Biblia Todo Logo
Bib sou entènèt

- Piblisite -




यसैया 23:11 - लिम्‍बु

11 यहवे दाङ्‌बे़ल्‍ले़ कुहुक्‍हाॽ वरःङ्‌ङिल्‍ले़ कुसम्‍दाङ् सन्‍छुआङ् पत्‍लो हे़क्‍क्‍याङ् खे़ल्‍ले़ कुयाओ के़ने़बा हाङ्‌जुम्‍हाॽ मे़यङ्‌ल याःन्‍दुसिआङ् वाॽरो॥ खुने़ॽ वरःङ्‌ङिल्‍ले़ कुयाओ के़ने़बा फोनिसिया लाजेबा हाङ्‌यक्‍हाॽ खाप्‍पुथ्‍यःङ् चोःक्‍मा इङ्‌जाङ् पिरुसिआङ् वाॽरो॥

Gade chapit la Kopi




यसैया 23:11
30 Referans Kwoze  

खे़ब्‍याङ् मोसाःल्‍ले़ कुहुक्‍किन् हे़ःत्ताङ्‌बा वरःङ्‌ङिल्‍ले़ कुसम्‍धाङ् सन्‍छु हे़क्‍क्‍याङ् यहवे दाङ्‌बे़ल्‍ले़ नाङ्‌गे़न् पिसाङ्‌लाम् साॽरिक् यम्‍बा सुरित् केजङ् हुसे़र याःन्‍दु, हे़क्‍क्‍याङ् वरःङ्‌ङिन् एगाङ् नुःक्‍खे़बेर चोगुआङ् च्‍वाःत्ते़न् कुलुम्‍मो से़न्‍छिङ् हे़क्‍क्‍याङ् वरःङ्‌ङिन् से़ङ्‌से़ङ्‌बा खाम्‍बाङ् पोःक्‍खे़॥


हे़क्‍क्‍याङ् ये़सुरे़ खे़न् पुत्तुःक्‍के के़सङ्‌बाहाॽ मे़त्तुसि, “कङ्‌हाॽ तेॽरे़म्‍सिम्‍मे़ॽआङ् लाःक्‍कात् लःन्‍दे़म् पेगे़म्‍मे़ॽ! खिनिॽ थेआङ् आम्‍बारे़ कुहिम्‍मिन् सङ्इङ्‌दे़न् के़जोगुम्‍बाबे?”


हे़क्‍क्‍याङ् खे़ङ्‌हाॽ मे़त्तुसि, “साम्‌योसाप्‍लाओ अक्‍खेलॽरिक् साप्‍ते़आङ् पत्, ‘इङ्‌गाॽ आहिम्‍मिङ्‌ग के़रे़क् मे़न्‍छाम् सुवाङ्‌हाॽरे़न् तुवा चोःक्‍मा हिम् पोङ्,’ कर खिनिॽग फाःन्‍दाहाॽ चिङ्‌सिङ्‌मा ते़न् के़जोगुम्‍माङ् के़वयिॽरो॥”


यरुसले़म नु यहुदाओ के़युङ्‌बा के़रे़क् खप्‍प्‍याहाॽ मुक्‍साम्‍दाङ्‌बा यहवे दाङ्‌बे़ल्‍ले़ कुलागि सेसे पोङ्‌ॽ, हे़क्‍क्‍याङ् वयागे़न् सिदुङ्‌जभा के़दोम्‍बा के़रे़क् मनाहाॽ मे़दाआङ् कुभा खप्‍प्‍याहाॽ मे़याङ्‌सिङ् हे़क्‍क्‍याङ् हाबा खे़प्‍मोए सा मे़धोःक्‍तुॽ॥ खे़ब्‍याङ् मुक्‍साम्‍दाङ्‌बा यहवे दाङ्‌बे़ल्‍ले़ कुहिम्‍मो याम्‍मो आप्‍फाल्‍ले़आङ् लत्‍थिक्‍काङ् कनानि मे़वाॽने़न्‍लो॥


आङ्‌गाॽ के़रे़क् मे़न्‍छाम् सुवाङ्‌हाॽ यक्‍खुङ्‌सिङ्‌ॽ, हे़क्‍क्‍याङ् निङ्‌वाॽ मे़जोगुबा पाःन्‍हाॽ नु के़रे़क् मे़न्‍छाम् सुवाङ्‌बा मनाहाॽ मे़दारो, हे़क्‍क्‍याङ् आङ्‌गाॽ कन् हिम्‍मिन् मिमिदिङ्‌ङिल्‍ले़ सधे़क् थिम्‍सुङ्‌ॽ’ मुक्‍साम्‍दाङ्‌बा यहवे दाङ्‌बे़ल्‍ले़ पाःत्तुॽ॥


