यसैया 2:2 - लिम्बु2 के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥ Gade chapit la |
यसैया 2:2
56 Referans Kwoze
हे़क्क्याङ् नुसिगेक्पा माङ्लाइङ्बाल्ले़ कुधुत्थुरिःप्पे़न् मुःत्तुल्ले़ साङ्ग्राम्पेदाङ्ङो यम्बा इक्लाहाॽ अक्खेलॽरिक् त्ये़रो, “काक् इक्सादिङ् खाम्बेःक्मान् आनिॽ दाङ्बा नु निङ्वाॽफुमाङ्ङिल्ले़ सेःन्दुबा ख्रिस्ते़ल्ले़ कुहाङ्जुम् पोःक्खे़आङ् वाॽरो॥ हे़क्क्याङ् खुने़ॽ चक्मे़ल्लॽए सदादिङ् सदादिङ् हाङ् चोगुॽरो॥”
मनाहाॽरे़ खुन्छिॽ हुक्किल्ले़ मे़न्छुए याक्पेॽओलाम् खक्ते़ ये़बा लुङ्ङिल्ले़ फे़न्जेॽ, कासा, पसाक्के़साक्पा खाम्, युप्पा नु साम्म्याङ्हाॽ खाप्पुथ्यःङ् चोगुबा आदाङ्बारे़ के़निसुबा लुङ्ङिल्ले़ कुबेन् हाबा कन्लो॥ के़रे़क्नुःल्ले़ यम्बा निङ्वाॽफुमाङ्ङिल्ले़ के़दाबा ये़म्मो के़बोङ्बा पाःन्हाॽ पयम् हाङ्ङिन् ओसेःन्गे़धाक्ते़आङ् वाॽ॥ खे़न् से़प्माङ्ङिन् से़क्खाबा नु खे़ल्ले़ कुबेन् नसान् चोःक्मा सुक्के़दे़प्पा चोक्लो॥”
खे़ब्याङ् खे़न् फे़न्जेॽ, पसाक्के़साक्पा खाम्, कासा, युप्पा नु साम्म्याङ्हाॽ थिक्ले़ङ्ले़ कुम्जिक्मा पोःक्खे़, हे़क्क्याङ् हाङ्वामा ये़म्मो चा थाम्मादे़न्नोलाम् चाःल्ले़ कुसिप्हाॽ सुरित् केजङ्ङिल्ले़ फुत्लुम् फे़सुदेॽरुबा कुइसिक् खे़न् वरे़ङ्ले़ङ् फे़सुदेॽरु॥ कर खे़न् इःत्तो के़दोःक्पा लुङ्ङिन् यम्बा पोःक्खे़र पेआङ् कोःक्मा फाङ्जङ् पोःक्खे़ हे़क्क्याङ् खे़ल्ले़ काक् इक्सादिङ् खाम्बेःक्मान् ते़प्तु॥
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
हे़क्क्याङ् इङ्गाॽ हाङ्युक्नाहाॽ निसुङ्सिङ्॥ खे़प्मो खासे़न् लोःम्मा युक् के़घोबाहाॽ मे़युङे़॥ हे़क्क्याङ् ये़सु ख्रिस्तरे़ ओसेःन्दाङ् चोगुबा से़क्खान् नु निङ्वाॽफु पाःन्जाक्किन् इङ्भन् मे़जोगुबाल्ले़ चोगुल्ले़ खुनिॽ थे़गेक्पा मे़घक्तु मे़से़रुसिबाहाॽरे़ खुनिॽ याम्साम्हाॽ निसुङ्सिङ्लो॥ खे़ङ्हाॽरे़ग खे़न् किप्मा के़घुबा थक्सान् नु कुनावाइत्लान् से़वा मे़न्जोगुन् हे़क्क्याङ् इबुगे़न् कुमिक्सेःन्निन्नाङ् खुनिॽ तोवाबो इग्र हुक्को मे़न्दाःक्तुन्नाङ् वये़रो॥ खे़ङ्हाॽग सिमे़न्लाम् याम्मो मे़हिङे़आङ् ख्रिस्ते़न्नु तङ्बे हे़न्छिङ् थारिक् हाङ् मे़जोगुरो॥
