यसैया 23:17 - लिम्बु17 नुबोङ् तङ्बेरे़ कुनुप्मो यहवे दाङ्बे़ल्ले़ तुरोस ये़क्यक्किन् याम्मो आबाङे खुने़ॽ कुगे़त्निमा चोःक्मा याःम्बक्को नुःङ्मा पाङ्घुॽ, हे़क्क्याङ् इक्सादिङ् खाम्बेःक्कोबा के़रे़क् हाङ्जुम्हाॽनु खे़ल्ले़ ले़ङ्हङ् चोःक्मा याःम्बक् चोगुॽ॥ Gade chapit la |
यसैया 23:17
22 Referans Kwoze
थेआङ्भे़ल्ले़ कुघासे़न्निङ्ग से़क्खाबा नु नुबा चोक्लो, हे़क्क्याङ् याम्बोःप्मा कुयाःम्बक्किल्ले़ इक्सादिङ् खाम्बेःक्मान् के़जिःम्मा खे़न् पयम् यम्मा के़त्निमान् खुम्दिङ् पिरुरो॥ निङ्वाॽफुमाङ्ङिल्ले़ कुसे़वारोबाहाॽ खे़ल्ले़ से़रुसिबाल्ले़ चोगुल्ले़ खे़न् खुम्दिङ् पिरुआङ् वाॽरो॥”
खे़न् यहुदा हिम्सयङ्बा के़हिङ्बा के़याःक्पाहाॽरे़ लागि पोङ्लो, खे़प्मो खे़ङ्हाॽरे़ मे़ल्लुक् चाराम्दे़न् मे़घोसुरो॥ युःन्छिक् खे़ङ्हाॽ अस्कलोनबा हिम्हाॽओ मे़इम्लो॥ यहवे खुन्छिॽ निङ्वाॽफुमाङ्ङिल्ले़ खे़ङ्हाॽ ओमे़त्तुसि कम्ब्राङ् मे़त्तुसिरो खुने़ॽ खे़ङ्हाॽ नुॽमादामे़न् याम्मो नुःक्तु पिरुसिरो॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
खे़ल्ले़ कुनावाइत्लाहाॽ के़रे़क् फयःप्फयःप् मे़यःप्सुरो, खे़ल्ले़ कुमाङ्हिम्मो मे़दोन्दुबा के़रे़क् मिक्तोःक्हाॽ मिःल्ले़ खाप्पुथ्यःङ् चोगुदेसुरो॥ खे़ल्ले़ के़रे़क् कुनावाइत्लाहाॽ आङ्गाॽ खाप्पुथ्यःङ् चोगुङ्लो, खे़न् मिक्तोःक्हाॽ कुगे़त्निमे़ल्ले़ कुनाम्याक्को लुप्सुबाल्ले़ चोगुल्ले़, के़त्निमे़ल्ले़ कुनाम्याक् हे़क्केए वेॽहाॽ नाम्याक् मे़बिरुसिरो॥”
के़रे़क् माराम्हाॽरे़ कुसुक्पाहाॽओ वेॽ के़माङ्हाॽरे़ माङ्धाःन्हाॽ नु के़रे़क् इलाम्हाॽओ नावाइत्लाहाॽरे़ लागि ले़त्ति तोःम्मादे़न्हाॽ के़जोगु॥ से़क्खाःल्ले़, खे़ने़ॽग साॽरिक् लायो चोःक्मा कुसिराॽ के़धाङ्मा, के़त्निमा याःम्बक्किल्ले़ कुमे़न्नाङ् मे़न्नाःक्मनामा के़त्निमानुःल्ले़आङ् साॽरिक् ताप्फे़ःम्मा के़बोक्खे़आङ् के़वाॽ॥
Piblisite