे़बोङ्ङाङ् मे़म्बेःक्ने़न्लो॥
“बेबिलोनबा हाङ् नबुकदनेसररे़ चदेसिगे़आङ् वाॽरो हे़क्क्याङ् आनिगे चिधक् चिधक् थगिगे़आङ् आनिगे थुम्मिन् लःत्तुदेसुआङ् वाॽरो॥ यम्बा आजाजाबे़ल्ले़ हे़क्के खुने़ॽ लरिगे़देसिगे़आङ् वाॽरो खे़ब्याङ् खुने़ॽ कुसाप्पोःक्किन् आनिगे याङ्साकुन्धेःल्ले़ थिम्सुआङ् वाॽरो॥ आनिगे आबाङे लाजेॽलाम् खुने़ॽ लाःक्कात् लाप्फुसिगे़आङ् वयिगे़रो,”
ओरो, खे़न् ये़म्मिन् त्ये़आङ् वाॽरो, खे़न् ये़न्निन् कप्मो वाॽरो! कुमे़ल्लुङ् आजे़ःत्छिक् चोःक्मा पाःन्नो चिगक्वाॽ के़इङ्बाहाॽ मे़न्छःत्ने़न्लरो, हे़क्क्याङ् कुमे़ल्लुङ् सुःल्लिक् पोःक्खे़ फाॽआङ् के़सङ्बाहाॽआङ् मे़रिङ् मे़न्धक्ने़न्लरो, थेआङ्भे़ल्ले़ आङ्गाॽ साॽरिक् किप्मागे़घुबा आसाक्के़न्नो खे़ङ्हाॽ के़रे़क् मे़धारो॥
Piblisite