यसैया 17:12 - लिम्बु12 आम्बि, इक्सादिङ् खाम्बेःक्मोबा यरिक् मे़न्छाम् सुवाङ्हाॽ मे़अःक् मे़भिःक्पा हयङ् किल्लिङ्हाॽ वरःङ्ङिन् सःक्पा कुइसिक् खे़म्दे़त्लो! आम्बि, यरिक् मे़न्छाम् सुवाङ्हाॽ मे़अःक्पा इक्लान् यम्बयम्बा वहःङ्हाॽ सःक्पा कुइसिक् लॽरो! Gade chapit la |
यसैया 17:12
21 Referans Kwoze
खे़ङ्हाॽरे़ आबाङे खुन्छिॽ लाःक् नु लिन् हुक्को मे़गत्तुरो खे़ङ्हाॽ कुॽइगे़भे़म्बा नु कुलुङ्माॽ स्याःत् मे़ल्लॽमनाबा मे़जोक्लो॥ खे़ङ्हाॽरे़ग अन्हाॽ मे़युक्तुसिआङ् मे़दारो हे़क्केःल्ले़ खे़ङ्हाॽरे़ खुन्छिॽ लाङ्बुक्किन् वरःङ्ङिन् सःक्पा हे़क्के लॽरो॥ नुमासुक्मा यरुसले़ःम्मिन्नु थक्से़ खे़ङ्हाॽ मे़दार मे़बत्लो॥”
हे़क्क्याङ् खोर्याहाॽ के़गप्पा खे़न् नुसि माङ्लाइङ्बाहाॽओ थिक्पा फे़रे़आङ् अक्खे मे़त्ताङ्, “फे़रे़ॽ, इङ्गाॽ खे़ने़ॽ खे़न् कुइङ् कुनाम् के़से़मा के़त्निमाल्ले़ खोमा के़बोङ्बा खुम्दिङ्ङिन् ओसेःन्धाक्ने़ॽरो॥ खे़न् के़त्निमान् यरिक् च्वाःत्तिल्ले़ कुबेसाङ् के़ने़बा यम्बा ये़क्यक्किन्लो॥
मे़न्छाम् सुवाङ्से, ते़न्धङ् चोःक्मा उवा चोगे़म्मे़ॽओ हे़क्क्याङ् किसाम्मे़ॽआङ् यक्खे़म्मे़ॽओ! माःङ्घा माःङ्घा के़ने़बा लाजेॽसे, थङ् चोःक्मारे़ लागि यारिप् पोःक्खाम्मे़ॽओ, खे़ब्याङ् खिनिॽ यङ्माॽ के़रे़म्मे़ॽओ! थङ् थक्मारे़ लागि यारिप् पोःक्खे़म्मे़ॽओ, खे़म्ब्याङ् फुत्लुम् थ्यःङ् पोःक्खाम्मे़ॽओ!
कोःक्मा फाङ्जङ् थे़गु माङ्वाहाॽओ हयङ् किल्लिङ् के़बोङ्बा, यम्बा मनालुप्लि हे़क्तङ्बा इक्लान् खे़प्से़म्मे़ॽओ! हे़क्क्याङ् हाङ्जुम्हाॽओलाम् के़लःम्बा हयङ् किल्लिङ्हाॽ, इक्सादिङ् खाम्बेःक्मोबा मे़न्छाम् सुवाङ्हाॽ थिक्मे़त् मे़भुङ्सिङ्ङिल्ले़ के़लःम्बा इक्लान् खे़प्से़म्मे़ॽओ! मुक्साम्दाङ्बा यहवे दाङ्बे़ल्ले़ थङ् चोःक्मारे़ लागि आबाङे खुने़ॽ कुधक्सुबाहाॽ फुक्खुसिर याक्लो॥
खे़ने़ॽ के़दक्ले़ङ्वाओ मे़जोगुबा आक्तङ्बा फे़जुम्भे़यारे़आङ् खे़ने़ॽ नाःम्मा के़न्छुक्ने़ल्लो, हे़क्क्याङ् खे़ने़ॽ आप्तिक् के़गुःप्पा मनाहाॽ खे़ने़ॽ याङ्ना आप्तिक् के़गुःत्तुसिरो॥ कङ्ग यहवे दाङ्बे़ल्ले़ कुसे़वारोबाहाॽरे़ खुन्छिॽ लागि याङ्सा कुन्धेरे़न् लक्लो, खे़ब्याङ् आङ्गाॽलाम् खे़ङ्हाॽरे़ खुन्छिॽ आप्तिक् मेःन्नेबा पर्माःङ्गि हाबा कन्लो॥’”
Piblisite