Biblia Todo Logo
Bib sou entènèt

- Piblisite -




यसैया 22:12 - लिम्‍बु

12 खे़न् ये़न्‍नो यहवे दाङ्‌बा, मुक्‍साम्‍दाङ्‌बा यहवे दाङ्‌बे़ल्‍ले़ खे़निॽ हाःप्‍मा नु मे़रिङ्‌धक्‍मा, थे़गेक् नःङ्‌मा हे़क्‍क्‍याङ् सागि तेत् चाङ्‌मारे़ लागि के़उःत्तिआङ् वये़रो॥

Gade chapit la Kopi




यसैया 22:12
31 Referans Kwoze  

यहवे दाङ्‌बे़ल्‍ले़ कुदगि याःम्‍बक् के़जोःक्‍पा निङ्‌वाॽफुसाम्‍बाहाॽ माङ्‌हिम्‍मोबा आःम्‍भोॽ नु ले़त्ति तोःम्‍मादे़न् लुम्‍मो मे़हाःप्‍लरो॥ खे़ङ्‌हाॽरे़ अक्‍खे मे़बाःत्तुर, “यहवे दाङ्‌बाए, के़मनाहाॽ से़ःप्‍ते़से़ॽओ॥ खे़ने़ॽ के़लक्‍खोमा मनाहाॽ कुनामे़न्‍छाॽ पोङ्‌मा चाहाक् नु मे़न्‍छाम् सुवाङ्‌हाॽ लुम्‍मो कुनामे़न्‍छाॽ पोङ्‌मा मे़बाङ्‌घे़से़न्‍ने़ॽओ॥ वेॽ सुवाङ्‌बा मनाहाॽरे़ थेआङ् अक्‍खे पाःप्‍मा मे़घोसुरबे? ‘खे़ङ्‌हाॽरे़ खुन्‍छिॽ निङ्‌वाॽफुमाङ्‌ङिन् आत्ति वाॽबे?’”


निङ्‌वाॽफुसाम्‍बासे, सगितेत् चाक्‍खे़म्‍मे़ॽओ हे़क्‍क्‍याङ् खिनिॽ मे़रिङ् थक्‍ते़म्‍मे़ॽओ, ले़त्ति तोःम्‍मादे़न्‍नो माङ्‌से़वा के़जोःक्‍पासे, हाबे़म्‍मे़ॽओ॥ आङ्‌गाॽ आनिङ्‌वाॽफुमाङ्‌ङिल्‍ले़ कुसे़वारोबासे, खिनिॽ सगितेत् चाक्‍खे़म्‍मे़ॽआङ् नाम्‍दाःत्‍छे़म्‍मे़ॽओ, थेआङ्‌भे़ल्‍ले़ खिनिॽ निङ्‌वाॽफुमाङ्‌ङिल्‍ले़ कुहिम्‍मो पोगुगे़न् कुजा सिदुङ्‌जभाहाॽ नु चे़ल्‍ले़क्‍सेॽ सेजःङ्‌वा सिदुङ्‌जभाहाॽ तोःम्‍मा मे़ले़रुआङ् वाॽरो॥


खिनिॽ लुङ्‌माॽ के़दुक्‍तुम्‍सिम्‍बा साहाॽरे़ लागि मे़रिङ् थक्‍ते़म्‍मे़ॽर खिनिॽ थे़गेःक्‍किन् नःक्‍खे़म्‍मे़ॽओ॥ खिनिॽ के़रे़क् थे़गेःक्‍मुरिक्‍हाॽ नःक्‍से़म्‍मे़ॽओ हे़क्‍क्‍याङ् किःत्‍थे़न् हे़क्‍के ताङ्‌ले़ःक्‍क्‍या चोःक्‍कासिम्‍मे़ॽओ, थेआङ्‌भे़ल्‍ले़ खिनिॽ साएहाॽ मे़दे़म्‍सु मे़देॽरुसिरो॥


याङ्‌साकुन्‍धेसाबासे, नुरिक्‍काङ् खे़प्‍से़म्‍मे़ॽओ, आल्‍ल खिनिॽ सम्‍दाङ् के़दाबार के़बप्‍पा साॽरिक् के़साक्‍पा इनोगे़न् तुक्‍खेःल्‍ले़ चोगुल्‍ले़ हाबे़म्‍मे़ॽ फिःक्‍ते़म्‍मे़ॽओ॥