निनबेए, यहवे दाङ्‌बे़ल्‍ले़ खे़ने़ॽ के़याःम्‍बेओ अक्‍तङ्‌बा लत्‍छा इङ्‌जाङ् के़बिरे़आङ् वाॽरो— “आल्‍लआङ्‌धो खे़ने़ॽ के़मिङ् तक्‍मारे़ लागि खे़ने़ॽ आत्तिन्‍नाङ्‌ के़मुॽइदाङ्‌सा मे़न्‌वाॽने़न्‍लो॥ खे़ने़ॽ के़माङ्‌हाॽ मे़युङ्‌बा माङ्‌हिम्‍मो खोःम्‍मनाबा लक्‍मनाबा नु योःम्‍मनाआङ् चोःक्‍मनाबा नावाइत्‍लाहाॽ आङ्‌गाॽ थ्‍यःङ् मे़क्‍खुङ्‌सिङ्‌लो॥ आङ्‌गाॽ खे़ने़ॽ के़इपुङ्‌ङिन् यारिप् चोगुङ्‌लो, थेआङ्‌भे़ल्‍ले़ खे़ने़ॽ कुॽइगे़भे़म्‍बा के़जोःक्‍लो॥”


कन् चोःन्‍दे़बा इक्‍लाःल्‍ले़ आङ्‌गाॽ मे़न्‍छाम् सुवाङ्‌हाॽ किमे़ल्‍ले़ थे़गक्‍कक्‍ना मे़यक्‍खे़र चोगुङ्, थेआङ्‌भे़ल्‍ले़ खे़मादिङ् यङ्‌सङ्‌ङो के़धासिङ्‌बा वेॽ के़रे़क्‍नु सोरिक् इपुङ्‌ङो आङ्‌गाॽ कन् मु पाङ्‌घुङ्॥ हे़क्‍क्‍याङ् अदनबा के़रे़क् सिङ्‌बुङ्‌हाॽ, ले़बनानबा साॽरिक् नुबा नु चाॽरिक् के़घे़म्‍सिङ्‌बा यरिक् च्‍वाःत्‍हाॽओ थारिक् के़बेःक्‍पा सिङ्‌बुङ्‌हाॽरे़, इक्‍सादिङ् खाम्‍बेःक्‍मोबा लुम्‍बाःत्‍हाॽनु हाङ्‌हाङ् मे़त्‍छिङ्‌मा मे़घोसु॥


खुने़ॽ कुअन्‍हाॽरे़ खुन्‍छिॽ लाङ्‌दाप्‍पेॽहाॽओबा खाम्‍हिःक्‍किल्‍ले़ चिजुःत्‌ के़जुःत्‍लो, हे़क्‍क्‍याङ् के़लुःम्‍बाआङ् के़ने़बा यम्‍बा के़लाम्‍धेःत्‍हाॽलाम् अन्‍लाधा काप्‍लोःक्‍हाॽ नु अन्‍लाधा के़लोङ्‌बाहाॽरे़ मे़नुगु मे़भे़त्तुल्‍ले़, खे़न् इक्‍लाःल्‍ले़ खे़ने़ॽ के़लुङ्‌धाक्‍हाॽ थुरुप्‍लुप्‍ना यङ्‌ॽ॥


“कर खे़ल्‍ले़ आक्‍खेलॽरिक् नाःम्‍सिङ्‌मा सुक्‍तुबे? आङ्‌गाॽ यहवे दाङ्‌बे़ल्‍ले़ खे़न् याःम्‍बक् पिरुङ्‌ङाङ् वाॽरो, अस्‍कलोने़न् सॽमा नु वरःङ्‌ङिल्‍ले़ कुयाओ के़वाॽबा मनाहाॽ फप्‍मासिरे़ लागि खे़न् इङ्‌जाङ् पिरुङ्‌ङाङ् वाॽरो॥”


ये़क्‌यक्‍किन् आदाङ्‌बारे़ लुङ् के़लुम्‍सिङ्‌बाङ् के़ने़बा के़जोगुरो॥ से़ःप्‍सिङ्‌मादे़न् ये़क्‌यक्‍किन् खाप्‍पुथ्‍यःङ् के़जोगुरो॥ वेॽ लाजेॽबा मनाहाॽरे़ खुन्‍छिॽ हाङ्‌यक्‍किल्‍ले़ कुधिम् के़बोङ्‌बा ये़क्‌यक्‍किन् आल्‍ल ये़क्‌यक् मे़ने़ने़ल्‍लो, खे़न् याम्‍मो आभे़ल्‍ले़आङ् ये़क्‌यक् मे़न्‍जोगुन्‍लो॥


