यसैया 22:13 - लिम्बु13 कर ओमे़त्ते़म्मे़ॽओ, याम्नाःम् नु सासाङ् स्रोःत् चोःक्मा याःम्बक्नि पोङ्ल पत्लो॥ थक्साहाॽ मे़ङ्मासि नु मे़ल्लुक्हाॽ से़प्मासि, साजामा नु थि थुङ्मा याःम्बक्नि पोङ्ल पप्पा! खे़निॽ के़बाःत्तुम्, “ल, चाम् थुङुम्लो, थेआङ्भे़ल्ले़ ताःन्दिक्क आनिॽ आसिएरो!” Gade chapit la |
यसैया 22:13
16 Referans Kwoze
खे़ङ्हाॽरे़ खुन्छिॽ साभःङ्जाहाॽओ अन्मे खिङ्मनाबा तुङ्ना नु तुःङ्गे, के नु मुफ्रामा हे़क्क्याङ् सेजःङ्वा वाॽरो, कर खे़ङ्हाॽरे़ यहवे दाङ्बे़ल्ले़ कुयाःम्बक्किन् खे़म्घे़म् निनिआङ् मे़ल्लाप्तुन्लो॥ खे़ङ्हाॽरे़ खुने़ॽ कुहुक्किल्ले़ चोगुबा याःम्बक्किन् मिङ्सो इङ्धाङ्ङे मे़म्बिरुन्लो॥
कुइगे़भे़म्बाहाॽ लुङ्माॽ मे़दुक्तुसिसाङ् खे़ङ्हाॽरे़ साम्योबा याःम्बक्हाॽ चोःक्मा मे़न्हुॽसिङ्ङिल्लो॥ कुदोःप्मा मनाहाॽरे़ खुन्छिॽ लाजेॽओआङ् खे़ङ्हाॽरे़ चक्मे़न्लॽए फे़न्याःम्बक् मे़जोगुरो, हे़क्क्याङ् यहवे दाङ्बाल्ले़ कुमिमिदिङ्ङिन् खे़ङ्हाॽरे़ निनि खे़म्घे़म् मे़ल्लाप्तुन्लो॥
“खे़ल्ले़चोगुल्ले़ निङ्वाॽ तादा चोःक्मा कुसिराॽ के़धाङ्मे, आबाङे ताङ्से़ःप्सिङ्मारे़ लागि थेआङ् मे़न्इःत्ते के़युङ्मे, निङ्वाॽओ ‘आङ्गाॽएःक् के़लॽमा हे़क्क्याङ् आङ्गाॽनुःल्ले़ वेॽ हाःत्ताङ् होप् के़लॽमा आङ्गाॽ आभे़ल्ले़आङ् मेमेदुमा मे़बोङ्ङान् इग्र आस्सा आएहाॽ मे़सिबा मे़निआन्’ के़लॽमे आल्ल कन् पाःन्निन् सिङ्सिङ् ये़क्ये़क्काङ् खे़प्से़ॽओ॥
कर खे़ङ्हाॽरे़ मे़बाःत्तुॽ, ‘आनिगे तःक्ने़त् युङिगे़रो, हे़क्क्याङ् खे़निॽ थेआङ् के़न्निसुम्मिम्बाबे? आनिगे नःम्नःम्बा पोःक्खिगे़रो, हे़क्क्याङ् खे़निॽ थेआङ् निनि के़न्लाप्तुम्मिम्बाबे?’ हे़क्केसाङ् खिनिॽ तःक्ने़त् के़युङिबा ये़न्नो खिनिॽ आबाङे चोःक्मा निङ्वाॽ के़जोगुम्बा पाःन्निन्लक् के़जोगुम्लो॥ खे़म्ब्याङ् खिनिॽ याःम्बक् के़जोःक्पा के़बिबाहाॽ के़रे़क् के़घुम्सुम् के़से़रुम्सिम्लो॥
इस्राइलए, वेॽ मे़न्छाम् सुवाङ्हाॽ हे़क्के मे़सःत्ते़म्मिन्ने़ॽओ, थेआङ्भे़ल्ले़ खिनिॽ आप्फेक् निङ्वाॽफुमाङ्ङिन् के़ले़रुम्माङ् खिनिॽ याम्बोःप्मा याःम्बक् के़जोगुम्लो! के़रे़क् पोगुगे़न् कुजा थाम्मादे़न्नो याम्बोःप्मा याःम्बक्किल्ले़ नालिगे़न् कुजे़न् ताःक्मा खिनिॽ सिराॽथाङ्लो॥
Piblisite