यसैया 18:3 - लिम्बु3 इक्सादिङ् खाम्बेःक्मोबा के़रे़क् मे़न्छाम् याप्मिसे, खे़निॽग योॽबा लाजेॽओ के़युङिरो! कोःक्मा फाङ्जङ् थे़गु माङ्वाहाॽओ मिक्सेःन्ले़ लागि लत्छा निसाधिक् मे़हाक्तुरो, खिनिॽ खे़न् निसान के़निसुम्लो! हे़क्क्याङ् थङ्ले़ लागि थुत्थुरिःप्पान् लाइक्लो, खे़न् खे़निॽ के़घे़प्सुम्लो॥ Gade chapit la |
यहवे दाङ्बाए, खे़ङ्हाॽ खुम्दिङ् पिमासिरे़ लागि के़हुक्किल्ले़ थाःङ् के़साःप्सुसिआङ् पत्लो, कर खे़ने़ॽ के़हुक्किल्ले़ के़साःप्सुसिसाङ् खे़ङ्हाॽरे़ निनिआङ् मे़ल्लाप्तुन्लो॥ आबाङे के़मनाहाॽरे़ खुनिॽ लागि खे़ने़ॽ के़सिक्सम्मान् खे़ङ्हाॽरे़ मे़निसुआङ् खे़ङ्हाॽ सिरिङ्ममो मे़धाररो॥ खे़ने़ॽ के़दक्ले़ङ्वाओ के़बोःक्पाहाॽरे़ लागि लाःत्लाःत् के़युक्सुबा मिःल्ले़ खे़ङ्हाॽ खाप्पुथ्यःङ् चोगुसिररो॥
कोःक्मा फाङ्जङ् थे़गु माङ्वाहाॽओ हयङ् किल्लिङ् के़बोङ्बा, यम्बा मनालुप्लि हे़क्तङ्बा इक्लान् खे़प्से़म्मे़ॽओ! हे़क्क्याङ् हाङ्जुम्हाॽओलाम् के़लःम्बा हयङ् किल्लिङ्हाॽ, इक्सादिङ् खाम्बेःक्मोबा मे़न्छाम् सुवाङ्हाॽ थिक्मे़त् मे़भुङ्सिङ्ङिल्ले़ के़लःम्बा इक्लान् खे़प्से़म्मे़ॽओ! मुक्साम्दाङ्बा यहवे दाङ्बे़ल्ले़ थङ् चोःक्मारे़ लागि आबाङे खुने़ॽ कुधक्सुबाहाॽ फुक्खुसिर याक्लो॥
खे़ङ्हाॽरे़ खुन्छिॽ हाङ्यक्किन् किमा यङ्मारे़ चोगुल्ले़ लुःन्लो, हे़क्क्याङ् खे़ङ्हाॽरे़ खुन्छिॽ थक्मोबाहाॽरे़ थङ्ङिल्ले़ निसान मे़निसुआङ् आल्ल आक्खेने चोःक्मा पाःप्मा मे़लॽरो॥” खे़न् मिन् सियोन कोःक्माओ नु मिधुङ्दिङ् मिराःक्किन् यरुसले़म ये़क्यक्को युङ् फाॽआङ् यहवे दाङ्बे़ल्ले़ पाःत्तुरो॥
यहवे दाङ्बा निङ्वाॽफुमाङ्ङिल्ले़ अक्खे पाःत्तुॽ— “ओमे़त्ते़ॽओ, आङ्गाॽ इक्सादिङ् खाम्बेःक्मोबा मे़न्छाम् सुवाङ्हाॽ हुक्चाःल्किःल्ले़ उःत्तुङ्सिङ्लो, हे़क्क्याङ् आङ्गाॽ आनिसान् इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ तगि लेःत्तुङ्लो॥ खे़ङ्हाॽरे़ खे़ने़ॽ के़स्सा ये़म्बित्छाहाॽ खुन्छिॽ हुक्को मे़बक्खुसिआङ् मे़दारुसि के़म्बिरो, खे़ब्याङ् के़स्सा मे़न्छुमाहाॽग खे़ङ्हाॽरे़ खुन्छिॽ फक्ताङ्ङो मे़बक्खुसिआङ् मे़दारुसिरो॥
“मे़न्छाम् सुवाङ्हाॽओ मिक्सेन् निसान फोःक्खे़म्मे़ॽओ॥ थङ् इक्लान् मुक्खे़म्मे़ॽओ! बेबिलोनरे़ कुदक्ले़ङ्वाओ खे़ङ्हाॽ के़रे़क् मुरा मे़त्ते़म्सिम्मे़ॽओ! खे़ल्ले़ कुदक्ले़ङ्वाओ थक्मारे़ लागि खे़ङ्हाॽ यारिप् चोगे़म्सिम्मे़ॽओ! आरारातबा, मिन्निबा नु असकनजबा थक्सुबाहाॽ खिनिॽ फे़त्ते़म्सिम्मे़ॽओ॥ लत्छा थक्मोबा थिक् युक्तिङ् चोगे़म्मे़ॽओ, निःङ्खुःक्वाःल्ले़ कुबन्ज्याङ्माहाॽ हे़क्के आत्तातान्ने यरिक् अन्हाॽ तारे़म्सिम्मे़ॽओ!
“इक्सादिङ् खाम्बेःक्मोबा मे़न्छाम् सुवाङ्से, खिनिॽ के़रे़क्ले़ खे़प्से़म्मे़ॽओ॥ इक्सादिङ् खाम्बेःक्मो नु खे़प्मो के़युङ्बासे, खिनिॽ के़रे़क्ले़ सिङ्सिङ् ये़क्ये़क्काङ् खे़प्से़म्मे़ॽओ॥ हे़क्केलॽरिक् यहवे दाङ्बे़न् कुसेसे हिम्मोलाम्, यहवे दाङ्बा निङ्वाॽफुमाङ्ङिन्ने खिनिॽ तक्ले़ङ्वाओ तोःन्दि पोङ्लरो॥