यसैया 19:19 - लिम्‍बु

¹⁹ खे़न् ये़न्‍नो मिस्र लाजेःल्‍ले़ कुलुम्‍मो यहवे दाङ्‌बे़ल्‍ले़ कुलागि लत्‍छा ले़त्ति तोःम्‍मादे़न्‍धिक् मे़जोगुॽ, हे़क्‍क्‍याङ् मिस्र लाजेःल्‍ले़ इःन्‍दोओ यहवे दाङ्‌बाओ लत्‍छा निङ्‌वाॽसो लुङ् सित्‍लाङ्‌धिक् मे़लेःत्तुॽ॥

यसैया 19:19 Referans Kwoze

तोलिङ्‌सोमु 28:18

याकुबे़न् तानाम् आन्‍देन् पोगे़ हे़क्‍क्‍याङ् ताक्‍खोःङ् कोःक्‍सुबा लुङ्‌ङिन् सित्‍लाङ् हे़क्‍के निङ्‌वाॽसोक्‍ले़ लागि तक्‍पे़त् फोःक्‍सुआङ् कुसम्‍मो निःङ्‌गेल्‍ले़ ले़ःक्‍तुआङ् निङ्‌वाॽफुमाङ्‌ङो तोःन्‍दु॥

यहोसु 22:10

खे़ङ्‌हाॽ कनान लाजेॽओबा यर्दन कुया कुया गलिलोतओ मे़गे़रे़ल्‍ले़, रुबेनि, गादि नु मनस्‍सेरे़ कुभ्रे़ःङ् कुधाःक्‍हाॽरे़ यर्दन निःत्ताङ् ओमे़प्‍मे़ल्‍ले़ यम्‍बा निगे़दे़प्‍पा ले़त्ति तोःम्‍मादे़न् थिक् मे़जोगु॥

यहोसु 22:26

“कल्‍ले़चोगुल्‍ले़ आनिगे अक्‍खे चोगुम्‍बे़बारो, ‘मिधिङ्‌मनादेमनाबा इग्र सिदुङ्‌जभारे़ लागि मेःन्‍छाङ्, लत्‍छा ले़त्ति तोःम्‍मादे़ङ्‌ग आनिगे चोःक्‍माए पोङ्‌ॽ॥’

लाम्‍दिक् 24:4

खे़ब्‍याङ् मोसाःल्‍ले़ यहवे दाङ्‌बे़ल्‍ले़ के़रे़क् कुइङ्‌जाङ्‌हाॽ साप्‍तु॥ कुदाःन्‍दिक्‍मा तानाम्‍सा खुने़ॽ कोमाल्‍ले़ कुबुङ्ओ लत्‍छा ले़त्ति तोःम्‍मादे़न् चोगु हे़क्‍क्‍याङ् खे़प्‍मो इस्राइलबा के़रे़क् थाःक्‍हाॽरे़ खुन्‍छिॽ मिङ्‌ङो लत्‍छा लत्‍छा थिबोङ्‌ङाङ् ने़त्‍छि लुङ्‌हाॽ फुक्‍खुआङ् सित्‍लाङ् लेःत्तु॥

जकरिया 6:15

खे़न् माःङ्‌घा माःङ्‌घा के़युङ्‌बाहाॽ मे़दाआङ् यहवे दाङ्‌बे़ल्‍ले़ कुहिम्‍मिन् चोःक्‍मा मे़भाॽरुसिॽ, हे़क्‍क्‍याङ् मुक्‍साम्‍दाङ्‌बा यहवे दाङ्‌बे़ल्‍ले़ आङ्‌गाॽ खिनिॽओ पाङ्‌घाङ्‌बा फाॽआङ् कुसिङ् के़निःत्तुम्‌ॽ॥ खिनिॽ निङ्‌वाॽ के़बिरुम्‍माङ् यहवे दाङ्‌बा खिनिॽ निङ्‌वाॽफुमाङ्‌ङिल्‍ले़ कुइङ्‌जाङ्‌हाॽ के़इःत्तुम् के़नाःत्तुम्‍ने़भग्र कन् पाःन्‍हाॽ पोङ्‌लो॥

