यसैया 2:11 - लिम्बु11 मनाहाॽरे़ खुन्छिॽ आङ्दिङ् लॽमा नारान् यो मुप्मे़धासु मे़बिरुसिरो, हे़क्क्याङ् खुन्छिॽ आङ्गाॽएःक् लॽमे़न् नःम्नःम्बा मे़जोगु मे़बिरुसिरो, खे़न् ये़न्नो यहवे दाङ्बाल्लक् थाःङ्धाःङ् पोङ्लो॥ Gade chapit la |
यसैया 2:11
61 Referans Kwoze
मुक्साम्दाङ्बा यहवे दाङ्बे़ल्ले़ पाःत्तु, “ओमे़त्ते़म्मे़ॽ, खे़न् खासे़न् लोःम्मा ये़न्निन् मिधुङ् मिराःक् कुइसिक् तार पत्॥ यम्बा के़ले़ङ्सिङ्बा मनाहाॽ नु ताप्फे़ःम्बा याःम्बक् के़जोःक्पाहाॽ याॽलाङ् कुइसिक् मे़जोक्लो॥ हे़क्क्याङ् खे़न् ये़न्नो खे़ङ्हाॽ मिःल्ले़ खाप्पुथ्यःङ् चोगुसिॽ॥ मिःल्ले़ सिङ्बोराःक्के़न् नु कुसाःप्पे़न् खाप्पुथ्यःङ् चोगुबा कुइसिक् खे़ल्ले़ खे़ङ्हाॽरे़ खुन्छिॽ मुॽइदाङ्साहाॽ खाप्पुथ्यःङ् चोगुसिॽ॥
आङ्गाॽ यहवे दाङ्बे़ल्ले़ कन् इक्सा खाम्बेःक्के़न् कुभे़न् याःम्बक्के़ल्ले़ चोगुल्ले़ खुम्दिङ् पिरुङ्लो, हे़क्क्याङ् ताप्फे़ःम्बा याःम्बक् के़जोःक्पाहाॽ खुन्छिॽ लायोल्ले़ लागि साम्बान् कुःत्तुङ्सिङ्लो॥ खे़ब्याङ् यम्बा के़ले़ङ्सिङ्बाहाॽरे़ खुन्छिॽ आङ्दिङ् लॽमे़न् नुप्सुङ् पिरुङ्सिङ्लो, खे़ब्याङ् साॽरिक् कुॽइगे़भे़म्बाहाॽरे़ खुन्छिॽ हे़न्छिङ्मे़न् मार याःन्दुङ्लो॥
खे़न् ये़म्मो खिनिॽ अक्खे के़बाःत्तुम्लो, “यहवे दाङ्बान् नुगे़न् पिरे़म्मे़ॽओ, खुने़ॽ पयम् यम्बा चोक् फाॽआङ् यम्बा इक्लाओ इङ्भोसे़म्मे़ॽओ॥ खुने़ॽ चोगुबा याःम्बक्किन् इक्सादिङ् खाम्बेःक्कोबा मे़न्छाम् सुवाङ्हाॽ चे़क्ते़म्सिम्मे़ॽओ, हे़क्क्याङ् खुने़ॽ कुमिङ्ङिन् के़रे़क्नुःल्ले़ यम्बा पोःक्खे़आङ् वाॽ फाॽआङ् उवा चोगे़म्मे़ॽओ॥
खे़न् ये़न्नो आङ्गाॽ खे़ङ्हाॽरे़ खुन्छिॽ लागि ताम्भुङ्ङोबा थक्साहाॽनु हे़क्क्याङ् ताङ्साङ्बोबा पुसाहाॽनु खे़ब्याङ् खाम्बाङ्ङो के़सःन्छिङ्बा थक्साहाॽनु माङ्हुप् चोगुङ्लो॥ खो, ताभे नु थङ्हाॽ आङ्गाॽ लाजेॽलाम् लाःत्लाःत् चोगुङ्लो, हे़क्केलॽरिक् के़रे़क् थाप्थेःक् याम्धेक् ने़मा मे़घोररो॥
खिनिॽ थाङ्बे़न्सासे, सेसेहुप्लक्कोबा तुम्लाम्लोबाहाॽरे़ खुनिॽ युक्को वाॽमा पोङ्लो॥ खिनिॽ काक् चुङ्जिगे़न् नःम्नःम्बा पोःक्खे़म्मे़ॽआङ् नुरिक् मे़त्तासिम्मे़ॽ, थेआङ्भे़ल्ले़ साम्योसाप्लाओ साप्ते़आङ् पत्, “निङ्वाॽफुमाङ्ङिल्ले़ आङ्दिङ् के़लॽबाहाॽ अत्तुसिॽ, कर नःम्नःम्बाहाॽ लुङ्गुम् पिरुसिॽरो॥”
