यसैया 19:20 - लिम्बु20 मिस्र लाजेॽओ खे़न् लुङ् सित्लाङ्ङिन् मुक्साम्दाङ्बा यहवे दाङ्बे़ल्ले़ कुलागि लत्छा मिक्सेन् नु तोःन्दि पोङ्ॽ॥ आयुक्युक्पा नु साक्के़ल्ले़क् के़जोःक्पा मनाहाॽरे़ मे़जोगुल्ले़ यहवे दाङ्बान् कुभाॽरे़ लागि पेलि मे़भाक्तुॽ, हे़क्क्याङ् खुने़ॽ खे़ङ्हाॽरे़ खुन्छिॽ लागि लत्छा से़न्लप्दाङ्बाधिक् नु के़से़ःप्पाधिक् पाङ्घुयुसुॽ, खे़ब्याङ् खे़ल्ले़ खे़न् मनाहाॽ खुन्छिॽ निङ्मिहाॽलाम् से़ःप्तुसिॽ॥ Gade chapit la |
यसैया 19:20
23 Referans Kwoze
हे़क्केलॽरिक्के अस्सुर लाजेॽबा हाङ्ङिल्ले़ मिस्र लाजेॽबा मनाहाॽ नाधामा साम्धामो मे़धार फाॽआङ् मिस्र लाजेॽओबा पुङ्लाधाबाहाॽ हे़क्क्याङ् कुस लाजेॽलाम् मे़लःत्तु मे़देसुसिबा नालिगे़न् थाङ्बे़न्हाॽ नु काप्पो तुम्साहाॽ के़रे़क् खुन्छिॽ मिगक्माहाॽ निधाःप्ल ले़क्चाॽबे़धिःक् नु लाङ्सुःप् मेःन्ने पुङ्लाधाबा चोगुङ्सिङ्ङाङ् तेॽरुसि॥
हे़क्क्याङ् आङ्गाॽ मिस्रबा मनाहाॽ साॽरिक् ताप्फे़ःल्लिक् आमे़प्मे़प्पा लत्छा दाङ्बाधिक्ले़ कुहुक्को पाङ्घुङ्सिङ्लो, हे़क्क्याङ् तल्लिक् के़जिःप्पा हाङ्धिक्ले़ खे़ङ्हाॽरे़ खुन्छिॽ सम्दाङ् हाङ्युक् चोगुरो,” कन् पाःन्निन् आङ्गाॽ मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽरो॥
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
हाङ्माल्ले़ कुनु के़धुङ्बा अङे़ःक्वा हे़क्केए मुक्साम्साबा हाङ्हाॽ नु मुक्के़गुबा मे़न्छाम् सुवाङ्हाॽरे़ खे़ने़ॽ चाहा के़जोःक्पा पाःन्हाॽओ के़निङ्वाॽ के़म्दा के़म्बिरो॥ आङ्गाॽ, यहवे दाङ्बा, के़से़न्लप्दाङ्बा, खे़ब्याङ् खे़ने़ॽ के़धे़ॽबा, हे़क्क्याङ् इस्राइलबा मुक्साम्दाङ्बाआ फाॽआङ् खे़ने़ॽ कुसिङ्गे़निःत्तुरो॥
Piblisite