यसैया 66:23

लादुप् थक्‍मा हे़क्‍क्‍याङ् नाःम्‍सिङ्‌मा ये़न्‍नो के़रे़क् मे़न्‍छाम् सुवाङ्‌बा मनाहाॽ आङ्‌गाॽ से़वा मे़त्‍छे़ कन् यरुसले़म ये़क्‌यक्‍को मे़दारो,” यहवे दाङ्‌बे़ल्‍ले़ पाःत्तुरो॥

तोलिङ्‌सोमु 12:7

यहवे दाङ्‌बे़न् अब्राम्‍मिन्‍नु थाःम्‍सिङ्, हे़क्‍क्‍याङ् खे़न् मे़त्तु, “आङ्‌गाॽ खे़ने़ॽ के़स्‍सा के़म्‍मे़न्‍छाॽहाॽ कन् लाजेन् पिरुङ्‌सिङ्‌ॽ॥” खे़ल्‍ले़चोगुल्‍ले़ खुने़ॽनु के़धाःम्‍सिङ्‌बा यहवे दाङ्‌बाल्‍ले़ कुलागि खुने़ॽ खे़प्‍मो लत्‍छा ले़त्ति तोःम्‍मादे़न् थिक् चोगु॥

हिब्रु 13:10

हे़क्‍क्‍याङ् आनिॽ ले़त्ति तोःम्‍मादे़न्‍धिक् आगत्तुम्॥ खे़प्‍मो तोःम्‍मनाबा चोभाॽहाॽ सेसे साःङ्‌गाहिम्‍मो माङ्‌से़वा के़जोःक्‍पा निङ्‌वाॽफुसाम्‍बाहाॽरे़ थेआङ् चामा युक् होःप्‍ते़रो॥

निङ्‌वाॽफु साम्‍लोसुम् 68:31

मिस्र लाजेॽलाम्‍बा हाङ्‌लाइङ्‌बाहाॽ मे़भे़न्‍लो, कुस लाजेॽबा मनाहाॽ आबाङे निङ्‌वाॽफुमाङ्‌ङो हुक्‍मे़सुप्‍सिङ्‌लो॥

यसैया 56:7

आङ्‌गाॽ सियोन नु सेसेबा कोःक्‍माओ ताःत्‍निङ्‌लो, ले़त्ति तोःम्‍मादे़न्‍नो के़दोःन्‍दुम्‍बा मिधिङ्‌मनादेमनाबा सिदुङ्‌जभा नु वयागे़न् सिदुङ्‌जभाहाॽ ताःक्‍तुङ्‌लो॥ आङ्‌गाॽ आहिम्‍मे़न् के़रे़क् मे़न्‍छाम् सुवाङ्‌हाॽरे़ खुन्‍छिॽ लागि पेलि फाक्‍मा हिम् पोङ्‌लो॥”

यसैया 60:7

केदारबा के़रे़क् मे़ल्‍लुक् मे़ःन्‍दालुप्‍हाॽ खे़ने़ॽओ मे़जुम्‍लो, नाबायोतबा के़रे़क् मे़ल्‍लुक्‍हाॽरे़ खे़ने़ॽ से़वा के़म्‍मे़त्‍लो, खे़ङ्‌हाॽ सिदुङ्‌जभा हे़क्‍के खुने़ॽओ ले़त्ति तोःम्‍मादे़न्‍नो ताःक्‍मा यारुसिबा मे़बोङ्‌लो, खे़ब्‍याङ् यहवे दाङ्‌बे़ल्‍ले़ खुने़ॽ कुहिम्‍मे़न् आल्‍लसाङ् यरिक् मिमिदिङ्‌बा चोगुरो॥

यहोसु 22:27

कर आनिगे नु खिनिॽ लुम्‍मो हे़क्‍क्‍याङ् आनिॽ ताःन्‍दिबा थाःक्‍हाॽरे़ खुन्‍छिॽ लुम्‍मो कन् लत्‍छा तोःन्‍दिरे़ लागि पोङ्‌ल, हे़क्‍केलॽरिक् आनिॽ मिधिङ्‌मनादेमनाबा वयागे़न् सिदुङ्‌जभाहाॽ, सिदुङ्‌जभाहाॽ नु तङ्‌जुम् वयागे़न् सिदुङ्‌जभाहाॽ आयाङ्‌ङासिआङ् यहवे दाङ्‌बाओ खुने़ॽ कुदगिए आनिॽ माङ्‌से़वा आजोगुम्‌ॽ॥ हे़क्‍क्‍याङ् खिनिॽ मुॽइदाङ्‌साहाॽरे़ आनिगे मुॽइदाङ्‌साहाॽ अक्‍खे मे़प्‍मा मे़ङ्‌घोसुसिन्‍ल, ‘यहवे दाङ्‌बाओ खिनिॽ खोमा लक् थेआङ् होप्॥’