आङ्‌गाॽ खिनिॽ साम्‌योबा तङ्‌नाम्‍हाॽ मे़रिङ् थक्‍मो हे़क्‍क्‍याङ् के़रे़क् साम्‍लोहाॽ हाःप्‍मा चिङ्‌मो ले़क्‍खुङ् पिनिङ्‌लो॥ आङ्‌गाॽ खिनिॽ के़रे़क् सगितेत् के़जाक्‍खुम्‍ल चोःक्‍निङ्‌लो हे़क्‍क्‍याङ् खिनिॽ थे़गेःक्‍इःन् के़नःक्‍खुम्‍ल याःन्‍निङ्‌लो॥ लत्‍छारक् ये़म्‍बित्‍छासाःल्‍ले़ कुलागि मे़रिङ् थक्‍मनाबा हे़क्‍के आङ्‌गाॽ खे़न् ये़म्‍मिन् पोङ्‌ल चोगुङ्‌लो खे़ब्‍याङ् खे़ल्‍ले़ कुनुप्‍मा ये़न्‍निन् साॽरिक् कुजा के़भे़म्‍बा पोङ्‌लो॥”


निनबेबा हाङ्‌ङिल्‍ले़ कन् पाःन्‍निन् खे़प्‍सुआङ् कुहाङ् युक्‍नाओनु पोगे़ हे़क्‍क्‍याङ् कुहाङ्‌जाङ्‌ङिन् फे़न्‍दु खे़ब्‍याङ् सागि तेत् चाक्‍सिङ्‌ङाङ् खाप्‍पुओ युङ्‌सिङ्॥


दिबोन के़युङ्‌बा के़मनाहाॽ मे़रिङ् थक्‍मारे़ लागि केःम्‍बा कोःक्‍माहाॽओ के़ने़बा खुन्‍छिॽ माङ्‌हिम्‍मो थो मे़बेरो, नेबो नु मेदबा ये़क्‌यक् के़युङ्‌बा मनाहाॽरे़ लागि मोआब के़युङ्‌बाहाॽ उःक्‍काङ् उःक् मे़हाःप्‍लो॥ खे़ङ्‌हाॽरे़ खुन्‍छिॽ थे़गेःक्‍हाॽ के़रे़क् मे़नःक्‍खुआङ् मे़वाॽरो खे़ब्‍याङ् खुन्‍छिॽ मुधोॽहाॽ खक्‍पे़त् लिगोॽ मे़घक्‍तु मे़देसुआङ् मे़वाॽरो॥


खुने़ॽ के़रे़क् पाःन्‍हाॽ लाॽरुबा ये़म्‍मो पनुनुबा चोगुआङ् वाॽ॥ खुने़ॽ मे़न्‍छाम् याप्‍मिहाॽरे़ खुन्‍छिॽ सिक्‍लुङ्‌मो आभे़ल्‍ले़आङ् मे़न्‍नुप्‍मनाबा पाःन्‍हाॽ केःत्तु पिरुसिआङ् वाॽ कर खे़ङ्‌हाॽरे़ निङ्‌वाॽफुमाङ्‌ङिल्‍ले़ उनाहुरिआङ्‌धो कुनुप्‍मो थारिक् थे चोगुआङ् वाॽ खे़न् सिबिॽबा पाःन्‍निन् कुसिङ् निःप्‍मा मे़न्‍छुक्‍तुन्‌ॽ॥


हाःप्‍मा लत्‍छा ये़म् वाॽरो, हे़क्‍क्‍याङ् एःप्‍मा ये़म् थिक् वाॽरो॥ मे़रिङ्‌धक्‍मा लत्‍छा ये़म् वाॽरो, खे़ब्‍याङ् लाःङ्‌मा ये़म् थिक् वाॽरो॥


खे़न् के़रे़क् खे़प्‍सुआङ् अयुबे़न् पोगे़ हे़क्‍क्‍याङ् मिङ्‌वाःल्‍ले़ कुधिम् पोःक्‍खे़र आबाङे कुजाङ्‌तेःत्तिन् ते़रे़क् थे़ःक्‍खु॥ खुने़ॽ कुधे़गेक्‍पान् नःक्‍खुआङ् खाम्‍मो साम्‍बोन् हबत् फन्‍छिङ्‌ङाङ् माङ्‌से़वा चोगे़॥