यम्‍बा च्‍वाःत्तोलाम् सिहोरबा पोगुगे़न् कुजाहाॽ त्‍ये़रो, निल वहःङ्‌ङोबा चासुम्‍मान् तुरोस ये़क्‌यक्‍को हुङ्‌मा के़बोङ्‌बा एःङ्‌याङ् वये़रो॥ हे़क्‍क्‍याङ् खे़न् लाजेन् वेॽ वेॽ सुवाङ्‌हाॽरे़ खुन्‍छिॽ सङ्इङ्‌दे़न् पोःक्‍खे़रो॥


मे़नाप्‍तुसिबा चिगक्‌वाहाॽ नाप्‍मासि नु हिप्‍मासि थक्‍मासिआङ् मे़ङ्‌मासि फाॽआङ् माराम्‍मोबा ले़क्‌वान् कुइसिक् चिदोॽ चिदोॽ तोॽमासिरे़ लागि निङ्‌वाॽफुमाङ्‌ङिन् कुसिङ् मे़न्‍निःप्‍नाबा सुवाङ्‌ङिन् हे़क्‍क्‍याङ् आङ्‌गाॽ आसिक् के़भोङ्‌बाहाॽरे़ खुन्‍छिॽ तक्‍ले़ङ्‌वाओ खे़ङ्‌हाॽ हाराहारा पाङ्‌घुङ्‌सिङ्‌ङाङ् वाॽरो॥


इक्‍सादिङ् खाम्‍बेःक्‍मान् किप्‍मा के़घुबा चोःक्‍मारे़ लागि यहवे दाङ्‌बान् पोःक्‍किल्‍ले़ खुने़ॽ कुगिप्‍माघुमो नु मिमिदिङ्‌गे़न् कुओःप्‍माल्‍ले़ चोगुल्‍ले़ मनाहाॽ मे़घे़त्‍छिङ्‌लो हे़क्‍क्‍याङ् सियाक्‍पे-थे़याक्‍पे़ओ के़ने़बा लुङ्‌फुक्‍कोहाॽओ नु खाम्‍बाङ्‌ङो के़ने़बा हङ्‌गारिङ्‌बा सिगाङ् मे़लाःत्‍लो॥


से़ःप्‍सिङ्‌मा थेःक्‍सिङ्‌मारे़ लागि आभे़ल्‍ले़साङ् तामा सुक्‍काबा याक्‍पेॽ पोःक्‍खे़ॽओ॥ के़बाःन्‍निल्‍ले़ आङ्‌गाॽ से़ःप्‍ताङ्‌ङे़ॽओ, थेआङ्‌भे़ल्‍ले़ खे़ने़ॽग आइःम्‍सिङ्‌मादे़न् यक्‍ने़रो॥


इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ लुम्‍मो हयङ् किल्‍लिङ् पोःक्‍खे़आङ् वाॽरो, खाम्‍घु लाजेॽहाॽ मे़मे़क्‍लो, निङ्‌वाॽफुमाङ्‌ङिन् यम्‍बा इक्‍लाओ अःक्‍लो, हे़क्‍क्‍याङ् इक्‍सादिङ् खाम्‍बेःक्‍मान् योःम्‍बेःक्‍लो॥


खे़ब्‍याङ्‌ग खे़ल्‍ले़ पाःत्तु, “कनानने़न् माङ्‌दे साङ्‌ग्रारे़ ते़त्तुरो, खे़ङ्‌ग कुम्‍भुॽसिरे़ खुन्‍छिॽ योःग्‍बाहाॽनुःल्‍ले़आङ् योयोक्‍पा योग्‍बा पोङ्‌लो॥”


खे़ल्‍ले़चोगुल्‍ले़ यहवे दाङ्‌बान् आबाङे कुमनाहाॽरे़ खुन्‍छिॽ तक्‍ले़ङ्‌वाओ कुसिक् पोगे़आङ् वाॽरो॥ खे़न् मनाहाॽ खुम्‍दिङ् पिमासि फाॽआङ् खुने़ॽ कुहुक्‍किन् थाःङ् फोःक्‍खुआङ् पत्‍लो, हे़क्‍क्‍याङ् आल्‍ल खे़ङ्‌हाॽ हिप्‍तुसिरो॥ कोःक्‍मा फाङ्‌जङ् थे़गु माङ्‌वाहाॽ यङ्‌लो खम्‍ब्‍याङ् के़सिबा मनाहाॽरे़ खुन्‍छिॽ नासिङ्‌गे़न् चेधक्‍लाहाॽ माराम्‍हाॽओ ताम्‍जिॽ कुइसिक् ने़रो॥ कम्‍भ्‍यारिक्‍साङ् खुने़ॽ कुसाक्‍के़न् पोःक्‍मा मे़जिप्‍तुन्‍नाङ् खुम्‍दिङ् पिमासिरे़ लागि आल्‍लसाङ् खुने़ॽ कुहुक्‍किन् हाबा थाःङ् पोगे़आङ् पत्‍लो॥