यहोसु 22:28

“हे़क्‍क्‍याङ् खे़ङ्‌हाॽरे़ आनिगे इग्र आनिगे मुॽइदाङ्‌साहाॽ ताये़म्‍मो हे़क्‍के मे़मे़त्तुसिल्‍ले़ आनिगे अक्‍खे मे़त्तुम्‍सिम्‍बे़ फाॽआङ् निङ्‌वाॽ इःत्तुम्‍बे़, ‘ओमे़त्ते़म्‍मे़ॽ, आनिगे पाधे़बाहाॽरे़ यहवे दाङ्‌बाओ ले़त्ति तोःम्‍मादे़न् हे़क्‍तङ्‌बा थिक् मे़जोगुआङ् युङ्‌ॽ, कन् मिधिङ्‌मनादेमनाबा वयागे़न् सिदुङ्‌जभाहाॽ नु सिदुङ्‌जभाहाॽरे़ लागि मेःन्, कर आनिगे नु खिनिॽ लुम्‍मो तोःन्‍दिरे़ लागि मे़जोगुबारो॥’

यहोसु 22:34

हे़क्‍क्‍याङ् रुबेनिहाॽ नु गादिहाॽरे़ “यहवे दाङ्‌बे़न् निङ्‌वाॽफुमाङ्‌लो के़लॽबा आनिॽ लुम्‍मो तोःन्‍दिरो,” फाॽआङ् खे़न् ले़त्ति तोःम्‍मादे़न्‍निल्‍ले़ कुमिङ् मे़युक्‍खुरो॥

यर्मिया 46:2

बेबिलोनबा हाङ् नबुकदनेसरे़ल्‍ले़ कर्कमिसबा ते़न्‍धङ्‌ङो युफ्रेतिस वहःङ्‌ङिल्‍ले़ कुयाओ मिस्रबा हाङ् फारो नेकोन् नु खुने़ॽ कुधक्‍सुबाहाॽ नाःन्‍दुसिबा सुये़म्‍मो यहुदाबा हाङ् योसियाःल्‍ले़ कुस्‍सा यहोयाकिमे़ल्‍ले़ हाङ्‌युक् चोगुबा लिसिगेक्‍पा तङ्‌बेओ कन् इङ्‌घङ्‌ङिन् मिस्र लाजेःल्‍ले़ कुयाःम्‍बेओ के़रे़आङ् वये़रो॥

इजकिएल 29:1

यहोयाकिन हाङ्‌ङिन् मे़दे़म्‍सु मे़देॽरुबा थिबोङ् तङ्‌बेबा थिबोङ् ला थिबोङ्‌ङाङ् ने़त्‍छि ये़न् के़रे़ल्‍ले़ याःन्‍दिक् यहवे दाङ्‌बालाम् कन् इङ्‌घङ्‌ङिन् आङ्‌गाॽओ के़रे़—

इजकिएल 30:1

कन् वेॽ इङ्‌घङ्‌ङिन् यहवे दाङ्‌बालाम् आङ्‌गाॽओ के़रे़—

इजकिएल 31:1

यहोयाकिन हाङ्‌ङिन् मे़दे़म्‍सु मे़देॽरुबा थिबोङ्‌ङाङ् थिक्‍सिगेक्‍पा तङ्‌बे सुम्‍सिगेक्‍पा ला थिक्‍सिगेक्‍पा ये़न्‍नो यहवे दाङ्‌बालाम् कन् इङ्‌घङ्‌ङिन् आङ्‌गाॽओ के़रे़—

इजकिएल 32:1

यहोयाकिन हाङ्‌ङिन् मे़दे़म्‍सु मे़देॽरुबा थिबोङ्‌ङाङ् ने़त्‍छिगेक्‍पा तङ्‌बेबा थिबोङ्‌ङाङ् ने़त्‍छिगेक्‍पा लाःल्‍ले़ थिक्‍सिगेक्‍पा ये़न्‍नो यहवे दाङ्‌बालाम् कन् इङ्‌घङ्‌ङिन् आङ्‌गाॽओ के़रे़—