आनिॽ कन् फे़जुम् फे़याहाॽलाम् मनाहाॽरे़ खुनिॽ इङ्ले़क्के पाःन्धङ्हाॽ हे़क्क्याङ् मनाहाॽरे़ निङ्वाॽफुमाङ्ङिन् कुसिङ् मे़न्निःत्तुन्ल फाॽआङ् के़बोःक्पा आघघबा पाःन्हाॽ आनाःन्दुम्लो॥ हे़क्क्याङ् के़रे़क् मे़इःत्तुबा फे़न् निङ्वाॽहाॽ पुङ्लाधाबान् ते़म्ना ताःप्मनाबा कुइसिक् ख्रिस्तरे़ कुइङ्जाङ् के़इःप्पा के़नाःप्पा मे़बोङ्ल फाॽआङ् युक्को आदारुम्लो॥
खे़ल्ले़ याःन्दिक् आङ्गाॽ ले़प्माङ् के़जोगुम्बा खिनिॽ के़रे़क् फे़न्याःम्बक्किल्ले़ चोगुल्ले़ खिनिॽ नारा सिरेःप् लॽमा मे़बोङ्ने़न्लो॥ थेआङ्भे़ल्ले़ खे़न् ये़म्मो खुन्छिॽ आङ्दिङ् लॽमाओ के़सःप्पाहाॽ आङ्गाॽ कन् ये़क्यक् लुम्मोलाम् लःत्तुङ्देसुङ्सिङ्लो॥ आङ्गाॽ आसेसे कोःक्माओ याम्मो आभे़ल्ले़आङ् खिनिॽ याम्मो यम्बा के़हे़न्छिङ्बा के़म्बोःक्खिन्लो॥
खे़न् ये़न्नो कोःक्मा फाङ्जङ्हाॽओलाम् कुबोक् चे़ल्ले़क्सेॽ थिहाॽ वयु युरो, हे़क्क्याङ् थे़गु माङ्वाहाॽलाम् पित्नु कुङ्मा हेःक्लो यहुदाबा के़रे़क् पाक्लुम्लुम्बादे़न्हाॽओ च्वाःत् लाङ्घेःक्लो, यहवे दाङ्बे़ल्ले़ कुहिम्मोलाम् च्वाःत् वदुन्दाक्वा थिक् लःन्लो हे़क्क्याङ् सित्तिमबा ने़ने़बादे़न्निन् वारक्खुरो॥
“हे़क्क्याङ् लुम्बाङ् वरःङ्ङिल्ले़ नाङ्गे़ङ् पिसाङ्, लाम्दिःप्पाङ्हाॽरे़ खुन्छिॽ ने़ने़बादे़न्नो आङ्गाॽ गोगरे़ कुलागि नु खुने़ॽ कुधक्सुबा सुम्हाॽरे़ खुन्छिॽ लागि साॽरिक् यम्बा इपुङ् थिक् चोगुङ्ॽ॥ खे़प्मोलाम् के़बोङ्बाआङ् लाङ्गे़घेःक्पाहाॽरे़ खुन्छिॽ लाम्मिन् कल्ले़ थेःक्तुॽ, खे़ब्याङ् खे़ङ्हाॽरे़ कन् ते़न्निल्ले़ कुमिङ् हामोन गोगरे़ कुने़ने़बादे़न् फाॽआङ् मे़ले़क्खुॽ॥
“खे़ल्ले़चोगुल्ले़, नासिगे़न् थक्ला के़गप्पा मे़न्छाम् याप्मिए, खे़ने़ॽ गोगरे़ कुदक्ले़ङ्वाओ माङ्निङ्वाॽपान् पाःत्ते़ॽ॥ मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् खुने़ॽ मे़त्ते़ॽ—आङ्गाॽ आमना इस्राइलिहाॽ खुन्छिॽ लाजेॽओ हाङ्हाङ् लॽरिक् सनारुङ् मे़युङ्ङिल्ले़, खे़ने़ॽ आप्फेक् निङ्वाॽ के़न्हे़त्छिङ्ङे़न्बि?
