यसैया 19:3 - लिम्बु3 मिस्रबा मनाहाॽरे़ खुन्छिॽ सावेःत् यङ्लो, आङ्गाॽ मिस्र के़युङ्बा मनाहाॽरे़ चोःक्मा पाःप्मा मे़गोःत्तुबा पाःन्हाॽ फोःत्तुङ् पिरुङ्सिङ्लो॥ खे़ङ्हाॽरे़ माङ्साम्माङ्हाॽ, सिसाम्हाॽ, कित्चाक् के़जोःक्पाहाॽ नु फे़दाङ्माहाॽ मे़बेःक्काङ् सेःन्मे़लाप्तुसिरो॥ Gade chapit la |
यसैया 19:3
28 Referans Kwoze
हाङ्ङिल्ले़ साम्माङ्च्याःङ् मुरा के़मे़प्पाहाॽ, खागे़इक्पाहाॽ नु थुम्म्या के़इबाहाॽ उःप्मा ताःप्मा पाङ्घुसि हे़क्क्याङ् बेबिलोनबा कन् सिक्कुम्साबा ये़म्बित्छाहाॽ मे़त्तुसि, “आत्तिल्ले़ कन् साप्मनाबान् निरुआङ् कल्ले़ कुबेन् आङ्गाॽ चे़क्का, खे़न् परान्ला हाङ्देत् चाक्मा पोङ्ॽ, खे़ल्ले़ कुनिःङ्मो साम्म्याङ् सिक्क्रिःन् वाःप्मा पोङ्ॽ खे़ब्याङ् कन् हाङ्जुम्बा सुम्सिगेक्पा ताक्फाओबा यम्बा युक्साबा चोःक्मा पोङ्ॽ॥”
खे़ने़ॽ थेआङ् के़याःप्पाबे फाॽआङ् से़ःन्के़म्दोःल्ले़, खे़ने़ॽ खे़ङ्हाॽ अक्खे मे़त्ते़से़ॽ, ‘किप्मा के़घुबा खिनिॽ इङ्घङ्ङिन् आङ्गाॽ खे़प्सुङ्ङाङ् वाॽबाल्ले़ चोगुल्ले़ याःत्ताबारो॥ कन् से़क्खा पोङ्ङिल्ले़, हाङ्हाङ्बा सिक्लुङ्मे़न्नाङ् किमारे़ थे़गक्कक्ना यङ्ॽ, थुम्मा साक्माहाॽ के़रे़क् माबेःक्॥ के़रे़क् याम्साम्हाॽ कुधना के़ले़ङ्बा पोङ्ॽ, के़रे़क् थुङ्बोॽहाॽ मे़न्धुम्मनाबा ले़ःम्जुजुॽबा पोङ्ॽ॥ हे़क्क्याङ् मुक्साम्दाङ्बा यहवे दाङ्बे़ल्ले़ अक्खे पाःत्तुरो—कन् तार पत्लो! कन् कुलाम्मो वाॽरो!’”
आङ्गाॽ इङ्ले़क् माङ्निङ्वाॽपान् के़बाःप्पाहाॽरे़ खुनिॽ मिक्सेःन्निन् कुसुम् मे़न्दम्मनाबा चोगुङ्लो, हे़क्क्याङ् थुम्म्या के़इबाहाॽ अदङ् चोगुसिङ्लो॥ आङ्गाॽ सिक्कुम्साबा मनाहाॽरे़ खुन्छिॽ ने़हिनिङ्वान् खादाःक्पा चोगुङ्लो, खे़ब्याङ् खे़ङ्हाॽ खासिङ् मे़न्निःप्मना मे़बोङ्ल चोगुङ्सिङ्लो॥
मिस्र लाजेःल्ले़ कुयाःम्बेओ के़दाबा माङ्निङ्वाॽपान्निन् अक्तङ्बा वाॽरो— ओमे़त्ते़म्मे़ॽ, यहवे दाङ्बे़न् खाॽमिःत्तिन् युक्तुआङ् मिस्र लाजेॽओ युर पत्लो॥ खुने़ॽ युःल्ले़ मिस्र लाजेॽबा नावाइत्लाहाॽ मे़गिआङ् थे़गक्कक्ना मे़यङ्लो, हे़क्क्याङ् मिस्र के़युङ्बा मनाहाॽ खुन्छिॽ किमे़ल्ले़ युम्सुङ्मा मे़बोङ्ङाङ् साम्मिक्ले़ ले़रुसिरो॥
दिबोन के़युङ्बा के़मनाहाॽ मे़रिङ् थक्मारे़ लागि केःम्बा कोःक्माहाॽओ के़ने़बा खुन्छिॽ माङ्हिम्मो थो मे़बेरो, नेबो नु मेदबा ये़क्यक् के़युङ्बा मनाहाॽरे़ लागि मोआब के़युङ्बाहाॽ उःक्काङ् उःक् मे़हाःप्लो॥ खे़ङ्हाॽरे़ खुन्छिॽ थे़गेःक्हाॽ के़रे़क् मे़नःक्खुआङ् मे़वाॽरो खे़ब्याङ् खुन्छिॽ मुधोॽहाॽ खक्पे़त् लिगोॽ मे़घक्तु मे़देसुआङ् मे़वाॽरो॥
अहितोपेलरे़ पिरुसिबा कुसुजान् यरिक् कुसिक्ले़ मे़ङ्घे़प्सुम्बा निङ्वाॽ खोसुआङ् खुने़ॽ कुअदङ्ङो लासे़आङ् आबाङे कुये़क्यक्कोबा कुहिम्मो पे॥ खुने़ॽ कुहिम्मोबा पाःन्हाॽ हिसु तङ्सुधआङ् आबाङे खे़प्मो फोःन्छिङ् स्ये़॥ खे़न् अक्खेलॽरिक् स्ये़ हे़क्क्याङ् कुम्बारे़ कुइपुङ्बेसाङ् मे़लुप्तु॥
आल्ल अहज्याहन् सामरियाओ थाःङ्समा याक्फाङ्ङोबा हङ्हङ् के़लॽबा पेधाःप्पोलाम् मु मक्थ्ये़, हे़क्क्याङ् खुने़ॽ साॽरिक् यम्बा काःन्दे़॥ कल्ले़चोगुल्ले़ खुने़ॽ इङ्साबाहाॽ अक्खे मे़त्तुसिआङ् पाङ्घुदेसुसि, “पेगे़म्मे़ॽआङ् एक्रोनबा माङ् बाल-जिबबे़न् सुजा नाःक्ते़म्मे़ॽ, आङ्गाॽ कन् काःन्दाङ्बोलाम् वेःप्मा सुक्काबि मे़सुक्कान्बि॥”
Piblisite