“आनिगे थाःक्‍थे़बाहाॽरे़ मिस्र लाजेॽओ आक्‍तङ्‌बा तुक्‍खेन् मे़दुमुआङ् मे़वये़, खे़ने़ॽ खे़न् के़निसुआङ् के़वये़रो, हे़क्‍क्‍याङ् हे़ःत्ताङ्‌बा वारःङ्‌ङो खे़ङ्‌हाॽरे़ आभाॽरे़ॽ फाॽआङ् मे़जोगुबा पेलिगे़न् तुवान् खे़ने़ॽ के़घे़प्‍सुरो॥


खे़ब्‍याङ् आङ्‌गाॽ कन् पाःन्‍निन् खे़प्‍सुङ्‌ङिल्‍ले़ आङ्‌गाॽ आजाङ् नु आदेःत्तिन् ते़रे़क् थे़ःक्‍सुङ् हे़क्‍क्‍याङ् आध्‍गेक् इःन् नु आमुयुङ्‌ङिन् आःक्‍खुङ्‌ल मे़रिङ् थक्‍नु खाम्‍बाङ्‌ङो युङाङ्॥


यर्मियाःल्‍ले़आङ् योसियाहःल्‍ले़ कुलागि मे़रिङ्‌धक्‍मा साम्‍लोहाॽ साप्‍तु॥ साम्‍लो साम्‍गे़मे़प्‍पाहाॽ, ये़म्‍बित्‍छा नु मे़न्‍छुमा खक्‍पे़त्‍ले़ आइन्‍बा ये़न् थारिक् कन् मे़रिङ्‌धक्‍मा साम्‍लोहाॽओ योसियाहन् निङ्‌वाॽ मे़इःत्तुॽ॥ कन् मे़रिङ्‌धक्‍मा साम्‍लोहाॽ इस्राइलओ लत्‍छा थाःक्‌युथिम् पोःक्‍से़आङ् वाॽ, हे़क्‍क्‍याङ् मे़रिङ् साप्‍पन्‍नो कन्‍हाॽ खोदे़त्॥


कुनाम्‍गे़नुॽबा मारुक्‍किल्‍ले़ कुले़क्‌वा के़गिबा नाम्‍गे़सुबा पोङ्‌लो, हे़क्‍क्‍याङ् फॽइःल्‍ले़ कुले़क्‌वा इदाक्, नुरिक् फमनाबा थाःक्‍फमाल्‍ले़ कुले़क्‌वा थे़गेःक्‍इन्‍नाङ् लिगोसा पोङ्‌लो, नुबा चाङ्‌मा तेःत्तिल्‍ले़ कुले़क्‌वा सागि तेत् पोङ्‌लो, हे़क्‍क्‍याङ् खे़ङ्‌हाॽरे़ खुन्‍छिॽ नुबा नारुम्‍भुङ्‌ङिन् नुःम्‍मासिमाओ ले़ङ्‌सिङ्‌लो॥


कुइगे़भे़म्‍बाहाॽ लुङ्‌माॽ मे़दुक्‍तुसिसाङ् खे़ङ्‌हाॽरे़ साम्‌योबा याःम्‍बक्‍हाॽ चोःक्‍मा मे़न्‍हुॽसिङ्‌ङिल्‍लो॥ कुदोःप्‍मा मनाहाॽरे़ खुन्‍छिॽ लाजेॽओआङ् खे़ङ्‌हाॽरे़ चक्‍मे़न्‍लॽए फे़न्‌याःम्‍बक् मे़जोगुरो, हे़क्‍क्‍याङ् यहवे दाङ्‌बाल्‍ले़ कुमिमिदिङ्‌ङिन् खे़ङ्‌हाॽरे़ निनि खे़म्‍घे़म् मे़ल्‍लाप्‍तुन्‍लो॥


दाउदे़न् युङे़बा अरियल ये़क्‌यक्‍के, दाउदे़न् युङे़बा अरियल ये़क्‌यक्‍के, के़जिःत्ते़आङ् के़स्‍ये़रो! तङ्‌बेॽ सम्‍धाङ् तङ्‌बेॽ योॽसिङ्‌ल पेःक्‍लो, हे़क्‍क्‍याङ् तङ्‌नाम्‍हाॽआङ् तङ्‌बेॽ, तङ्‌बेधक्‍मा इदारो॥


