मुक्साम्दाङ्बा यहवे दाङ्बे़ल्ले़ कन् पाःन्निन् पाःत्तुआङ् वाॽरो, “आङ्गाॽ बेबिलोन ये़क्यक्के़न् आहुम्हुम्बा ले़क्वा पोङ्ल चोगुङ्लो, हे़क्क्याङ् खे़ॽयो फक्थिःम्बाहाॽ याङ्मे़धोःक्लो॥ आङ्गाॽ बेबिलोन ये़क्यक्के़न् ताम्दुःक्खेःल्ले़ तुःक्मनाबा कुइसिक् के़रे़क् पाःन्हाॽ तुगुङ्देसुङ्लो॥”
यसैया 21:1 - लिम्बु1 वरःङ्ङिल्ले़ कुयाओ के़ने़बा मुरे़क् खारे़क्पा ये़ःङ्घादे़न्निल्ले़ कुयाःम्बेओ माङ्निङ्वाॽपान्— लाङ्गे़त् पिसाङ्बा लाजेॽओ यम्बा साम्मिःत् इस्वारि पोःक्पा कुइसिक्, मुरे़क् खारे़क्पा ये़ःङ्घादे़न्नोलाम्, किप्मा के़घुबा लाजेॽलाम् लत्छा आसे़त्से़प्पाधिक् थाङ्ल पत्लो॥ Gade chapit la |
यसैया 21:1
21 Referans Kwoze
“कुनुप्मा ये़म्मो लाङ्गे़त् ले़प्माङ्बा हाङ्ङिन् खे़न्नु थङ् चोक्, हे़क्क्याङ् थाङ्गे़त् ले़प्माङ्बा हाङ्ङिन् अन्लाधाहाॽ, अन्गे़युक्पाहाॽ नु यरिक् वालाधाहाॽ युरुसिआङ् खे़ल्ले़ कुदक्ले़ङ्वाओ सुरित् केजङ् कुइसिक् युरो॥ खुने़ॽ यरिक् लाजेॽहाॽ थङ्ङो फत्तुसिॽ, खुने़ॽ के़गुङ्बा के़युबा च्वाःत् हे़क्के खे़ङ्हाॽ सुःप्तुसिॽ॥
साॽरिक् कुॽइगे़भे़म्बा मे़न्छाम् सुवाङ्हाॽओबा वेॽ लाजेॽबा थक्सुबाहाॽरे़ कन् मे़दाङु हे़क्क्याङ् खाम्बाङ्ङो मे़सोःन्दुआङ् ने़स्से़॥ कल्ले़ कुबोराक्हाॽ कोःक्मा फाङ्जङ् थे़गु माङ्वाहाॽओ हे़क्क्याङ् ने़ने़बादे़न्हाॽओ नु पाक्लुम्लुम्बाहाॽओ के़रे़क् पिसाङ् हत्छे़ हत्छे़ से़रे़आङ् ने़स्से़॥ कल्ले़ इःप्तुबादे़न्नो के़युङ्बा के़रे़क् माःङ्घा मे़बेआङ् मे़वये़ हे़क्क्याङ् कन् के़जोःम्बान् खे़प्मो मे़ले़रुरो॥
खे़ङ्हाॽरे़ खुन्छिॽ तोःङ्हाॽ हासम्सम्बा चोक्लो, हे़क्क्याङ् थङ् चोःक्मारे़ लागि लिओ मे़घिङ्घुआङ् पत्लो॥ खे़ङ्हाॽरे़ खुन्छिॽ अन्हाॽरे़ लाङ्सुःप्पिन् लुङ्से़रुङ्बा कुइसिक् चोक्लो, खे़म्ब्याङ् खे़ङ्हाॽरे़ खुन्छिॽ अन्लाहाॽरे़ काप्लोःक्किङ्ग सुरित् केजङ् हे़क्के के़सुक्पा चोक्लो॥
आङ्गाॽ थाःङ् ओमे़त्तुङ्ङिल्ले़ थाङ्गे़त् थोलाम्बा खइक् खइक् के़इक्सिङ्बा सुरित् केजङ् हुःक्ते़ ये़र पत्छे़बा, माक्स्दिःङ्ग्याःप्पा खाॽम्मिःप्पा लुम्मो से़न्दाङ्गे़न् ओःत्ति साःम्भे ले़क्ते़र पत्छे़बा निसुङ्॥ खे़प्मो खाॽमिःत्तिल्ले़ कुलुम्मो मि यागे़, हे़क्क्याङ् मिःल्ले़ कुलुम्मो कासान् योःन्दे़बा कुइसिक् तिल्ले़क् तिल्ले़क् ले़क्ते़र पत्छे़॥
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
Piblisite