“‘निङ्वाॽफुमाङ्ङिल्ले़ पाःत्तुआङ् वाॽ, कन् इक्सादिङ् खाम्बेःक्माल्ले़ कुनुप्मा ये़न्हाॽओ इङ्गाॽ आसेसेमाङ्ङिन् काक् मे़न्छाम्गे़न् सुवाङ् सम्दाङ् पाङ्घुङ्ङाङ् खिनिॽ ये़म्बित्छाॽ नु मे़न्छुमाॽसाहाॽरे़ माङ्निङ्वाॽपान् मे़बाःत्तुॽ, खिनिॽ नालिङ्गे़न् थाङ्बे़न्साहाॽरे़ सुफो मे़निसुॽ, हे़क्क्याङ् खिनिॽ खदाक्मिहाॽरे़ तादिगे़न् से़प्माङ् मे़माक्तुॽरो॥
कर साङ्ग्राम्पेदाङ्ङो निङ्वाॽफुमाङ् वाॽ, खुने़ॽ सिबिॽबा पाःन्हाॽ ओसेःन्धाङ् चोगुॽ॥ खुने़ॽ के़दाबा ये़म्मो के़बोङ्बा पाःन्हाॽ पयम् हाङ् नबुकदनेसरे़न् ओसेःन्धाक्तुआङ् वाॽ॥ आदाङ्बा ने़त्नाओ के़सोःन्छिङ्ङाङ् के़ने़स्से़ल्ले़ आदाङ्बारे़ के़निङ्वाॽओ के़माक्तुबा से़प्माङ्ङिन् नु के़निसुबा सुफोहाॽ हाबा कन्हाॽएरो—
खे़न् ये़म्मिन् ताआङ् यरुसले़ःम्मिन् ‘यहवे दाङ्बे़ल्ले़ कुहाङ्युक्ना’ मे़मे़त्तुॽ हे़क्क्याङ् खे़प्मो के़रे़क् मे़न्छाम् सुवाङ्हाॽ यहवे दाङ्बे़ल्ले़ कुमिङ्ङिन् मिङ्सो इङ्धाङ् पिसे़ मे़जुम्॥ खे़ङ्हाॽ खुन्छिॽ हादिङ्धक्मा नु सिक्लुङ्मोबा ताप्फे़ःम्बा पाःन्हाॽओ याम्मो आफाल्ले़आङ् मे़म्बत्ने़न्॥
हे़क्क्याङ् खाॽमिःत्ते़ल्ले़ लाजेन् पन्छुबा कुइसिक् खे़ने़ॽ आङ्गाॽ आमना इस्राइलिहाॽ थङ्ङो के़भत्तुसिॽ॥ ताःन्दि के़दाबा ये़म्मो, गोगए, आङ्गाॽ आलाजेःल्ले़ कुदक्ले़ङ्वाओ खे़ने़ॽ ताःत्ने़रो, हे़क्केलॽरिक् मनाहाॽरे़ खुन्छिॽ तगि खे़ने़ॽलाम्बा आसेसेन् ओसेःन्धाङ् चोगुङ्ङिल्ले़ आङ्गाॽए यहवे दाङ्बाआ फाॽआङ् के़रे़क् मे़न्छाम् सुवाङ्हाॽरे़ निङ्वाॽ मे़घोसुरो॥
यहवे दाङ्बे़ल्ले़ पाःत्तुॽ, “आसे़वारोबाए, आल्लसाङ् खे़ने़ॽ चोःक्मा के़बोङ्बा यम्बा याःम्बक् के़गत्तुरो॥ खे़ने़ॽ इस्राइलबा के़दाङ्बा के़याःक्पाहाॽ याम्मो आङ्गाॽओ के़नुःक्तु के़दारुसिरो, खे़म्म्याक्लक् मेःन्, मे़न्छाम् सुवाङ्लुम्मो यम्बा ओःत्ति चोःक्ने़रो॥ हे़क्क्याङ् इक्सादिङ् खाम्बेःक्किल्ले़ कुनुप्माधारिक् आङ्गाॽ आसे़न्लप्पिन् खे़ने़ॽ के़गे़त्तुरो॥”
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥
यहुदा थाङ्गे़त् गेबालाम् यरुसले़म लाङ्गे़त् रिम्मोन थारिक् के़रे़क् लाजेन् अराबा हे़क्तङ्बा पोङ्ॽ॥ कर यरुसले़ःम्मिन् चाङ्जाङ्बा मे़जोगुॽ, हे़क्क्याङ् बेन्यामिनरे़ कुलाम्धेःप्पोलाम् थिक्सिगेक्पा लाम्धेत् कुसुक्पोबा लाम्धेत् थारिक्, हे़क्क्याङ् हननेलरे़ कुजङ्हिम्मोलाम् हाङ्ङिल्ले़ कुजे़ल्ले़क्सेॽ एःम्मादे़न् थारिक् आप्फेक् कुने़मादे़न्नो ने़रो॥
Piblisite