खे़ङ्हाॽरे़ खुन्छिॽ लुम्मो आङ्गाॽ पिरुङ्सिङ्बा आबाङे खुन्छिॽ साएहाॽ मे़निसुसिरो॥ हे़क्क्याङ् आहुक्कोबा याःम्बक्हाॽ मे़निसुरो, हे़क्केःल्ले़ खे़ङ्हाॽरे़ आङ्गाॽ आमिङ्ङिन् सेसेसाङ्साङ् मे़जोगुरो॥ खे़ङ्हाॽरे़ याकुबरे़ पयम् यम्बा कुसेसे निङ्वाॽफुमाङ्ङिन् सेसेबा फाॽआङ् मे़बाःत्तुरो, हे़क्क्याङ् इस्राइलबा निङ्वाॽफुमाङ्ङिन् मिङ्सो इङ्धाङ् मे़बिरुरो॥
यसैया 19:25 - लिम्बु25 मुक्साम्दाङ्बा यहवे दाङ्बे़ल्ले़ खे़ङ्हाॽ अक्खे मे़त्तुसिआङ् हाङ्वागे़न् मुॽइसाम् पिरुसिॽ, “मिस्रबा मनाहाॽ आङ्गाॽ आमनासि, अस्सुरिहाॽ आङ्गाॽ आहुक्किल्ले़ चोगुङ्सिङ्बासि हे़क्क्याङ् इस्राइलिहाॽ आङ्गाॽ आबाङे सेगुङ्सिङ्बा लक्के़घोबा आमनासिरो॥” Gade chapit la |
यसैया 19:25
30 Referans Kwoze
आप्फेक् आलागि निङ्वाॽफुमाङ्ङिल्ले़ कुमनाहाॽ इक्सादिङ् खाम्बेःक्को युक्खुङ्सिङ्लो, आङ्गाॽ आत्तिन् ‘लुङ्माॽ मे़न्दुक्मनामा’ मे़त्तुङ्ङाङ् वये़, आङ्गाॽ खे़न् लुङ्माॽ तुक्तुङ्लो॥ आत्तिन्हाॽ ‘आङ्गाॽ आमनानिङ् मेःन्’ मे़त्तुङ्सिङ्ङाङ् वये़ खे़ङ्हाॽ ‘आङ्गाॽ आमनानिङ्’ मे़त्तुङ्सिङ्लो॥ हे़क्क्याङ् खे़ङ्हाॽरे़ आङ्गाॽ अक्खे मे़मे़त्तारो, ‘खे़ने़ॽ आनिगे निङ्वाॽफुमाङ्ने़रो॥’”
“इस्राइलबा सेसेबा निङ्वाॽफुमाङ्, खे़ङ्हाॽ नावागे़न् चइःत् के़जोःक्पा निङ्वाॽफुमाङ्, यहवे दाङ्बे़ल्ले़ अक्खे पाःत्तुरो— ‘खे़ने़ॽ ताःन्दि पोङ्मा के़इःप्पा पाःन्निल्ले़ कुयाःम्बेॽओ सेःन्गे़दोआबि? आङ्गाॽ आस्साहाॽ नु आहुक्किल्ले़ चोगुबा आयाःम्बक्किल्ले़ कुयाःम्बेओ मुरा के़मे़त्ताबाबि? खे़न् सेःन्लाप्मा के़युक् होप्लो!
यहवे दाङ्बे़ल्ले़ अक्खे पाःत्तुरो— “मिस्र लाजेॽओ के़बोःक्पा कुजान् नु कुस लाजेॽबा याङ्साकुन्धेन् खे़ने़ॽ के़याङ्साकुन्धे पोङ्लो॥ हे़क्क्याङ् सेबाबा कुलिङ्गे़न् केःम्ब केःम्बा मनाहाॽ खे़ने़ॽ के़योःग्बा मे़बोङ्लो॥ फे़न्जेॽ थक्क्रङ्ङिल्ले़ इमे़घेःक्खुसिआङ् खे़ङ्हाॽ के़एगाङ् मे़भे़न्लो, खे़ङ्हाॽरे़ खे़ने़ॽ से़वा के़म्मे़त् हे़क्क्याङ् अक्खे पाःप्मा मे़दे़ल्लो॥ ‘निङ्वाॽफुमाङ्ङिन् खे़ने़ॽनु वाॽरो, खुने़ॽरक् निङ्वाॽफुमाङ्लो॥’”
यहुदा नु इस्राइलबा यक्युङ्बासे! आक्खेलॽरिक् मे़न्छाम् सुवाङ्हाॽरे़ खुन्छिॽ लुम्मो खिनिॽ माङ्दे साङ्ग्रा चाहाक् के़बोःक्खिआङ् वये़, खे़ल्ले़चोगुल्ले़ आङ्गाॽ खिनिॽ ताङ्से़ःप्निङ्ॽ हे़क्क्याङ् खिनिॽ हाङ्वागे़न् मुॽइसाम्रे़ कुबुङ् के़बोःक्खिॽ॥ “खिनिॽ मे़गिसे़म्मिन्ने़ॽ, कर खिनिॽ हुक्हाॽ के़धुम्बा पोङ्ल॥”
Piblisite