यसैया 17:8 - लिम्बु8 खे़ङ्हाॽरे़ खुन्छिॽ आबाङे हुक्किल्ले़ मे़जोगुबा ले़त्ति तोःम्मादे़न्हाॽ ओमे़म्मे़त्तुन्लो, हे़क्क्याङ् खे़ङ्हाॽरे़ खुन्छिॽ आबाङे हुक्चोःल्ले़ मे़जोगुसिबा असेरा माङ्ङिल्ले़न् सित्लाङ्हाॽ नु सुक्पा हाःम्मादे़न्हाॽ ओमे़म्मे़त्तुन्लो॥ Gade chapit la |
यसैया 17:8
29 Referans Kwoze
आम्भा कल्ले़ए इस्राइलबा मनाहाॽरे़ खुन्छिॽ लायोन् ले़प्मि चोगुरो, हे़क्क्याङ् खे़ल्ले़ कुलायोन् माःङ्घा पोङ्बा मिक्सेःन्निङ्ग खे़ल्ले़ ले़त्ति तोःम्मा ते़न्हाॽओबा के़रे़क् लुङ्हाॽ खरि-लुङ् कुइसिक् फयःप्फयःप् यःप्सुदेसुरो, खे़ब्याङ् असेरा माङ्ङिल्ले़ कुसित्लाङ्हाॽ नु साङ्सिङ् सुक्पा हाःम्मा ते़रे़ःङ्हाॽ लत्छाआङ् तक्पे़त् मे़युक्खुल्लो॥
“मनाहाॽ, थक्साहाॽ के़रे़क् मे़क्खुङ्सिङ्लो॥ ताङ्साङ्बोबा पुसाहाॽ, वरःङ्ङोबा पाधुङ् ले़क्ङाहाॽ आङ्गाॽ थ्यःङ् चोगुङ्सिङ्लो॥ आङ्गाॽ इक्सादिङ् खाम्बेःक्मोलाम् मे़न्छाम् सुवाङ्हाॽ मासुङ्सिङ्लो, हे़क्क्याङ् कुॽइगे़भे़म्बाहाॽरे़ लागि लुङ्हाॽरक् लुम्सिङ्ङाङ् ने़रो,” यहवे दाङ्बे़ल्ले़ इङ्भन् चोगुरो॥
खे़ब्याङ् खे़न् मनाःल्ले़ कुलागि हाःम्मा सिङ् पोङ्लो, हे़क्क्याङ् खुने़ॽ कुभा सिङ्जिॽ याङ्सिङ्ङाङ् आबाङे मि चाॽरुरो॥ खुने़ॽ खे़न् हाःन्दुआङ् खरे़ःङ् ले़ःङ्सुरो, हे़क्क्याङ् बाखे़न् सिङ्लाम्बा खुने़ॽ लत्छा माङ्धिक्काङ् चोगुआङ् खे़न् से़वा मे़त्तुरो॥ खुने़ॽ खे़न् सिङ्लाम्बा नावाइत्लाधिक् चोगुरो, खम्भ्याङ् खे़ल्ले़ कुदगि साम्बोन् हबत् फन्छिङ्लो॥
बाल माङ्हाॽओबा ले़त्ति तोःम्मादे़न्हाॽ खुने़ॽ लुःम्मादेमा पाङ्घुसि, हे़क्क्याङ् खे़ङ्हाॽरे़ कुसम्धाङ्बा सुक्पा हाःम्मा साङ्ते़रे़ःङ्हाॽ कुम्जिक्मा मे़जोगु॥ खुने़ॽ असेरा माङ् सित्लाङ्हाॽ नु वेॽ के़रे़क् नावाइत्लाहाॽ हे़क्क्याङ् इत्हाॽ फयःप्फयःप् यःप्सुआङ् खाप्पुथ्यःङ् चोगु, हम्भ्याङ् खे़न् माङ्हाॽओ सिदुङ्जभा के़दोम्बा मनाहाॽरे़ खुन्छिॽ इपुङ्हाॽओ खे़न् कुम्जिक्माहाॽ से़सुदेसु॥
खिनिॽ खे़ङ्हाॽनु अक्तङ्बा याःम्बक् चोगे़म्मे़ॽ॥ खे़ङ्हाॽरे़ खुन्छिॽ ले़त्ति तोःम्मादे़न्हाॽ यन्छे़म् पिरे़म्सिम्मे़ॽ, खे़ङ्हाॽरे़ खुन्छिॽ चखोबा लुङ्हाॽ फयःप्फयःप् यःप्से़म् पिरे़म्सिम्मे़ॽ, खे़ङ्हाॽरे़ खुन्छिॽ असेरा माङ्ङिल्ले़ कुसित्लाङ्हाॽ खक्ते़म्मे़ॽआङ् सोःन्दे़म् पिरे़म्सिम्मे़ॽ, हे़क्क्याङ् खे़हाॽरे़ खुन्छिॽ नावाइत्लाहाॽ मिओ मिधिक्खे़म् पिरे़म्सिम्मे़ॽ॥
हुम्बे़त् के़दाप्पा सरेःक्याःप्पा के़रे़क् सिङ्बुङ्हाॽरे़ कुबेसाङ्बा हे़क्क्याङ् केःम्ब केःम्बा कोःक्मा फाङ्जङ् थे़गु माङ्वाहाॽओ खे़ङ्हाॽरे़ खुन्छिॽ ले़त्ति तोःम्मादे़न्हाॽ हे़क्क्याङ् असेरा साम्माङ्ङिल्ले़ कुसित्लाङ्हाॽ खे़ङ्हाॽरे़ खुन्छिॽ साएहाॽरे़आङ् से़वा मे़मे़त्तुरो॥
कन् सोसोःत्लराङ्ङिन् चुरे़ल्ले़ खे़प्मो के़जुम्बा काक् इस्राइलिहाॽ यहुदाबा ये़क्यक्हाॽओ मे़बेआङ् खे़ङ्हाॽ के़रे़क् युम्रे़क् मे़म्मे़ङ्ङे थारिक् खे़ङ्हाॽरे़ सेसे लुङ्हाॽ कुम्जिक्मा मे़यःप्सु हे़क्क्याङ् असेरा माङ् नावाइत्लाहाॽ मे़लुःन्दु मे़देसु॥ के़रे़क् यहुदा नु बेन्यामिन हे़क्क्याङ् एफ्राइम नु मनस्सेबा केःम्ब केःम्बा माङ्धाःन्हाॽ नु ले़त्ति तोःम्मादे़न्हाॽ मे़यन्छु मे़देसु॥ खे़म्म्याक् मे़जोगु मे़सुरुआङ् इस्राइलिहाॽ के़रे़क् खुन्छिॽ आप्फेक् ये़क्यक्हाॽओ नु पालाम्बाबा लाजेॽओ मे़नुःक्खे़ मे़बेरो॥
Piblisite