कुनिङ्‌वाॽ तुक्‍खे मे़न्‍जाए के़युङ्‌मा मे़न्‍छुमासे, यक्‍खे़म्‍मे़ॽओ, निङ्‌वाॽ निःन्‍धोओ के़युङ्‌मा मे़न्‍छुमा सासे, चिरिम्‍लिम्‍भ यक्‍से़म्‍मे़ॽओ॥ आबाङे खिनिॽ चाङ्‌हाॽ फे़न्‍दे़म्‍मे़ॽओ, हे़क्‍क्‍याङ् खे़निॽ फॽइ युम्‍मादे़न्‍नो सागि चाङ् चाक्‍खाम्‍मे़ॽओ॥


कर खे़ङ्‌हाॽरे़ मे़बाःत्तुॽ, ‘आनिगे तःक्‍ने़त् युङिगे़रो, हे़क्‍क्‍याङ् खे़निॽ थेआङ् के़न्‍निसुम्‍मिम्‍बाबे? आनिगे नःम्‍नःम्‍बा पोःक्‍खिगे़रो, हे़क्‍क्‍याङ् खे़निॽ थेआङ् निनि के़न्‍लाप्‍तुम्‍मिम्‍बाबे?’ हे़क्‍केसाङ् खिनिॽ तःक्‍ने़त् के़युङिबा ये़न्‍नो खिनिॽ आबाङे चोःक्‍मा निङ्‌वाॽ के़जोगुम्‍बा पाःन्‍निन्‍लक् के़जोगुम्‍लो॥ खे़म्‍ब्‍याङ् खिनिॽ याःम्‍बक् के़जोःक्‍पा के़बिबाहाॽ के़रे़क् के़घुम्‍सुम् के़से़रुम्‍सिम्‍लो॥


खे़ल्‍ले़चोगुल्‍ले़ सगितेत् चाक्‍खे़म्‍मे़ॽओ, हाबे़म्‍मे़ॽ हे़क्‍क्‍याङ् मे़रिङ् थक्‍ते़म्‍मे़ॽओ यहवे दाङ्‌बे़ल्‍ले़ किप्‍मागे़घुबा कुयाःक्‍ले़ॽमान् आनिॽलाम्‍बा मे़म्‍बेःक्‍के वाॽरो॥


“यरुसले़ःम्‍मो के़युङ्‌बासे आल्‍ल आबाङे थे़गेःक्‍इःन् खक्‍ते़म्‍मे़ॽआङ् लाप्‍फुसे़म्‍मे़ॽओ॥ मे़रिङ् थक्‍ते़म्‍मे़ॽर थेआङ् के़होप्‍पा मुरे़क् खारे़क्‍पा कोःक्‍मा फाङ्‌जङ् सम्‍मो हाबे़म्‍मे़ॽओ थेआङ्‌भे़ल्‍ले़ आङ्‌गाॽ यहवे दाङ्‌बान् आसिक् पोगे़आङ् वाॽरो हे़क्‍क्‍याङ् आङ्‌गाॽ आमनाहाॽ लाप्‍फुसुङ्‌सिङ्‌ङाङ् वाॽरो॥


चुक्‍पा यम्‍बा के़रे़क् कन् लाजेॽओ मे़सिःॽ॥ आत्तिल्‍ले़आङ् खे़ङ्‌हाॽरे़ खुन्‍छिॽ चेहाॽ मे़जिक्‍खुन् इग्र खे़ङ्‌हाॽरे़ खुन्‍छिॽ लागि मे़रिङ् मे़धक्‍ने़न् इग्र कुनिङ्‌वाॽ स्रोःन् मे़लॽने़न् आबाङे खुने़ॽ कुधक्‍किन् मे़घाःन्‍दुन् इग्र खुने़ॽ कुधे़गेक्‍पान् मे़नःक्‍खुन्॥


“चामुक् थिमुक् के़बोङ्‌बा हिम्‍मो मे़लासे़न्‍ने़ॽ, कुजा चामा थुङ्‌मा फाॽआङ् खे़ङ्‌हाॽनु खे़ने़ॽ मे़युङे़न्‍ने़ॽ॥


