यसैया 18:6 - लिम्बु6 खे़ङ्हाॽ के़रे़क् कोःक्मा फाङ्जङ् थे़गु माङ्वाहाॽओ के़याक्पा किथ नु ताम्भुङ् थक्साहाॽरे़ चामारे़ लागि युङ् याःक्लो॥ हे़क्केलॽरिक् पुसाहाॽरे़ हाङ्वामा ये़म् खाराक् मे़जरो हे़क्क्याङ् ताम्भुङ् थक्साहाॽरे़ चुङ्जिःक्मा ये़म् खाराक् मे़जरो॥ Gade chapit la |
यसैया 18:6
12 Referans Kwoze
“खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥
कर खे़ने़ॽग के़ने़मादे़न् इःप्पुङ्ङाङ् होप्लो, खे़ने़ॽ के़जे थक्किन् किबेःक्ल फाॽआङ् लाःक्कात् लाप्मे़भुसुआङ् ने़रो॥ कन् के़जे थक्के़न् थङ्ङो मे़से़रुसिबा थक्सुबाहाॽरे़ खुन्छिॽ चे थक्हाॽरे़ लुप्तुआङ् ने़रो॥ के़रे़क् के़सिबा थक्हाॽ लुङ्ङे लुङ् के़ने़बा याक्पेॽफिःप्मो लाप्मे़भुसुसिआङ् मे़ने़बाल्ले़ चोगुल्ले़ मनाहाॽरे़ चिराक् चिराक् मे़लाःक्तुसिरो॥
बेबिलोनबा लाजेन् ओमे़त्ताम्मे़ॽओ, खे़न् लाजेॽओ के़युङ्बा सुवाङ्हाॽ आल्ल मे़होप्लो॥ अस्सुरबा मनाहाॽरे़ खे़न् लाजेन् मुरे़क् खारे़क्पा ये़ःङ्घादे़न्नो के़याक्पा थक्सापुसा याक्नादे़न् मे़जोगु मे़बिरुसिआङ् वाॽरो॥ खे़ङ्हाॽरे़ थङ् थक्मा चङ्हिम्हाॽ मे़भोःक्खुरो, हे़क्क्याङ् खे़ङ्हाॽरे़ हाङ्यक्हाॽ मे़लुःन्दुआङ् मे़लुप्सु मे़ने़स्सुरो॥
खे़ङ्हाॽ किप्मागे़घुबा तुक्मे़ल्ले़ मे़सिःॽ, खे़ङ्हाॽरे़ खुन्छिॽ लागि मे़रिङ् के़धक्पा इग्र खे़ङ्हाॽरे़ खुन्छिॽ चेहाॽ के़लुप्पा मनाधिक्काङ् मे़वाॽने़न्॥ खे़ङ्हाॽरे़ खुन्छिॽ चेहाॽ खाम्मो चिधुक् हे़क्के ने़गन्॥ खे़ङ्हाॽ थङ्ङो इग्र साक्मे़न्जाए मे़सिःॽ हे़क्क्याङ् खे़ङ्हाॽरे़ खुन्छिॽ चेहाॽ पुहाॽ नु ताम्भुङ् थक्साहाॽरे़ खुन्छिॽ चामा कुजा मे़बोङ्लो॥”
Piblisite