थेआङ्‌भे़ल्‍ले़ खे़न् ये़न्‍नो आङ्‌गाॽ यहवे दाङ्‌बे़ल्‍ले़ आसिक्‍के़न् ओसेःन्‍धाङ् चोगुङ्‌ङिल्‍ले़ साङ्‌ग्राम्‍पेदाङ्‌हाॽ थे़गक्‍कक्‍ना यक्‍खुङ्‌लो, हे़क्‍क्‍याङ् इक्‍सादिङ् खाम्‍बेःक्‍मान् कुयुक्‍नादे़न्‍नो थुरुप्‍लुप्‍ना यङ्‌ल याःन्‍दुङ्‌लो॥


इक्‍सादिङ् खाम्‍बेःक्‍किल्‍ले़ कुलागि आङ्‌गाॽ कन् चोःक्‍मा निङ्‌वाॽ चोगुङ्‌ङाङ् वाॽरो, हे़क्‍क्‍याङ् इक्‍सादिङ् खाम्‍बेःक्‍मोबा मे़न्‍छाम् सुवाङ्‌हाॽ खुम्‍दिङ् पिमासिरे़ लागि आहुक्‍के़न् सन्‍छुङ्‌ङाङ् वाॽरो॥


निल वहःङ्‌ङोबा च्‍वाःत्तिन् हेर पेःक्‍लो, हे़क्‍क्‍याङ् वहःङ्‌ङिन् अङेःक्‍काङ् चप्‍प्रे़क् चप्‍तुरो॥


तार्सिसबा मनासे! पेगे़म्‍मे़ॽआङ् खे़ॽयोबा खाम्‍मिन् अगाम्‍मे़ॽओ! आल्‍ल खे़निॽ कम्‍ब्राङ् के़मे़प्‍पा हाःत्ताङ् होप्‍लो॥


आङ्‌गाॽ खे़ॽयो फे़राङ्‌ङिल्‍ले़ थेआङ् हाःत्ताङ् होःप्‍ते़बाबे? आङ्‌गाॽ पाःन्‍छाःत्तुङ्‌सिङ्‌ङे़ल्‍ले़ नुगप् के़बिबा थेआङ् एःन्‍नाङ् मे़वये़ने़म्‍बाबे? थे आङ्‌गाॽ आहुक्‍किन् खे़निॽ थे़ॽमा मे़न्‍छुक्‍मना पोःक्‍खे़आङ् वये़बि? थे खे़निॽ ताङ्‌से़ःप्‍मारे़ लागि आङ्‌गाॽ आमुक्‍साम्‍मिन् सुःम्‍बि? आङ्‌गाॽ वरःङ्‌ङिन् चबे़ःत्‍छिक् फे़ःक्‍तुङ्‌ङिल्‍ले़ खे़न् चप्‍प्रे़क् चप्‍लो, वहःङ्‌हाॽ आङ्‌गाॽ मुरे़क् खारे़क्‍पा ये़ःङ्‌घादे़न् चोगुङ्‌लो॥ च्‍वाःत्तिन् सुःम्‍बाल्‍ले़ चोगुल्‍ले़ खे़प्‍मोबा ङाहाॽ हर्गिॽ मे़गिरो खे़ब्‍याङ् वामिःक्‍माल्‍ले़ मे़सिरो॥


खे़ङ्‌हाॽरे़ तुरोसबा लुङ्‌धाक्‍हाॽ मे़लुःन्‍दुॽ हे़क्‍क्‍याङ् चङ्‌हिम्‍हाॽ मे़धुप्‍सुॽ॥ आङ्‌गाॽ कप्‍मोबा खाम्‍मिन् खरक् खोःन्‍दुङ् तेॽरुङ्‌ॽ खम्‍भ्‍याङ् कन् मुरे़क् खारे़क्‍पा लुङ्‌घ्रे़ःक् चोगुङ्‌ॽ!


Swiv nou:

Piblisite


Piblisite