खे़ने़ॽ के़लागि खुन्‍छिॽ निङ्‌वाॽ तुक्‍खे चामो खे़ङ्‌हाॽरे़ चामारे़ खुन्‍छिॽ थे़गेक्‍पाहाॽ मे़नःक्‍खुरो हे़क्‍क्‍याङ् मे़रिङ् थक्‍मा सगितेत् मे़जाक्‍सिङ्‌लो॥ खे़ङ्‌हाॽरे़ साॽरिक् खुन्‍छिॽ निङ्‌वाॽ तुक्‍खे चारो हे़क्‍क्‍याङ् खे़ने़ॽ के़लागि खे़ङ्‌हाॽ मे़हाःप् मे़जिःङ्‌लो खे़ब्‍याङ् चाॽरिक् मे़रिङ् मे़धक्‍लो॥


यरिक् तङ्‌बे एगाङ् बेलसजर हाङ्‌ङिल्‍ले़ १,००० कुसुहाङ्‌युक्‍पाहाॽ लत्‍छा यम्‍बा साभःङ्‌जा चाःत्तुसि हे़क्‍क्‍याङ् खुने़ॽ खे़ङ्‌हाॽनु सोरिक् चे़ल्‍ले़क्‍सेॽ थिन् थुङु॥


इस्राइलए, वेॽ मे़न्‍छाम् सुवाङ्‌हाॽ हे़क्‍के मे़सःत्ते़म्‍मिन्‍ने़ॽओ, थेआङ्‌भे़ल्‍ले़ खिनिॽ आप्‍फेक् निङ्‌वाॽफुमाङ्‌ङिन् के़ले़रुम्‍माङ् खिनिॽ याम्‍बोःप्‍मा याःम्‍बक् के़जोगुम्‍लो! के़रे़क् पोगुगे़न् कुजा थाम्‍मादे़न्‍नो याम्‍बोःप्‍मा याःम्‍बक्‍किल्‍ले़ नालिगे़न् कुजे़न् ताःक्‍मा खिनिॽ सिराॽथाङ्‌लो॥


मे़न्‍छ्‌या वाॽबा ये़म्‍मो के़सिबा कुये़म्‍बाःल्‍ले़ लागि सागि चाङ् के़जाक्‍सिङ्‌माआङ् मे़रिङ् के़धक्‍मा सिसागे़न् मे़न्‍छ्‌यान् कुइसिक् खिनिॽ हाबे़म्‍मे़ॽओ॥


कन् पाःन्‍निन् हिजकिया हाङ्‌ङिल्‍ले़ खे़प्‍सु, हे़क्‍क्‍याङ् खुने़ॽ चाक्‍खुबा कुजाङ्‌हाॽ थे़ःक्‍खु, खे़म्‍ब्‍याङ् मे़रिङ् थक्‍मा सागि तेत् चाक्‍सिङ्‌ङाङ् यहवे दाङ्‌बे़ल्‍ले़ कुहिम्‍मो लासे़॥


खुने़ॽ हाङ्‌हिम्‍मोबा युक्‍साबा एल्‍याकिम, सुहाङ्‌मिबा सेब्‍नाःन् नु निङ्‌वाॽफुसाम्‍बाहाॽओ सुम्‍ब्राङ् लाम्‍लोबाहाॽ सागि तेत् चाक्‍तुसिआङ् आमोजरे़ कुस्‍सा माङ्‌निङ्‌वाॽपान् के़बाःप्‍पा यसैयाओ पाङ्‌घुसि॥


यहवे दाङ्‌बे़ल्‍ले़ अक्‍खेलॽरिक् उवा चोगुरो, “आल्‍लोसाङ् खिनिॽ आप्‍फेक् के़रे़क् निङ्‌वाॽओ तःक्‍ने़त् युङे़म्‍मे़ॽआङ् हाबे़म्‍मे़ॽर मे़रिङ् थक्‍ते़म्‍मे़ॽओ हे़क्‍क्‍याङ् खिनिॽ आङ्‌गाॽ ले़प्‍माङ् नुःक्‍खे़म्‍मे़ॽओ॥”


Swiv nou:

Piblisite


Piblisite