कर आङ्दिङ् के़लॽबे़ल्ले़ अक्खे चोगुररो, ‘चक्मे़ल्लॽए मनाहाॽ लुङ्माॽ के़दुक्पा, कुदोःप्मा खासे़न् के़लोःम्बा, हे़क्क्याङ् इक्सादिङ् खाम्बेःक्मो साम्योबा आङ्गाॽ यहवे दाङ्बान् खे़ल्ले़ कुसिङ् निःत्ताररो॥’ हाबा कन् पाःन्हाॽओ आङ्गाॽ आनिङ्वाॽ तारो, आङ्गाॽ यहवे दाङ्बान् पाराङ्ङाङ् वाॽआरो॥”
कन् हिन्दोःक्के़न् पोङ्ङे़ल्ले़ के़रे़क् मनाहाॽरे़ मे़बाःत्तुरो, “से़क्खासाङ् खुने़ॽए आनिॽ निङ्वाॽफुमाङ्लो! आनिॽ खुने़ॽ कुलाम् ओआमे़त्तुम्लो हे़क्क्याङ् खुने़ॽए आनिॽ ताङ्आसे़ःप्ते़आङ् आवाॽरो॥ खुने़ॽए यहवे दाङ्बारो! खुने़ॽओ आनिॽ निङ्वाॽ आयुक्खुम्लो खुने़ॽ आनिॽ ताङ्आसे़ःप्ते़आङ् आवाॽरो, आनिॽ सःत्तिआङ् ये़ये़ लॽरिरो॥”
खे़न् ये़म्मिन् ताःल्ले़ नुसि मे़न्छुमाहाॽरे़ लक्थिक् ये़म्बित्छान् मे़दे़म्सुआङ् अक्खे मे़मे़त्तुरो, “आनिगे चामा थुङ्मा नु चाङ्मा वाःप्मान् आबाङे यारिप् चोगुम्बे़आङ् चाम्बे़ थुङुम्बे़रो, हे़क्क्याङ् वारुम्बे़ चाक्खुम्बे़रो, खे़ने़ॽ हाबा आनिगे ते़न्धाम् मेःक्खिम्लक् आमे़त्ते़आङ् आनिगे ये़म्बा पोःक्खे़ॽओ॥ मनाहाॽरे़ आनिगे कुनामे़न्छाॽ मे़मे़त्तिगे़ल्ले़ खे़ने़ॽ आधेःक्ते़ॽओ॥”
कल्ले़चोगुल्ले़ यहवे दाङ्बे़ल्ले़ खे़ङ्हाॽ अक्खे मे़त्तुसिरो, “आङ्गाॽ कन् मनाहाॽरे़ खुन्छिॽ लागि अक्तङ्बा मे़क्मासिमा निङ्सेक् चोगुङ्ल वाॽआरो, खे़न् लाम्बा खिनिॽ हिङ्मा के़न्छुक्तिन्लो॥ खिनिॽ आङ्दिङ्ङाङ् लाङ्घेःक्मा के़न्याःन्दुम्मिन्लो, थेआङ्भे़ल्ले़ खे़न् लत्छा ये़त्तुक्खेबा ये़म् पोङ्लो॥
खे़न् ये़म्मिल्ले़ कुनुप्मो, आङ्गाॽ नबुकदनेसररे़ आमिक्किल्ले़ साङ्ग्राम्पेदाङ् ले़प्माङ् ओमे़त्तुङ्, हे़क्क्याङ् आनिङ्वाॽ सेरे़॥ खे़ब्याङ् आङ्गाॽ के़रे़क्नुःल्ले़ यम्बा निङ्वाॽफुमाङ्ङिल्ले़ कुनारा फोसुङ्, सदादिङ् आभे़ल्ले़साङ् कुहिङ्वे़त् के़वाॽबे़न् आङ्गाॽ मिङ्सो इङ्धाङ् नु मिमिदिङ् पिरुङ्लो॥ खुने़ॽ कुयुक्किङ्ग सदादिङ् के़वाॽबा युक्लो, खुने़ॽ कुहाङ्जुम्मिन् थाःक्थाःक्को थारिक् ने़रो॥
Piblisite